fbpx
الرئيسية / آسيا / أحمد الأمين يجيب من كوريا الجنوبية عن تساؤلاتكم: ليه بنرجع من المطار
العمل في كوريا الجنوبية للمصريين
العمل في كوريا الجنوبية للمصريين

أحمد الأمين يجيب من كوريا الجنوبية عن تساؤلاتكم: ليه بنرجع من المطار

العمل في كوريا الجنوبية للمصريين | الرحالة | كتب- أحمد الأمين:

أولا خليني أرد على أكثر الأسئلة شيوعا والاستفسارات المتكررة وبصراحة.. في كوريا الجنوبية مفيش حاجة اسمها هجرة ومفيش حاجة اسمها عقد عمل أو العمل في كوريا الجنوبية للمصريين وبالذات للعرب إلا في حالة واحدة: شخص يكون دارس اللغة الكورية ووصل لمستوى متقدم فيها ويقدر يشتغل في الترجمة مثلا من الكوري إلى العربي إلى الانجليزي والعكس.

ولازم الشخص ده يلاقي شركة أو مكان معين في كوريا محتاجه، وبعدين المكان ده يبعت له دعوة عن طريق السفارة وبعد ما يوصل ويعمل عقد عمل ثم الإقامة، والشغل ده مش متوفر هنا قوي لأن في عرب كتير بيشتغلوا في المجال ده والكوريين نفسهم بدأو يتعملوا اللغة العربية ولغات تانية كتير علشان ينفتحوا على العالم أكتر.

منظمة كوريا الجنوبية للسياحة
منظمة كوريا الجنوبية للسياحة

منح دراسية في كوريا الجنوبية

الحالة التانية اللي ممكن حد يقدر يدخل فيها كوريا بطريقة شرعية ويلاقي شغل، هي الدراسة، في منح للبكالوريوس والماستر والدكتوراة بتقدمها الحكومة الكورية كل سنة، وفي منح تانية خاصة بيقدمها دكاترة عن طريق مراسلة الدكاتره نفسهم. وأغلب المنح طبعا بتكون للكليات والتخصصات العملية ومرتب المنحة مش كبير تقريبا من 900 دولار إلى 1400 دولار شهريا .

اللجوء في كوريا الجنوبية

طيب في ناس لسه بترجع من المطار، أيوه فيه ناس بترجع كتير جدا من المطار وأكتر من الأول كمان، وبالذات المصريين والسوريين والعراقيين واليمنيين، في الفترة الأخيرة ولما الحكومة الكورية شافت إن في نسبة كبيرة من العرب وخاصة المصريين بيدخلوا كوريا بغرض السياحة وبعدين يكسروا التأشيرة أو يعملوا لجوء بأنواعه ومش كده بس، لا ده كمان بيعملوا مشاكل كتيرة.

السياحة في كوريا الجنوبية

بدأت كوريا تاخد إجراءات أكثر صرامة ويمنعوا الناس من الدخول في المطار ويرجعوهم تاني، وبدأوا يشددوا ويركزوا مع الناس ويسألوهم أسئلة كتيرة ويطلبوا أوراق كتيرة، وفي الغالب بيرجعوا التاس برضه، وحصلت مع صديق ليا كان جاي كوريا سياحة، ومعايا أنا شخصيا لما كنت بحاول أجيب شيف من مصر علشان كنت بفتح مطعم هنا في كوريا، ورغم إني كنت عامل دعوتين للشيف ده واحدة من شخص كوري وواحدة مني برضه رجعوه من المطار بعد تحقيق وأسئلة كتير.

السياحة في كوريا
السياحة في كوريا

العمل في كوريا الجنوبية للمصريين

العمل في كوريا الجنوبية | طيب حد هيقولي فيه عرب وفيه مصريين كتير عايشين في كوريا وبيشتغلوا والدنيا معاهم تمام، كلام مظبوط، الناس دي دخلت من زمان، أيام ما كانت الدنيا سهلة وكوريا بتدخل أي حد، وفي منهم نوعين النوع الأول دخل دراسة واتعلم اللغة وخلص واشتغل او دخل شغل وكان متعلم اللغة أصلا، ودول معاهم إقامات وعايشين بطريقة شرعية وليه حقوق زي تأمين طبي وعقد عمل ومدارس لأولاده وكده.

اللجوء في كوريا الجنوبية

النوع التاني هي الناس اللي دخلت سياحة وكسرت التأشيرة أو قدمت على لجوء سياسي أو ديني أو غيره ودول بياخدوا إقامة مؤقتة من منظمة الأمم المتحدة بتتجدد كل سنة أو كل 6 شهور وحاليا خلوها كل 3 شهور وبعد سنة أو سنة ونص أو سنتين، مش بتتجدد تاني لأن المفاجأة إن كوريا مش بتقبل اللجوء أصلا فبيبقى وضع مؤقت، والشغل الوحيد للنوع ده هو الهارد وورك يعني بيشتغلوا عمالة في المصانع والمزارع وخلافه، والشغل ده سيء جدا ومتعب جدا وقذر جدا وغالبا بيبقى باليومية.

واوعو تصدقوا حد يقولكم أنا بشتغل في شركة سامسونج أو كيا موتورز أو هيونداي أو إل جي، الكلام ده مش حقيقي لو عامل لجوء مستحيل يشتغل في شركات كبيرة زي دي لأن اللجوء مش بيسمح بالشغل أصلا فاللي بيشتغل بيبقى على مسئوليته ومش قانوني.

سافر الى كوريا الجنوبية
سافر الى كوريا الجنوبية

كوريا الجنوبية

من الحاجات المهمة جدا اللي لازم تعرفوها عن كوريا، إن فيه نصابين كتير في مصر بيدعوا انهم ممكن يسهلوا دخول كوريا عن طريقة دعوة من شخص كوري، أو يوفروا فرص العمل في كوريا الجنوبية للمصريين ومن فترة كان فيه واحد مصري عامل لجوء وكان بينزل إعلانات على الفيس بوك علشان اللي عايز يسافر كوريا وكان بيبعت للشخص اللي عايز يسافر دعوة مضروبة في مقابل 2000 دولار وأحيانا من غير دعوة وبيوهم الشخص انه هيكلم حد في المطار ولما الشخص بيوصل المطار هو وحظه لو دخل يبقا كأن النصاب هو اللي دخله ولو مدخلش خلاص راحت عليه الفلوس.

السفر الى كوريا الجنوبية

بس هو حاليا اتقبض عليه، أما في مصر كان فيه اتنين نصابين واحد في المنصورة والتاني تقريبا في المحلة ودول كانوا بيتفقوا مع أشخاص كوريين ويعملوا دعوة منهم ويبعتوها للي عايز يسافر في مقابل 7000 دولار وفيه فعلا ناس كتير دخلوا بالطريقة دي لحد ما الموضوع اتعرف وظباط الجوازات في كوريا أخدو بالهم وبدأوا يدققوا، علشان كده أنا بقول دخول كوريا في الوقت الحالي بقى صعب لكنه مش مستحيل .

أنصحك أيضًا بقراءة:

السفر الى كوريا الجنوبية للسياحة بطريقة مضمونة: كيف تتجنب الترحيل من المطار

السياحة في كوريا :برنامج سياحي لمدة 7 أيام في العاصمة سيول وجزيرة جيجو

سافر الى كوريا الجنوبية واحصل على مرشد سياحي مجانًا طوال رحلتك

كوريا الجنوبية .. بيوت للشاي ومطاعم خاصة للنباتيين وأخرى تقدم الزواحف

منحة مجانية للدراسة في كوريا الجنوبية : تشترط شهادة الثانوية العامة

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …