الرحالة و المسافرون العرب

قواعد الـ سفر الأربعون: متنساش رقم 36

تجربة- أحمد بلال:

1- الـ سفر فن مش “عن عن”

2- اقرأ تجارب كل اللي سافروا

3- انسى كل اللي قريته

سفر

4- اصنع تجربتك الخاصة بيك ومتخليهاش استنساخ لتجربة حد

5- افرد خريطة العالم قدامك وحدد هدفك

6- خطط لسفرك وعيش في تفاصيل البلد اللي قررت تروحها

7- اقرا عنها طول الوقت اعرف ايه أهم معالمها ومواصلاتها وأكلاتها الشعبية

8- خد ضعف الفلوس اللي حددتها ونص الهدوم اللي فكرت فيها

9- تابع عروض شركات الطيران طول الوقت

10- متضيعش فرص العروض لأن الفرصة ممكن متتعوضش

11- استخدم على قد ما تقدر طيران منخفص التكلفة

12- شوف امتى أرخص وقت تحجز فيه للدولة دي حتى لو كان بعيد

13- خليك فاكر إن كل قرش بتوفره في السفر معناه رحلة جديدة

الطقس

14- مهم تعرف حالة الطقس في الدولة اللي رايحها لأنه ممكن يكون مختلف تماما

15- بلاش تستخدم التاكسي واستخدم المواصلات العامة

16- في المطارات بتلاقي مترو وأتوبيس وغيرهم تقدر تروح بيهم وسط البلد

17- خلي معاك صور من كل أوراقك مطبوعين وعلى تليفونك

18- لما تروح بلد عيش عيشة أهلها

19- كل أكلهم الشعبي

20- اركب مواصلاتهم العامة

21- روح أسواقهم الشعبية

القهوة

22- ومتنساش تدوق قهوتهم

23- جرب كل حاجة طالما اللي جربوها قبلك لسه عايشين

24- في معالم سياحية في بعض الدول بتكون مجانا في أيام معينة.. ابحث عنها

25- انت مش مسافر عشان تنام.. استمتع بكل لحظة

26- اصحى بدري عشان تستفيد من اليوم.. معظم المعالم السياحية بتقفل 5

27- مش لازم تقعد في فندق ممكن تجرب الهوستيلز والكاوتش سيرفينج

28- شيل فلوسك في أكثر من مكان

ابتسم

29- ابتسامتك هي كلمة السر لرحلة سعيدة لأنك هتلاقي الكل بيبتسم لك

30- بلاش موضوع نسافر ونكسر فيزا عشان ده ممكن يكون تمنه غالي قوي

31- مش لازم تكون غني عشان تسافر بس لازم تكون عارف ازاي تسافر

32- مش شرط تسافر مع حد ومش شرط العكس.. السفر ممتع في حد ذاته

33- متعة الـ سفر في الاكتشاف.. بلاش تختصر الدول في كام معلم سياحي

34- هتشوف ناس كتير مختلفة عنك.. احترم ثقافتهم ومعتقداتهم وتقاليدهم وأديانهم

35- متنساش الباور بانك لأن تليفونك هو أفضل صديق في الـ سفر

الرحالة

36- اكتب تجربتك ع “الرحالة” لما ترجع وانشرها عشان غيرك يستفيد منها

37- مفيش تأشيرة مستحيلة السر في تظبيط الورق

38- الـ سفر مش محتاج شركة سياحة انت تقدر تعمل كل حاجة بنفسك

39- مرة أخيرة: اصنع مغامرتك بنفسك ومتكررش تجارب حد

40- نسيت أقولك إن كل المعلومات هتلاقيها على موقع الرحالة