“بتشوفها دماغك تعمل Error؟”.. اتعلم بسهولة كيفية قراءة تذكرة طيران قبل السفر

هل وقفت من قبل وفي يداك تذكرة طيران حجزتها للتو مع ابتسامة مفعمة بالأمل لخوض مغامرة جديدة حول العالم، و سرعان ما اختفت لتملئ وجهك علامات الاستفهام حول كيفية قراءة تذكرة طيران؟!! لا تقلق هو أمر طبيعي جدًا، فعلى الأرجح جميعًا تعرضنا لتخوفات عن قبل حجز تذكرة الطيران.
ومع بداية تجربتك للسفر وللمرة الأولى بحياتك حتمًا ستجد تخوفات عدة تبدأ من كيفية قراءة التذكرة، وفي هذه الحالة لا نلجأ مطلقًا للمواقع الإلكترونية، بل لتجارب الرحالة أنفسهم والمسافرون العرب ممن نجحوا بالفعل في خوض التجربة ذاتها مرات عدة، لذا اختارنا لك تجربة تفصيلية تشرح كل ما تحتاجه لكيفية قراءة تذكرة الطيران.

كيفية قراءة تذكرة طيران

قبل الانغماس في التفاصيل عليك بمعرفة أن هناك فارق بين تذكرة الطيران (Flight Ticket) وبطاقة صعود الطائرة (Boarding Pass)، فيعتقد الكثيرون أنهم شيئًا واحدًا، لكنهم بالواقع يختلفون في بعض التفاصيل الدقيقة.
فتذكرة الطيران هي إثبات شراء رحلة على متن طائرة، بينما بطاقة الصعود هي إذن للصعود إلى الطائرة.

معلومات Flight Ticket

• اسمك (الاسم الأول واللقب).
• رقم التذكرة (E-Ticket NO) في حالة كان الحجز مؤكد.
• الرقم المرجعي لحجز خطوط الطيران (Airline Booking Reference).
• رقم رحلتك وإسم خطوط الطيران.
• صالة المغادرة والوصول (Terminal).
• وزن الشنط المسموح ليك.
• الوجبة أثناء الرحلة إن وجدت.
• مواعيد رحلتك سواء كانت التذكرة إتجاه واحد أو ذهاب وعودة، وانتبه إلى أن مواعيد الرحلة بنظام الـ 24 ساعة.

معلومات Boarding Pass

• اسمك، ويجب أن يكون مطابق تماماً للاسم في تذكرة الطيران
• الـ (Barcode) وتحتاجه عند دخول الـ Boarding Gate.
• الـ PNR” Passenger Name Reference” وهو ملف بيانات المسافر.
• وانتبه أن الباركود و الـ PNR يحتويان على جميع المعلومات التي تحتاجها خطوط الطيران عنك وعن رحلتك.
• رقم الرحلة (Flight Number) ومدن الذهاب والعودة
• فئة التذكرة (Ticket Class) وهي عبارة عن رموز يستخدم فيها الحرفين “A” و “F لمقاعد الدرجة الأولى / رجال الأعمال ، وY “و” Q “للمقاعد الاقتصادية. ويُكتب فيها أيضًا رقم الكرسي والصف داخل الطائرة.
• الـ Boarding Group وهي المجموعات المسؤولة عن تنظيم الركاب عند بوابة الصعود للطائرة.
• رقم البوابة (Gate Number) المفترض أن تخرج منها للطائرة.

نصائح المسافرون العرب لكيفية قراءة تذكرة طيران

من تجارب المسافرون العرب كتب أندرو نصري عن كيفية قراءة تذكرة الطيران موضحًا أدق التفاصيل وجاء منشوره على موقع فيسبوك كالتالي:

“بتشوف اى تذكرة طيران دماغك تعمل Error؟
طيب ماتيجى اشرحلك كل حاجة فى تذكرة الطيران بالراحة بحيث تبص فيها تفهم الحوار داير ازاى😉
اللى فى الصورة ديه تذكرة عودتى من سريلانكا لمصر النهاردة، والبوست ده انا قاعد بكتبه من الطيارة ونزلته بعد ماروّحت😂😂
طبعًا شكل تذكرة الطيران بيختلف من شركة لتانية ومن موقع للتانى، لكن الاساسيات هى هى مفيهاش تغيير:

-نبدأ مع بعض من الشمال لليمين وهتلاقى مكتوب Etihad – Economy class – EY395
وطبعًا الاتحاد هى خطوط الطيران اللى انا مسافر عليها، وطبعًا انا مسافر على الدرجة الاقتصادية ولو كنت مسافر عالبيزنس كان اكيد هايبقى زمانى نايم او بدير اعمالى اللى فى فلوريدا مش بكتب البوست ده😂، واخيرًا EY395 وديه مهمة جدا جدا‼️
ده ياباشا رقم رحلتك، وده انت بتحتاجه فيه كذا حاجة..

أولا عشان تعرف الكاونترز بتاعة رحلتك ارقامها كام، عشان لو عندك ترانزيت تعرف تروح بوابة رقم كام، عشان لما توصل بالسلامة تعرف الشنط بتاعتك على حزام رقم كام..
رقم رحلتك ده عامل زى رقم الباص اللى انت واقف عالمحطة مستنيه، بيكون مهم جدا فى رحلتك عشان بتتحرك على اساسه..هتقولى مانا بدخل اى مطار بشوف الطيارات اللى رايحة عالبلد اللى انا رايحها وابدأ اتابعها، اقولك غلط، لأن ممكن جدا يكون فيه كذا طيارة رايحين القاهرة وفرق بينهم حاجات بسيطة، كأنك فى شبرا رايح مدينة نصر وفيه كذا باص بيروح بس انت عايز باص معين ف لازم تميز الباص بالرقم بتاعه..
نخش عاللى بعده:
CMB 09:05
وتحتها السبت 11 مايو
طيب السبت 11 مايو فاهمينها، ايه بقى CMB 09:05 ديه؟
بص ياسيدى، رؤساء المجلس الاعلى للطيران فى العالم اجتمعوا فى حيزران سنة 92 فى مدينة كفر الشيخ وكان عندهم مشكلة عايزين يحلوها، وهى ان المطارات عمالة تزيد وكل مدينة بقى فيها اكتر من مطار، قبل كدة كان هو مطار فى القاهرة ومطار فى باريس والدنيا سهلة، انما المطارات زادت وبدأت الدنيا تكلكع ومدن يبقى فيها بالخمس مطارات!!

طيب ايه العمل؟
سهلة وبسيطة، قرروا يعملوا لكل مطار فى العالم كود، والكود ده من 3 حروف، وكل مطار ليه الكود الخاص بيه هو بس، منعًا للخبطة ومخولة الدماغ..
فكرة حلوة، ف كدة انت لو عايز تسافر باريس وفيه مطار معين هو اللى عايز توصل عليه في باريس عشان عمّتك ساكنة جنب المطار ده، هات كود مطار القاهرة وكود المطار اللى جنب بيت عمتك واحجز من ده لده واتحلت خلاص🤷🏻‍♂️❤️

طيب اعرف كود المطار ازاى؟
جوجل عادى جدًا..
لو حطيت CMB airport على جوجل هايجيبلك ان ده مطار كولمبو الدولى، وزيادة فى التأكيد هتلاقيه كاتب Bandaranaike airport وده فعلا اسم المطار هناك وفوقيها كاتب كولمبو اسم المدينة وحاجة 10 على 10
وجنبها على طول مطار AUH اللى مكتوب فوقيه ابوظبى يبقى كدة انا مسافر من كولمبو لابوظبى والدنيا زبادى فى الخلاط
نيجى بقى للحتة الاهم اللى ممكن تخليك تفوّت الطيارة وتروح فلوسك ياصابر😂

المواعيد‼️
جنب CMB مكتوب التاريخ عادى جدا، السبت 11 مايو الساعة 9:05
وجنب AUH مكتوب برضه السبت 11 مايو بس الساعة 12:20″.

أندرو نصري يجيب على عدة أسئلة هامة

في المنشور ذاته كتب “أندرو” مجموعة أسئلة وإجابتها بنفس سياق كيفية قراءة تذاكر الطيران، فتضمن المنشور النص التالي:
“كذا سؤال مهم واجابته:

• السفر الساعة 9 الصبح ولا 9 بالليل؟
  السفر الساعة 9 الصبح طبعًا، لأنه لو 9 بالليل كان هيكتب 21:00 والتعامل فى معظم التذاكر بيكون بنظام الاربعة وعشرين ساعة، الا لو كتب AM او PM وديه حالات نادرة جدا..
• السفر الساعة 9 الصبح تمام، بتوقيت سريلانكا ولا بتوقيت ابوظبى؟
  السفر الساعة 9 الصبح بتوقيت سريلانكا، الوصول هايبقى 12:20 بتوقيت ابوظبى.

ولفت إلى قاعدة عامة هامة جدًا قائلًا: ” كل معاد على تذكرة الطيران بيكون حسب توقيت البلد الخاصة بيه، السفر يبقى حسب توقيت البلد اللى هتسافر منها، الوصول حسب توقيت البلد اللى هتوصل ليها..
يعنى هسافر 9:05 بتوقيت كولمبو واوصل 12:20 بتوقيت ابوظبى، يعنى الرحلة مدتها 3 ساعات وربع؟
غلط، الرحلة مدتها 4:45 دقيقة وده مكتوب بوضوح فى التذكرة بين رمزين المطارين، ف ماتطرحش الرقمين من بعض عشان توصل لمدة الرحلة، عايز تعرف مدة الرحلة بص فى التذكرة ماتطرحش الساعات من بعض..

وتابع “أندرو” كاتبًا: قد يتساءل بعضكم واكيد ايضا بعضكم اتهمنى بالكدب والخداع لأنى قولت فى اول البوست انى راجع من سريلانكا على مصر، بس لما شرحت الطيارة كانت من سريلانكا على ابوظبى، ولكن احب ارد على كل حد اتهمنى واقوله: ربنا يسامحك، لأنى نزلت ابوظبى ترانزيت فقط، مدته ساعة و40 دقايق وكله مُثبت عند حضراتكم فى المستندات..
وطرت من ابوظبى الساعة 14:00 اللى هى 2 الضهر يعنى، على رحلة رقمها EY655 وفضلت 3:55 ساعات فى الجو، وبعدها وصلت القاهرة الساعة 16:55 على مطارنا الجميل CAI بالسلامة الحمدلله ❤️
طبعًا هتلاقوا واضح عندكم انا سافرت من صالة رقم كام لصالة رقم كام فى كل رحلة من الرحلتين، مع العلم ان مطار كولومبو هو صالة واحدة ف عشان كدة مفيش تحتيه رقم صالة.
وبكدة نبقى فكينا الصورة الغريبة اللى موجودة مع البوست ديه بشفراتها وحروفها لحاجة بسيطة جدا وواضحة وضوح الشمس..
ونحب نعرف فى الكومنتات رأيكم فى الشرح وأى اضافة او تجويدة حد حابب يقولها..
كمان لو حابين نكتب عن اى موضوع تانى يخص السفر قولولنا واحنا نكتب على طول👌
نشوفكم فى المطار وربنا يكتّر من اختامكم وتذاكركم قولوا امين🙏😂❤️”.

تعرف أيضًا على: اخطاء حجز طيران اون لاين : أهم نصائح المسافرون العرب

كيفية حجز تذكرة طيران للمرة الأولى بحياتك

1. اختر موقعًا لحجز التذاكر

يمكنك حجز تذكرة مباشرة من خلال موقع شركة الطيران التي تفضلها.
ومواقع المقارنة تتيح لك المفاضلة بين أسعار تذاكر مختلف شركات الطيران في نفس الوقت.

2. أدخل معلومات رحلتك

أدخل وجهتك وتاريخ السفر.
اختر نوع الرحلة، ذهاب وعودة أو ذهاب فقط.
حدد عدد المسافرين.
اختر فئة التذكرة، اقتصادية أو درجة أعمال أو درجة أولى.

3. قارن الأسعار

قارن أسعار مختلف شركات الطيران على مواقع المقارنة.
تأكد من مراعاة جميع الرسوم الإضافية، مثل رسوم الأمتعة وتغيير الحجز.

4. اختر رحلتك

اختر الرحلة التي تناسب ميزانيتك واحتياجاتك.
تأكد من قراءة شروط وأحكام الحجز.

5. أدخل معلوماتك الشخصية

أدخل اسمك وعنوان بريدك الإلكتروني وبيانات الدفع.
تأكد من صحة جميع المعلومات التي أدخلتها.

6. تأكيد الحجز

ستتلقى بريدًا إلكترونيًا بتأكيد حجزك.
احتفظ بنسخة من بريد تأكيد الحجز.