fbpx
الرئيسية / أوروبا / 12 نصيحة للحصول على فيزا شنغن من سفارة اسبانيا : معك خطوة بخطوة
فيزا شنغن من سفارة اسبانيا
فيزا شنغن من سفارة اسبانيا

12 نصيحة للحصول على فيزا شنغن من سفارة اسبانيا : معك خطوة بخطوة

فيزا شنغن من سفارة اسبانيا | الرحالة | تجربة- شيماء علي:

أنا بجمع في المعلومات دي بقالي شهر وشوية تقريبا، وفي أوراق كتير عدتها وفي معلومات كنت بقدم وأنا مش متأكدة منها، أنا الحمد لله استلمت الفيزا، وحبيت أفيدكم المعلومات اللي وصلتلها يمكن تفيد حد ويدعيلي 🙂

فيزا شنغن من سفارة اسبانيا

1- فيزا شنجن إسبانيا حاليا بيتم التقديم علىها من مكتب BLS وده اللينك:

https://egypt.blsspainvisa.com

أو مكتوب إن ممكن التقديم مباشرة في مقر سفارة اسبانيا بدل BLS لكن معرفش إيه الأفضل أو أيه الفرق (سمعت هناك انهم احتمال يغيروا المكتب تاني قريب في خلال شهرين).

2- تكاليف فيزا شنغن من سفارة اسبانيا 1515 للفرد.

3- التقديم بيكون عن طريق حجز معاد من على السايت وتجهيز الورق والذهاب لتقديمه في الموعد المحدد و دفع التكاليف بيكون في المكتب.

سفارة اسبانيا

4- كل الأفراد اللي هتسافر لازم تحجز معاد منفصل وتقدم file مستقل حتى لو طفل عنده شهر “ده كان كلامهم هناك”.

5-العاملين في المكتب مصريين عادي وبيردوا على التليفون تقدر تسألهم عن أي استفسار ورقمهم على السايت (مش بيردوا بسهولة بس لو فضلت وراهم هيرودوا في الآخر).

6- المكتب ملوش أي دور في قبول أو رفض فيزا شنغن من سفارة اسبانيا هو بيستلم منك الورق ويبعته للسفارة ويسلمك الرد ومعرفش إذا كان بيكون ليهم تقييم للي بيقدم ولا لأ.

7-نتيجة التقديم بتظهر خلال 15 يوم ممكن بعد7-8 أيام وممكن توصل ل30 يوم وبعد ما تقدم ممكن تدخل برقم الريسيت على السايت تتابع الورق، لما الورق بيرحعلهم بيتصلوا بيك بس ممكن يتأخروا في الاتصال فالأفضل تتابع على السايت “ده كان كلامهم برضه”.

الاوراق المطلوبة لـ فيزا شنغن من سفارة اسبانيا

8- نصيحة: احجز معاد المقابلة قبل معاد السفر بشهر ونصف أو شهرين، وفي نفس الوقت يكون قدامك وقت كافي قبل معاد المقابلة انك تجهز ورقك حوالي 3 اسابيع علشان تكون مش مزنوق في الوقت انت مسافر تتفسح مش طالبة توتر وحرقة دم.

9-الأوراق المطلوبة مكتوبة على السايت في اللينك ده https://egypt.blsspainvisa.com/tourist-visit.php

هتكلم عن معلومات عامة عن الأوراق وبعد كدة تفاصيل كل ورقة

10 – جميع الأوراق لازم تكون مترجمة إسباني أو إنجليزي (أنا قدمت كله إنجليزي) أي ورقة مش هترجمها يبقى متقدماش ملهاش لزمة هتترمي.

11 – سفارة إسبانيا مش بتطلب ترجمة معتمدة المهم انك تترجم وخلاص هم قالوا لي كده لما سألت بالتليفون بس كنت قلقانة فترجمت شهادة التحركات في مكتب الباقي ترجمته بنفسي (قسيمة الجواز وشهادات الميلاد)، و استعملت templates جاهزة من النت، و كله اتاخد عادي مفيش فرق فلو هتعرف تترجم وفر فلوس الترجمة لأن الورقة سعرها بيبقى في حدود 100-150 جنيه، وأسعار مكاتب الترجمة متفاوتة جدا، أنا ترجمت شهادة التحركات في مكتب معتمد بـ 40 جنيه وأنا كان في مكتب تاني قالي بـ 150 الواحدة.

الاوراق المطلوبة لـ فيزا شنغن من سفارة اسبانيا

12 – الأوراق المطلوبة بقى بالتفصيل

– الأبليكاشن هتطبع من السايت وتملاها وتحط علىها صورة بالمواصافات اللي هم كاتبينها وخلي بالك من مقاس الصورة لأنه مش 4*6

لما بيكون مكتوب كويس بيكون افضل طبعا بس ده حسب جهة العمل، أنا في وزارة الصحة فبيدونا مفردات مرتب حاجة كدة تكسف فمقدمتهاش وكتبت non employed وطالعة على حساب زوجي

– خطاب بنكي Bank statement بـ اخر 6 شهور

ممكن يكون حساب شخصي أو حساب قريب بس يكون معاه تفويض مختوم من البنك

الاوراق المطلوبة لـ فيزا شنغن من سفارة اسبانيا

-انا مقدمتش لنفسي وكتبوا اني طالعة على حساب زوجي وده بشرط ان حسابه يغطينا احنا الاتنين

-السفارة بتكون عايزة حساب يغطي عل الأقل 800 يورو للفرد في الأسبوع

– يفضل ان الحساب يكون عليه تداول سحب وإيداع

-لو عندك اكتر من حساب قدمهم منفصلين

– حجز الفندق

لما يكون مؤكد ده اضمن لانهم لو راجعوا الحجز ولاقوه مش حقيقي ده ممكن يكون سبب قوي للرفض.

الاوراق المطلوبة لـ فيزا شنغن من سفارة اسبانيا

– حجز الطيران لازم حجز ذهاب وعودة و لو حجز confirmed افضل طبعا، مصر للطيران تقدر تحجز confirmed وفي حالة رفض الفيزا ليك الحق تسترد فلوس التذكرة، بس تقدم لهم الرفض، مكتوب كده على السايت وكلمتهم اتأكدت بالتليفون.

شهادة التأمين، بتطلع من شركة تأمين من الشركات اللي مكتوبة على السايت وتكلفتها 100 جنيه تقريبا ولازم تكون بتاريخ السفر، و ممكن تعدل تاريخها مع شركة التأمين بدون مقابل لو قبل معاد السفر بـ 48 ساعة، بيحتاجوا منها صور بس.

* كنت مجهزة شهادة ميلاد بنتي واثبات قيدها في المدرسة علشان اقولم اني سيباها في البلد رهن واكيد هرجع تاني:D بس قالي ملهاش لازمة.

تقريبا كدة كل ما يخص فيزا إسبانيا يارب المعلومات تكون فيها افادة لأي حد بيقدم

أنصحك أيضًا بقراءة:

فيزا بريطانيا : شرح طريقة الحصول على تاشيرة بريطانيا خطوة بخطوة

تاشيرة هولندا | كيف تحصل على تاشيرة شنجن من سفارة هولندا بسهولة

10 نصائح للحصول على تاشيرة شنجن : بلاش وضعية هاني شاكر في الصور

استخراج فيزا بريطانيا للطلاب: نجيب على أهم 10 أسئلة عن تاشيرة بريطانيا

شاهد أيضاً

افضل فنادق انترلاكن

افضل فنادق انترلاكن

افضل فنادق انترلاكن | الرحالة | مدينة انترلاكن في سويسرا، تقف الكلمات عاجزة عن وصف …