fbpx
الرئيسية / منوعات / 7 معلومات لا تعرفها عن سياحة الشوكولاتة : يوم عالمي للنوتيلا
سياحة الشوكولاتة
سياحة الشوكولاتة

7 معلومات لا تعرفها عن سياحة الشوكولاتة : يوم عالمي للنوتيلا

سياحة الشوكولاتة | الرحالة | كتب- بهاء فاروق:

مش كل السفر بيكون فسح ومعالم أثرية واستجمام, في سياحة مهمة قوي وهي سياحة الأكل وطبعا مافيش أحلى من الشوكولاتة ?, بيقولك فيه 9 من كل 10 أشخاص في العالم بيحبوا الشوكولاتة والعاشر ده كداب ?

سياحة الشوكولاتة

1- تعرف إن سويسرا هي الدولة المتربعة على عرش الشوكولاتة وتعتبر من اهم صادراتها

2- في سويسرا فيه قطار بيمر من مدينة مونتري الى بروك اسمه قطر الشوكولاتة بيصل بين مصنعي (نستلة)

3- أشهر ماركة شوكولاتة في بلجيكا اسمها نيوهاوس, قصتها ان صيدلي اسمه نيوهاوس أصله سويسري سافر بلجيكا وفتح صدلية هناك وبقى يبيع الأدوية متغطية بالشوكولاتة علشان يغطي على طعمها المر, ومن ساعتها وبقت أشهر ماركة شوكولاتة في بلجيكا 🙂

النوتيلا

4- النوتيلا: عشقي ? وهي طبعا أشهر شوكولاتة سايحة وجنسيتها إيطالية, وكمان من نفس الجنسية حتلاقي فريروروشيه وباتشي , وبيشتهر الإيطاليين إنهم بيحبوا يغلفوا كل شيكولاتاية لوحدها 🙂 (ناس رايقة بعيد عنك ? )

5- تعرف إن النوتيلا ليها يوم عالمي اسمه يوم النوتيلا وهو يوم 5 فبراير

6- تفتكر الخواجة فريرو اخترع النوتيلا ليه! علشان يا سيدي الشوكولاتة كانت في الفتره دي غالية قوي فابن اللعيبه قال أزود عليها بندق علشان تبقى كميتها أكتر ومن ساعتها وهو أغنى واحد في إيطاليا بسبب الحركة الصايعة دي ?

7- عالم هيرشي: في أمريكا دي يا سيدي تعتبر أحلى مكان على وجه الأرض لمحبي الشوكولاتة, حتزور مصنع هيرشي وتدوق كل أنواع الشوكولاتة وفيها مدينة ألعاب ولو تعبت ولا حاجه من أكل الشوكولاتة ممكن تنزل في سبا الشوكولاتة ( اه يا نا يا ما 😀 )

لو معملتش شير أعرف ان رجيمك هو اللي منعك 😀

شاهد أيضاً

الرحالة ابن بطوطة

الرحالة ابن بطوطة : معلومات عن حياة ورحلات أهم رحالة عربي مغربي

الرحالة ابن بطوطة | الرحالة | يعتبر الرحالة ابن بطوطة من أبرز الشخصيات التاريخية التي …