fbpx
الرئيسية / آسيا / يوسف المصري يكتب: برنامج سياحي في لبنان 7 أيام بـ 250 دولار
برنامج سياحي في لبنان
برنامج سياحي في لبنان

يوسف المصري يكتب: برنامج سياحي في لبنان 7 أيام بـ 250 دولار

رحلة- يوسف المصري:

ازاي ممكن نعمل برنامج سياحي في لبنان لمدة أسبوع بتكلفة لن تتجاوز 250 دولار. مبدئيًا، لبنان  هى مصر الثانية بالنسبة لي. باختلاف بعض الأشياء. لازم تعرف برضه إن لبنان غالية، يعنى تقريبا نفس أسعار سنغافورة. أيوه زى ما بقولك كده.

أولا الطيران حجزته من على EGYPTAIR سعر التذكرة ذهاب وعودة ساعات بيوصل إلى 2000 جنيه، فلازم تحجز من قبلها عشان تشوف العروض.

[tp_cheapest_flights_shortcodes origin=CAI destination=BEY title=”” paginate=true subid=”” currency=”USD”]

الفيزا للمصرين بتاخدها مقابل 20 دولار عند الوصول. بس فى بعبع كبير مش أى حد بيعدي منه، وهو انك لازم يبقى معاك 2000 دولار، وانت داخل لبنان بيشوفوهم وانت طالع من مطار مصر، وبيسألوا عليهم هناك، ودي كانت أصعب مرحلة بالنسبة لي.

لبنان، أنا محضرتش لها قبلها غير بكام ساعة، ومكانش معايا المبلغ، وقلت لازم أجازف وأشوف إيه اللى هيحصل. كل اللي كان معايا 1000 $. وصلت المطار هنا وفي الـ check in قالي انت معاك كام فلوس، طبعا عملت نفسى هندي وقلت له إني معايا تقريبا 1800 ومعايا الفيز بتاعتى ??? المهم إدوني الكارت وطلعت الطيارة. عند باب الطيارة بقى الراجل اللي بيشوف الكارت قالي هتقعد قد إيه ومعاك كام وكده قلت له إني معايا 1800 ???

بس لقيته بيقولي عايز أشوفهم ?? قلبي وقع بس أنا كنت عامل حسابي كنت فاكك 500 خمسينات والباقى 100 بس لسة بطلع الفلوس أول ما شافهم بيقولي خلاص. الحمد لله معدهمش وكل حاجة عدت، وصلت لبنان في 50 دقيقة وبعد كده وصلت إلى أكبر بعبع وهو الجوازات.

كنت خايف من الظابط جدا، بس طبعا من بعد اللي حصل معايا فى مطار سنغافورة ده بالنسبة لي ولا حاجة، جه دوري وسألني أسئلة لو قفشوا حرامي مش هيسألوها ليه. وبرضه سألني على الفلوس، وأبوك شغال إيه ومعاك كام في الفيزا، كنت بجاوب بكل ثقة. لأنه لو شك في هرجع تاني بس بعد ربع ساعة من الأسئلة لقيته بيقولي مرحبا بيك.

أول حاجة احجز ان تكون طيارتك توصل على المغرب كده واحجز الفندق بتاعك في الحمرا لمدة يومين بس، عشان تبدأ برنامج سياسي في لبنان بمذاق بيروتي.

برنامج سياحي في لبنان

أول يوم: الوصول هتطلع من المطار، سافر على طريقة الرحالة، وإوعى تاخد تاكسي أبدًا، سعر أقل تاكسي 30 دولار، اطلع اتمشى بره شوية، وخد التاكسي وادفع آخرك 10 آلاف ليرة، بس اوعى تدفع زيادة اتفق قبل ما تركب، والأهم تاخد التاكسي من خارج المطار. اوصل الفندق وانزل لف في شوارع الحمرا بالليل وقضى يومك.

صيدا

اليوم الثانى: اصحى واتحرك على 8 كده هتركب باص رقم 4 بـ 2000 ليرة هيوديك موقف باصات اركب منه باص رايح مكان اسمه صيد.ا هو فيه شبه قلعة كده، ومكان قريب إلى الإسكندرية شويه، اقعد فيه لغاية الظهر كده، واتحرك في اتجاهك إلى الحمرا تانى شوف أي محل عجل، وأجر ساعة بحوالي 6 آلالف ليرة.

لف بيها كورنيش بيروت وشوف الروشة وانطلق وبعد كده روح مسجد محمد الأمين وزتونة باي، وبعدها خد تاكسي إلى راديو بيروت وهو شارع مليان معارض وكافيهات وnight life عموما.

برنامج سياحي في لبنان
برنامج سياحي في لبنان

مغارة جعيتا

اتجة الى موقف الكولة من شارع الحمرا خد باص. انزل هناك وخد باص إلى مغارة جعيتا. الباص هينزلك على الطريق العمومي هتلاقي تاكسي واقف على أول الطريق. خدة وآخرك تدفع له 5 آلاف ليرة.

خش المغارة واركب التليفريك وانطلق. ومتدخلش متحف الشمع ولا الأحياء المائية، ملهمش أبي لازمة خالص، خلص يومك واطلع على الطريق خد أي باص أو أي عربية طالعة مكان اسمه فراييا. هناك ممكن تتزحلق على الثلج أو تركب الاسكيدو أو الترفليك الاسكيدو او التزحلق اى حاجة فيهم بحوالى 20 دولار والترفليك ب 5 دولار بات فى الفرايا واتمتع بالجو هناك .

 

طرابلس

اليوم الخامس: هتشوف باص عمومى هناك ينزلك على الطريق تاخد حاجة إلى طرابلس

قلعة طرابلس

ميناء طرابلس

سوق البازركيان

قلعة المسيلحه ودية هتاخد باص من سوق طرابلس والباص بينزلك قريب منها.

برنامج سياحي في لبنان
برنامج سياحي في لبنان

بيروت

اليوم السادس: هترجع الى بيروت تانى فى موقف اسمه الكولا. ده فيه كل المواصلات اللي دايما هتركبها، هتركب باص إلى منطقة بيت الدين هيزلك، على أول الطريق متاخدش تاكسي اتمشى شوية 5 دقائق وهتوصل. الطريق ممتع.

هتزور قصر بيت الدين وبعدها هترجع تانى الطريق اللي انت مشيته وهتستنى باص بيروح إلى بعلبك.

هتوصل بعلبك هتبات فيها ليلة لأن المدينة برضه ممتعة جدا، واليوم السابع قضيه هناك واركب باص الظهر عشان توصل على 5 المغرب كده، هتكون انت حاجز الطيران، انك ترجع في طيارة 9 بالليل.

برنامج سياحي في لبنان
برنامج سياحي في لبنان

أهم النصائح

كل مرة واحدة بس من مطعم لبناني عشان بس يبقى اسمك جربته ??

وخلى بالك أرخص ساندوتش في لبنان ب 5 دولار 😀

خد معاك معلبات

اتصاحب على لبنانين كتير ❤

متكلمش فى السياسة خالص ومتصورش أي مكان عسكري

متقعدش فى الهوستل كتير وافضل لف في الشوارع

نصيحة استخدموا couchsurfing لأنه فادني جدا هناك ووفر علي في مصاريف الهوستل.

متشتريش خط موبايل لأن أرخص خط بـ 30 دولار ?

سافر بشنطة واحدة بس.

التكلفة للرحلة دي 250 دولار شامل كل حاجة ماعدا الطيران، وبرضه المصاريف من شخص للتاني بتختلف.

عملة لبنان 1 دولار = 1500 ليرة

[tp_from_our_city_fly_shortcodes origin=CAI title=”” limit=100 paginate=true stops=0 one_way=false subid=”” currency=”USD”]

شاهد أيضاً

أجمل 9 اماكن في بوكيت

أجمل 9 اماكن في بوكيت : بينها معبد شالونج وجزيرة سيميلان

أجمل 9 اماكن في بوكيت | الرحالة | تايلاند تلك الدولة الساحرة الجاذبة للسياح، نظرً …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *