الرئيسية / أوروبا / علي اليتيم يكتب معلومات عن باريس لم تعرفها من قبل: ابحث عن قصة حبك هنا
معلومات عن باريس

علي اليتيم يكتب معلومات عن باريس لم تعرفها من قبل: ابحث عن قصة حبك هنا

معلومات عن باريس | الرحالة |

لو سألت اي انسان عن باريس بيقول لك برج إيفيل أو شارع الشانزليزيه. بس في معلومات عن باريس ممكن محدش يقولك عنها.

بس مفيش حد هيقول لك عن ضواحي باريس 9،8 أو عن شارع السوربون أو عن الحديقة اللي قبل متحف اللوفر اللي بتقلب حديقة الحب في الساعة 11 بالليل.

أو عن ناس باريس الصبح اللي بيبقوا مبسوطين من غير أي حاجة حتى لو كانوا مفلسين. ده غير انك لو كلمت المطاعم والناس بأدب واحترام كل حاجة هتبقى أرخص. والكل هيتعامل معاك بأحسن صورة.

معلومات عن باريس

ده غير عطر الشعب، شعب فرنسا وباريس بالتحديد. كله بيفوح منه عطر لا مثيل له. ده غير انك هتلاقي الحب في كل مكان. كل الناس في باريس مسحورة بفكرة الحب.. بتحب الحب.

وكلهم عندهم كمية حرية فظيعة، حرية بمعنى الكلمة مش حرية بمعنى قل أدب.

لو بتحب الرقص عندك شارع 41 رود دي تامبل في باريس. شارع مدارس الرقص. تخيل معايا كده شارع كله مدارس رقص من أوله لغاية آخره. ده غير انك ممكن تدخل أول يوم ببلاش وبعدين تبقى تدفع لو حابب تشترك معاهم.

علي اليتيم

ادفع بالفيزا

في مشكلة في باريس مش عارف إذا هي في كل بلاد اليورو ولا في فرنسا بس. وهي مشكلة الورقة أم 500 يورو. هتتعب على ما تصرفها. ده غير إن الناس هتبص لك على انك غني ومختلف في نفس الوقت.

أصل محدش هناك بيتعامل بالكاش في المبالغ دي، دول حتى اليورو الواحد بيدفعوه بالفيزا أو بالشيك. ناهيك أنهم الصبح كلهم بيفطروا فطار واحد.

آلة الزمن

ده غير انك هتشوف القرن الواحد والعشرين مع القرن التاسع عشر والثامن عشر والسابع عشر، مع بعض في نفس الوقت.

طب ازاي؟!.. أقول لك إزاي.. من خلال المباني يا أفندم أصل وانت بتتمشى في باريس، هتشوف بيوت قديمة وجنبها بيوت حديثة آخر موضة، وحتشوف بيوت عليها صحون الستالايت وجنبها الإيريال القديم بتاع التليفزيون الأبيض والأسود.

وهتشوف ده كمان في العربيات. ممكن تلاقي عربية آخر موديل جنبك وجنبها عربية أثرية وبتمشي برضه مش واقفة كده مركونة.

الأكل في باريس

وفي حاجات مش لطيفة بيعملها الشعب هناك بس مش شرط يكون الشعب الفرنسي. ومنها انك هتشوف ناس بتعاكس، وناس بتعمل حاجات في الشارع، مينفعش تتعمل إلا في الحمام، ده غير انك كل ما تبص في حتة هتشوف ياباني أو صيني جنبك، أصلهم بيحبوا باريس أكتر من نفسهم.

الحلو في باريس انك ممكن تأكل وتحلي بـ 10 يورو أحلى أكل  وأجمل حلويات في الدنيا بعد الأكل. بس أكيد مش مطاعم الشانز، لا في أماكن أخرى بتبقى مطاعم لناس من شعب فرنسا اللطيف.

ابحث عن قصة حبك

يعني واحد فاتح له عربية برجر، أو عربية حلويات فرنسية هو بيعملها في البيت، ده غير انك ممكن تدور على حب حياتك هناك، أصل الحب هناك عندهم مقدس، فعشان كدا ممكن يحبوا بسرعة.

أجمل جملة هتفضل تسمعها طول ما انت في باريس هي: از يو ليك!.. هتسمعها من كل الناس، من الشرطي، الحرامي، السكران، لاعب الكورة، المخترع، الفقير وانت بتتبرع له، ده غير انه بيشحت بالمزيكا مش بكلام وانت حر تدفع ولا لا.

باريس التي لا يعرفها أحد

في النهاية وباختصار شديد، باريس ليست بلد الرفاهية والاسترخاء باريس بلد المغامرات والاكتشاف، أخرج وتمشى من الساعة 11 لليل، لغاية الساعة 9 صباحا وسترى العجب، وستعرف باريس التي لا يعرفها أحد.

ملحوظة: لو رحت فرنسا لازم تروح ديزني لاند.

شاهد أيضاً

السفر التطوعي إلى تايلند

السفر التطوعي إلى تايلند : تجربة فرات سامي في التطوع بمزرعة تايلاندية

السفر التطوعي إلى تايلند | الرحالة | رحلة- فرات سامي:   ابتديت يومي الرابع في …