الرحالة و المسافرون العرب

محمود طارق يكتب: أسرار السفر الى السودان من القاهرة بـ 230 جنيه فقط

تجربة- محمود طارق:

السفر الى السودان ممكن يكون سهل جدا باعتباره دولة حدودية مع مصر. وممكن تزورها بري، يمكن كتير من المصريين ميعرفوش عنها حاجة، رغم اننا كنا دولة واحدة. ومصريين كتير يمكن عندهم معلومات غلط، بس الأكيد ان السودان دولة تستاهل انها تتزار، وكمان زيارتها مش هتكون مكلفة، في التقرير ده هشرح لكم ازاي تسافروا السودان من القاهرة بري، بتكلفة ممكن توصل لـ 230 جنيه.

الأتوبيس

في اتوبيسات بتطلع من القاهرة لحلفا، وفي حل أوفر: أسوان لحلفا أو من أسوان للخرطوم وأسوان ممكن الوصول ليها عن كذا نوع من القطارات زي الأسبانى أو النوم أو الـ VIP الأنواع دى فيه اللي بيطلع من الاسكندرية وده يبقف فى طنطا قبل القاهرة أساسي وكلهم شغالين طول السنة ما عدا قطر النوم صيف بس.

القطار

وفي اللى بيطلع من القاهرة ودي بتكون عددها أكبر فبيكون فرص الحجز عليها أكتر  وبرضه شغالة طول السنة حتى قطر من قطارات النوم، والتانى هو اللى بيشتغل صيف بس وأغلى تذكرة فيهم هى الكابينة المفردة فى قطر النوم 500 جنيه شاملة وجبة العشاء أما الكابينة المزدوجة 300 شاملة وجبة العشاء، وأرخصهم الأسبانى وده بيكون على حسب المحطة اللى ركبت منها وكمان على حسب الدرجة أولى مكيف ولا ثانية مكيف.

السفر الى السودان

الأتوبيس من أسوان لحلفا 120 ومن أسوان للخرطوم 400 يعنى الرحلة كلها ممكن تكلف 200 جنيه لو مسافر على أسبانى درجة تانية، وأتوبيس من أسوان لحلفا و900 جنيه لو مسافر فى قطر نوم، ومن أسوان للخرطوم.

طبعا لازم نعمل حساب احتمالية البيات فى أسوان عشان معاد الأتوبيس ففى حلين الأول هو بيت شباب أسوان وسعره 30 جنيه فى الغرف المشتركة أما لو من محبين الخصوصية ففى فنادق حوالين المحطة سعرها رخيص حوالي 70 جنيه للأوضة المفردة بس حمام مشترك أو 120 جنيه لو حمام خاص و150 جنيه لأوضة مزدوجة حمام خاص.

طبعا كده وصلنا لاحتمالية تكلفة من 230 إلى 1050 على حسب دماغ ومزاج وأريحية كل شخص بس لو جينا نشوفها نلاقيه مهما كانت أرخص من الطيران لأنه مكلف جدا تذكرة الطيران من للسودان تعدى عن 2000 جنيه وأكتر.

14 تعليقات
  1. محمود سيد يقول

    اية الاجراءات اللى بتتعمل لتائشيرة

  2. Samar يقول

    طيب ممكن تقولي على اسماء شركات الباصات اللي سافرت بيها من اسوان للهرطوم والعكس

  3. مسافر يقول

    السلام عليكم/ ما حقيقة السفر بالبطاقة فقظ

    1. أحمد بلال يقول

      لابد من وجود جواز سفر وتاشيرة دخول للرجال من 18: 45

  4. ياسر يقول

    ما الاوراق والاجراءات لسفر الى السودان

  5. ابو معاوية يقول

    التأشيرة بكام في السفارة السودانية
    وكيف احجز الاتوبيس في اسوان ؟؟

  6. أمير يقول

    استاذ أحمد التأشيرة بتتاخد منين؟
    ولا فين نقدم طلب عليها.

    1. أحمد بلال يقول

      بتقدم عليها في السفارة السودانية

  7. يسرى محمد يقول

    السلام عليكم
    ممكن اعرف اركب ايه بالترتيب من اسكندرية الى السودان – الخرطوم والأسعار باسعار اليوم اقل حاجة نقل برى

    1. أحمد بلال يقول

      من القاهرة في محطة الترجمان
      من اسوان نفسها او من ابو سمبل وتاخد عبارة لمعبر قسطل المصري ومنه ستعبر الى الجانب السوداني
      معنديش فكرة عن الاسعار اليوم

  8. سلوى علي يقول

    هل التاشيره بتتاخد في المينه ولا بنقدم طلب للحصول عليها وايه ايه متطلبات الحصول عليها
    الرجاء الرد

  9. Omar يقول

    شكرا للأفادة بس الأتوبيسات بحجزها منين من القاهرة؟
    أو لو روحت أسوان بالقطار بحجزها منين من أسوان؟

    1. أحمد بلال يقول

      من القاهرة في محطة الترجمان
      من اسوان نفسها او من ابو سمبل وتاخد عبارة لمعبر قسطل المصري ومنه ستعبر الى الجانب السوداني

      1. asmaa ibrahim يقول

        لو حد يقدر بساعدني لو مسافر ارسل معاه شي لقريبه لي هناك

اترك رد

لن يتم نشر عنوان بريدك الإلكتروني.