fbpx
الرئيسية / آسيا / تاشيرة جورجيا | كيف تحصل على فيزا جورجيا خطوة بخطوة وما هي أسباب الرفض
تاشيرة جورجيا
تاشيرة جورجيا

تاشيرة جورجيا | كيف تحصل على فيزا جورجيا خطوة بخطوة وما هي أسباب الرفض

تاشيرة جورجيا | الرحالة | تجربة- بهاء فاروق:

بالنسبة لتأشيرة جورجيا فهي مش مقيدة بسن معين ولا وظيفة معينة وملهاش أي شروط, ولا يشترط فيها حجز فندق أو طيران ولكن لازم تقدمها صح علشان تتقبل، وبتطلع في خلال 5 أيام عمل تقريبا, وكل فرد ليه فيزا منفصلة حتى لو طفل, وليها متطلبات كالتالي:

متطلبات تاشيرة جورجيا

1- صورة جواز السفر (الصفحة الأولى) وتكون معمولة scan نظيف (يعني عن طريق سكانر) مش تصورها بالموبايل وتستسهل, لأن لو الصورة غير واضحة هتترفض.
2- يكون الباسبور صالح على الأقل لمدة 3 شهور.
2- صورة شخصية خلفية بيضاء متصورة آخر 6 شهور (يفضل غير صورة الباسبور) والصورة دي ليها شروط في اللينك ده: https://videos.mfa.gov.ge/geoconsul/ka/photos.pdf وتعمل للصورة scan نظيف برضه بالسكانر لأن لو الصورة غير مطابقة للمواصفات الفيزا هتترفض
3- يكون معاك كرديت كارد (أو كريدت من أي حد صاحبك) علشان دفع تمن الفيزا وهو 20 دولار.

تاشيرة جورجيا
تاشيرة جورجيا

خطوات الحصول على تاشيرة جورجيا

1- أدخل على الموقع ده : https://goo.gl/fJgm0o
2- اضغط apply now
3- أول خانة حتحط الجنسية: Egypt
4- الخانة الثانية: نوع الفيزا ordinary
5- الخانة الثالثة: تاريخ انتهاء جواز السفر
6- الخانة الرابعة: الغرض من الزيارة: tourism يعني سياحة
7- الثلاث خانات اللي بعدهم سيبهم فاضيين
8- دخل رمز التأكيد Security verification

البيانات المطلوبة للحصول على تاشيرة جورجيا

9- الصفحة التالية: هتدخل تاريخ الوصول إلى جورجيا وليكن يوم 1 سبتمبر مثلا (مش مهم التاريخ بالظبط) لأن ده تاريخ بداية سريان الفيزا و تاشيرة جورجيا بتطلع صالحه لمدة 120 يوم من التاريخ ده وتقدر تقعد بيها داخل جورجيا 30 يوم.
10- الصفحة التالية اقرأ الشروط بالإنجليزي وعلم عليهم كلهم صح.
11- الصفحة التالية هتدخل بياناتك صحيحة 100%, ملحوظة: الـ surname: هو الاسم الأخير في الباسبور سواء رابع أو خامس , وتدخل الإيميل اللي هيوصلك عليه تاشيرة جورجيا وترفع الصورة على الموقع.

تاشيرة جورجيا
تاشيرة جورجيا

تكلفة تاشيرة جورجيا

12- بخصوص خانة Check the box if application is submitted by representative متعلمش عليها سيبها فاضية
13- بالنسبه لخانة Travelling With Companion دي لو انتوا عائلة ومسافرين مع بعض فبتعلم على الخانة دي وتكتب أسماء الناس اللي مسافره معاك, لو مسافر لوحدك متعلمش عليها.
14- بعدين حتعمل upload لصورة الباسبور
15- أخر صفحه هتشيك على كل المعلومات كذا مره و تتأكد 100% إن كل المعلومات صحيحة وتضغط على VERIFY
16- هيجيلك إيميل على إيميلك بتأكيد المعلومات وهيجيلك صفحة للدفع, هتدخل بيانات الكريدت كارد وتدفع تمن تاشيرة جورجيا 20 دولار للفرد. خلال 5 أيام عمل إن شاء هتوصلك تاشيرة جورجيا

تاشيرة جورجيا
تاشيرة جورجيا

أسباب رفض تاشيرة جورجيا

تاشيرة جورجيا لو اترفضت هتكون انت السبب فيها مش السفارة, تأشيرة جورجيا إلكترونية وملهاش شروط فالمفروض إن الكل بيتقبل, لكن لو البيانات غير صحيحة هتترفض مباشرة.

ناس كتير بتستهون ان الخطوات بسيطه و بتدخل معلومات خطا فبتا خد رفض مباشرة , الخطأ ممكن في حرف واحد في الاسم

لو الصورة غير مطابقة للمواصفات حتترفض مباشرة , و لازم يكون معمولها scan محترم , متستهلش و تصورها من الموبيل , و صورة الباسبور كذلك

نصيحة مهمه جدا: حاول أن الصورة الشخصيه تكون غير صورة الباسبور و النقطه دي مهمه , لأن لو الباسبور بقاله اكتر من 6 شهور معاك و الصورة نفس صورة الباسبور فده معناه إن الصورة أقدم من 6 شهور فهتترفض، دي كل الخطوات بالتفصيل وبالتوفيق لكم جميعا.

أنصحك أيضًا بقراءة:

السياحة في جورجيا .. أجمل 6 اماكن سياحية في جورجيا : بينها جبل كازبيك

الاماكن السياحية في جورجيا : أفضل 10 مناطق يمكن زيارتها في جورجيا

رحلتي الى جورجيا | رحاب أحمد تكتب رحلتها إلى جورجيا: برنامج سياحي كامل

المدن السياحية في جورجيا | تعرف على أهم 5 مدن سياحية في جورجيا

تأشيرة جورجيا | عمرو المغربي يكتب تجربته: جورجيا.. فيزا من غير طوابير

جورجيا سياحة | أهم المعالم السياحية في جورجيا: رحلة إلى دولة البطريق

شاهد أيضاً

الاماكن السياحية في بوكيت

أجمل الاماكن السياحية في بوكيت : بينها سوق تشاو فاه والمنزل المقلوب

الاماكن السياحية في بوكيت | الرحالة |   الاماكن السياحية في بوكيت لا تعد ولا …