الرئيسية / أوروبا / بالفيديو.. 13 معلومة تضمن بها فيزا شنغن لزيارة أوروبا: ابعد عن الفهلوة
فيزا شنغن
فيزا شنغن

بالفيديو.. 13 معلومة تضمن بها فيزا شنغن لزيارة أوروبا: ابعد عن الفهلوة

فيزا شنغن | الرحالة | كتب- محمود عادل:

عدد كبير جدًا من الناس اللي بتقدم على فيزا شنغن ورقهم بيترفض، وده لحاجتين، أولهم لأن بيكون في حتة “فهلوة” في النص 😀 وثانيًا ممكن يكون نقص في الورق أو عدم معرفة بالحاجات المطلوبة، ولذلك مهم جدًا تركزوا معانا في الموضوع ده ولو ظبطوا كل الورق ونفذتوا كل حاجة بالضبط، استحالة يتعملكم rejection 😀

فيزا شنغن

إيه هي الأوراق المطلوبة لفيزا شنغن؟
1 – صورة شخصية 3.5 في 4.5
2- جواز سفر صالح لمدة 3 شهور على الأقل وفيه صفحتين فاضيين
3- كشف حساب من البنك في آخر 3 شهور، مش لازم الحساب يكون في فلوس كتير اوي، بس المهم يكون في فلوس بتدخل الحساب وتخرج منه، عشان ميحسش أنك استلفت الفلوس وطلعت كشف الحساب وبعدها روحت مرجعهم تاني، بيقفشوها 😀 وممكن تستخدموا حساب بنك حد تاني، زي الأب والأم والزوج والزوجة.

شهادة التحركات

4- جواب من الـ HR في شركتك، بيقول أنت اشتغلت من امتى وبقالك كام سنة عشان يتأكدوا أنك مش هتهرب على عندهم وأن ليك وظيفة في بلدك الأصلية.
5- تأمين السفر، وده بتروح أي شركة تأمين محلية وبتقولهم أنا رايح أوروبا وعايز تأمين سفر، تكلفته 150 جنيه.
6- شهادة تحركات، وإحنا قبل كدة نزلنا موضوع عنها، هتلاقي فيه كل التفاصيل من هنا
8- شهادة ميلاد رقمية
7- وبعد كدة هتعملوا Download لـ Form الفيزا من خلال الويب سايت، بتطبعوا وتملوا الفورم وتحطوا عليه الصور ولازم تتأكدوا أن التاريخ على الفورم، هو هو اللي موجود على كل الورق، زي تذاكر الطيران وحجز الفندق وغيره، ولو في غلطة، كل ورقك هيترفض.

شهر العسل

8- لو متجوزين يبقى لازم تحضروا قسيمة الجواز، طب لو هتقضوا هناك شهر عسل ومفيش قسيمة جواز؟ يبقى عقد المكان اللي هتعملوا فيه فرحكم بيحل محل قسيمة الجواز.
9-حجز التذاكر والإقامة، ولو مفيش فيزا مش هتخسر فلوس الطيران، إزاي؟ هتدخل على أي ويب سايت لحجز تذكرة طيران، وبعد ما بتظبط التذكرة والمعاد وكل حاجة بتعمل Pay later، وبتطبع التذكرة كأنك حاجزها بالضبط دي، ولو الفيزا اترفضت أنت مش هتدفع أي فلوس والتذكرة بتروح عادي.
10- الإقامة: هتدخل على موقع تحجز فيه فندق أو هوستيل، وهتختار مكان فيه free cancellation، اللي هو تقدر تحجزه بس لو الفيزا راحت متدفعش ولا مليم وتكنسل الإقامة.

ترجمة معتمدة

11- ترجمة كل الورق العربي في مكان هما بيكونوا طالبينه على موقعهم، لو ترجمت برة المكان ده الورق هيترفض.
12- لو عندك ورق ناقص، قدامك 5 أيام تكمل ورقك فيهم، لو معرفتش كل حاجة بتتكنسل وبتبدأ من أول وجديد.
13- لو مسافرين كذا دولة بتطلعوا فيزا شنغن في طريقتين تعرفوا هتطلعوا منين، الأولى لو في دولة معينة هتقعدوا فيها أكبر عدد من الأيام، يبقى هتطلعوا فيزا شنغن من الدولة دي، لو هتقعدوا عدد أيام قد بعض في كل الدول، يبقى هتطلعوا من
أول دولة هتروحوها.

المقابلة

أطلع فيزا شنغن امتى؟
قبل السفر بـ 22 يوم وعلى الأكثر 55 يوم

هل السفارة هتعمل معايا مقابلة؟
مش كل السفارات بتعمل مقابلات مع الناس ولكن ده ممكن يحصل لو عندهم شكوك في حاجة ما.

بحجز معاد إزاي؟
وبتحجز معاد من خلال ويب سايت، http://www.vfsglobal.com أو تتصل بيهم.

 

شوفوا الفيديو، عشان تعرفوا أكتر عن التقديم لفيزا شنغن

شاهد أيضاً

تاشيرة أمريكا السياحية

تاشيرة أمريكا السياحية : كيف تحصل على تاشيرة B1 الأمريكية خطوة بخطوة

 تاشيرة أمريكا السياحية | الرحالة |   تتيح الولايات المتحدة الأمريكية العديد من التاشيرات حول العالم …