fbpx
الرئيسية / تقارير مميزة / 5 نصائح لتجنب نصب سائقي التاكسي أثناء السفر

5 نصائح لتجنب نصب سائقي التاكسي أثناء السفر

تجربة- بهاء الدين فاروق:

واحدة من المشاكل اللي بتقابلنا هي موضوع نصب سواقيين التاكسي علينا وإحنا مسافرين، بحكم أننا مش من أهل البلد ومنعرفش السكك وحاجات من دي، وفي دول بعينها معروفة بموضوع سواقيين التاكسي نصابيين موت، وعلشان كدة فيه كثير منا بيقولوا بلاش نجازف، ونستعمل مواصلات عامة، دي شوية نصائح تجنبكم الموضوع ده:

– دايما ابعد عن سواقيين التاكسي اللي بيجوا لحد عندك مستني وتلاقي سواق راح وقف لك، بلاش تركبه دايما أنت اللي وقف التاكسي مش هو اللي يوقفك.

– دايما وأنت جوه التاكسي اكتب رقم اللوحة بتاعته في ورقة معاك يعني يكون معاك قلم وورقة ورقم اللوحة بيكون مكتوب جوه التابلوه وعلى الأبواب وخلي السواق شايف أنك بتكتب الرقم بتاع العربية، ولو سألك ليه، قوله ملكش فيه 😀

– دايما تكون فاهم أن في أماكن لازم تتفق معه على السعر قبل الركوب ودي الأماكن البعيدة زي المطارات للمدينة وكدة ما يتحاسبوش بعدادات لا بيكون دايما مبلغ ثابت واعرف المبلغ من النت بيكون مكتوب في مواقع كثيرة.

– دايما قبل السفر ادخل على النت وشوف نظام التعريفة بتاعه التاكسي، لأن في دول التعريفة بليل بيكون أغلى من الصبح وفيه دول لو معاك شنطة أو أكياس وحطيتها في شنطة العربية العداد بيعد أسرع وأكثر وحاجات كدة.

– اخيرا، وأهم حاجة في الموقع خليه دايما معاك وقبل ما تركب ادخل الموقع ده واختار المدينة اللي أنت فيه واختار المنطقة اللي حتركب منها واختار المكان اللي رايحه وهو أتوماتيك حيحسب لك التاكسي المفروض يأخد منك كام ويرسم لك على الخريطة، السكة اللي المفروض التاكسي يمشي منها يعني مش ممكن يتنصب عليك، وعلى الأقل حيجيب لك السعر التقديري لمشوارك حيكلف كام.
www.taxifarefinder.com
ده الموقع يا جماعة هدية وادعولي بقى

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *