الرحالة و المسافرون العرب

أفضل 5 اماكن سياحية في روما : في نافورة تريفي عملت نفسي من بنها

أفضل 5 اماكن سياحية في روما | الرحالة | رحلة- جنان عبده:

زي ما قلت في تقريري الأول عن إيطاليا، إن العاصمة روما نفسها مليانة مناطق سياحية وبتشبه المتحف الكبير المفتوح يعني، لو وصلت منطقة فيك تتجول فيها وتشوف عدة أثار تاريخية عريقة. وده اللي حصل معايا في اليوم الأول اللي زرت فيه 5 مواقع سياحية.

أفضل 5 اماكن سياحية في روما

أخدت من موقعي من محطة المترو القريبة مني خط مترو A الأحمر ورحت فيه ركبت 3 محطات لحد ما وصلت منطقة الدرج الإسباني التنقل بالمترو سهل. في خارطة المحطات بتلاقيها داخل القطر وكمان بتسمع تسجيل صوتي بينبهك أنك وصلت وطبعا بتشوف من شباك المترو بالخط العريض اسم المحطة.. لكن لازم تنزل بسرعة والناس كثيرة فممكن لو تأخرت ما تلحق تنزل.

 الدرج الإسباني

وصلت هناك من محطة المترو مشيت حوالي 10 دقايق لغاية ما وصلت كان السير سهل وكنت مستمتعة ومش مصدقة إني حقيقي بقيت في روما.. روما الجميلة في كل زاوية تماثيل وآثار.

لفت نظري وجود نوافير مياه باردة للماشيين في الشوارع وأيضا ملفت للنظر التماثيل الضخمة في أعلى المباني الأثرية بتخليك تسال نفسك كيف قدروا يرفعوها هناك J مباني ضخمة عريقة زقاقات طويلة مليانة حوانيت مصفات للموترسيكل بالعشرات.

وصلت الدرج الإسباني- السلالم الاسبانية وأول ما وصلت اتصدمت انها مغلقة لترميمات وصيانة من شهرين L كنت حابة أشوفها خاصة إني بذكرها في منظرها الجميل وفنانين قاعدين بيرسموا بورتريهات ومناظر للمدينة وفنانين بيعزفواووورد حواليها. كانت مقفولة.

الدرج الإسباني عبارة عن 135 درجة بينت في عصور سابقة في مديان كبير قربها نافورة القارب وبنيت عام 1721 وسموها الاسبانية عشان كان هدفها ربط اسبانيا بالفاتيكان. خسارة اتضايفت كثير.. خدت صوة ليها للذكرى مع ان شكلها وهي مقفولة وحش.

 

نافورة القارب

قبال الدرج الإسباني ع طول في الساحة نافورة القارب. وفي عربيات حناطير بتجرها خيول للسواح اللي عايزين يعملوا جولة ومش عايزين يمشوا. انا طبعا جاية عشان أمشي واتمتع بالازقة والمناظر اللي هشوفها وكنت خططت إني هشوفها هناك.

النافورة  زي اسمها عبارة عن نافورة مياه مبينة بشكل قارب وقصتها بتقول ان روما القديمة غرقت مرة مع فيضان نهر التيبر ووصل القارب لهذه المنطقة وتخليدا للذكرى بنيت النافورة والقارب.

منظر لطيف بس ما في كثير ايه تعمل فيه هو يعني ممكن يكون محطة بجولة زي اللي أنا عاملتها.

تمثال الملك داوود والنبي موسى

جنوب نافورة القارب بتلاقي نصب كبير لتماثل النبي موسى والملك داوود وفي أعلاه عامود طويل. الناس بتوقف تاخد صور هناك ومنهم بيقعد يرتاح ومنهم بكمل طريقه زيي لنافورة الأمنيات

نافورة الأمنيات- نافورة تريفي

نافورة الأمنيات نافورة ضخمة وشلالات صغيرة قدام جدارية عظيمه وضخمة لعدد من الآلهة الرومان، الساحة قبالها مليانه ناس مش ببالغ لو قلت مئات منهم اللي عايزبستمتع بالمنظر زيي وبعظمة التاريخي ومنهم اللي يمكن بيؤمن حقيقي انها بتحقق الامنيات ورمى داخل بركة النافورة عملة عشان تتحق أمنيته.

وصلتلها بعد سير حوالي نص ساعة من الدرج الإسباني. منظر رائع الجمال. لكن قبلها كنت عملت استراحة أكل وطلبت بيتساطليانية حقيقي مشهية وبتختلف تماما عن اللي بسموه عندنا بيتسا وشيء لطيف ان المطعم وكل اللي بقربه حاطين هوايات كبيرة قرب الطاولات بترش مية بتلطف الجو على اللي قاعدين. بعدها خدت فنجان اسبرسو عظيم شربته وكملت طريقي للنافورة.

أفضل 5 اماكن سياحية في روما

الحقيقة ومتقولوش لحد انا اول ما وصلت ملحقتش اتمنى اي شي ع طول لقيت نفسي تزحلقت بالمية اللي ع الصخر ووقعت وقعة جامدة خلتني اتمنى اقوم اولا وثانيا أن ميكونش حد من المليون انسان قبالي صورني وثالثا اعرف مين اللي داعي عليي ? ?

انا صممت ما أترك المكان ع طول قعدت أرتاح واستمتع بالمنظر الجميل وصوت المياه المهدئة. خدت عدة صور وكملت طريقي من بعدها

 

معبد البان ثيون

بعد ما شفت نافورة الاماني كملت من هناك باتجاه الساحة اللي فيها معبد البانثيون من جديد اتفاجئت ايجابيا من ضخامة المبنى الرمادي بتصميه وضخامته بتحس عظمة التاريخ ورهبة معينه لكني وصلته متاخر نص ساعه كان صار مقفول.

هدا المعبد خد تسميته من اليونانية وبيعني معبد كل الالهة لكن بعدين لما روما دخلت بالمسيحيه تم تحويله لكنيسة.

هو موجود في ساحة ضخمة اعمدتها الرخاميه الرماديه بتعطيك شعور بعظمة التاريخ.

قعدت هناك وطلبت ايس كريم وقعدت استمتع بجمال المكان طبعا ده غير المخرج اللي قعد قربي يضحكني وقبل ما تركت المكان مليت ميه باردة من حنفية ميه باردة شفت زيها في كثير اماكن في البلد بعدين ميه باردة بتروي العطشانة.

المناظر في المنطقة جميلة جدا انا وصلت الظهر تقريبا وبيقت لليل لحد ما صارت عتمة ورجعت الطريق نفسها مكنش صعب الاقي الطريق ومنظر المباني والساحة قدام الدرج الاسباني ونافورة القارب حلوين بالليل.

وناس كثير قاعدين هناك. بقيت حوالي ساعة ورجعت تاني للفندق. كنت مرهقة جدا بعد يوم سفر طويل والوجع في رجلي من الوقعة اللي وقعتها قرب النافورة. وكان بيستناني يوم طويل بعدها في الفاتيكان.

اترك رد

لن يتم نشر عنوان بريدك الإلكتروني.