الرئيسية / أوروبا / عمرو شريف يكتب عن الشوبينج في إيطاليا: أسرار التسوق في روما

عمرو شريف يكتب عن الشوبينج في إيطاليا: أسرار التسوق في روما

تجربة- عمرو شريف:

الشوبينح جزء لا يتجزء من أي سفريه والمصريين عامة بيحسوا ان الشوبينج ده شيء أساسي، الموضوع ده عن الشوبينج في العاصمة الإيطالية، روما، علشان الناس اللي تفكر تعمل شوبينج تعرف حتعمل إيه بالضبط، طبعا الإيطاليين معروفين بشياكتهم بس خلينا نعرف ممكن نتسوق إزاي في روما  😉

نبتدي بأول شيء وأرخص شيء وهو السوق المفتوح، الحقيقة روما فيها اكثر من سوق مفتوح، بس أنا اخترت أقرب واحد للمواصلات نتكلم عنه:

Mercato Di ViaSannio

ده اسم السوق المفتوح وموقعه سهل قوي حتركب المترو وحتنزل في محطة سان جيوفاني أول ما تطلع من المحطه حتلاقي شارع علي شمالك تدخل فيه تمشي دقيقه حتلاقي الناس فارشه على الرصيف، السوق ده بيفتح من الساعه 9 الصبح لحد الساعه 1 الظهر والسوق ده فيه بتوع شنط حريمي كثير جدا، وبصراحة خامات كويسة جدا وأسعار حلوه جدا، الشنطة من 10 إلى 15 يورو والتي شيرتات من 3 إلى 5 يورو وفيه بنطلونات وسويت شيرت وجاكيت وملابس نسائية كثير، يعني حتلاقي كل اللي في نفسك بس احترس من النشالين السوف ده زحمه شويتين والنشاليين في روما ايه مانجه بجد. ??

 

Ovis store

ده سلسله من محلات الملابس منتشره جدا في روما وتعتبر من ارخص الماركات الموجوده وبصراحه المحل ده له 15 فرع انا شخصيا زرت يمكن 4 فروع له والمحل ده ليه فروع قريبه جدا من محطات المترو، المحل يعتبر عالم فيه ملابس الأطفال والرجال والسيدات وشنط وكل حاجه وفعلا أسعار في الأرض يمكن قريبه جدا من أسعار أسواق الشوارع ومن الفرع السهله اللي ممكن تروحها هو فرع في وش محطه مترو باربيني وفرع تاني في وش محطه مترو فيتوريوايمانيول ( ده فره كبير اوي ) وفي فرع بعيد شويه جنب محطه مترو ليثيوسياستو وفي فرع بقي في محطه القطار نفسها اللي اسمها ترميني وده للأطفال فقط وادي موقع المحل وشويه أسعار لبس فيه www.ovs.it/en

 

ندخل علي الأوتيلات مول، أشهرهم هو: mcarthurglen Outlet Mall

و ده بقى مول كبير جدا موجود منه فروع في معظم الدول الأوروبيه وطبعا المول ده مليان ماركات كثيره جدا وفيها اسعار بجد حلوه جدا يعني مثلا تي شيرت نايك بـ 12 يورو وسويت شيرت نايك بـ 19 يورو وفي ماركت زي رالف لوران، اتش ان ام، أديداس، مانجو، نايك،

و ده يتراح عن طريق الشاتيل باص بتاع المول اللي بيتحرك من فدام محطه ترميني ب 4 يورو

وادي الموقع علشان مواعيد الشاتيل باص واسماء المحلات اللي جوه

www.mcarthurglen.com/it/castel-romano-designer-outlet/en

وطبعا بقي روما مليانه محلات ملابس في تقريبا كل شوارعها ومن ضمن المناطق اللي فيها محلات كثيره هي ميدان اسبانيا وأصلا انت لازم تزور الميدان ده وهو الميدان اللي فيه سلالام كثيره جدا وفي وش الميدان ادخل شوارع طوليه كده حتوصلك لشارع كبير بالعرض الشارع ده فيه محلات كثيره اشهرا زاره واتش ان ام وفيه شويه محلات خرافيه من ضمنها محل جوتشي للشنط قلت ادخل اتفرج طبعا المحل شكله زي محلات الالماظ وحضرتك بتدحل تختار شنطه تتفرج عليها تلاقي البياع يلبس جوانتي علشان يمسك الشنطه وغير مسموح لحضرتك تلمس الشنطه دي والشنطه يادوب ب 2500 يورو حاجه ببلاش كده ?

 

فيه كمان 3 شوارع تعتبر الأشهر في روما من حيث الشوبنج وهم

Via Condotti, Via Borgognona وVia Frattina

دول بيبدأوا من ميدان أسبانيا Piazza di Spagna زي ماقلتلكم وبيمشوا متوازيين لحد ما بيوصلوا Via del Corso و اللي أسمه بردو الكورسو ودول أغلى وأشهر شوارع للشوبنج في روما , مافيش مانع برضه تاخد فكرة.

هذا التقرير منشور بالاتفاق مع صفحة Travel Secrets

شاهد أيضاً

رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:   أول حاجه تعملها قبل ما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *