الرئيسية / آسيا / أمل العزب تكتب : 10 معلومات عن لنكاوي التى خطفت قلبي
معلومات عن لنكاوي
معلومات عن لنكاوي

أمل العزب تكتب : 10 معلومات عن لنكاوي التى خطفت قلبي

معلومات عن لنكاوي | الرحالة | رحلة- أمل العزب:

 

اسمحوا لي انقل لكم تجربتى فى لنكاوي في ماليزيا ، أولا: عاوزه اقول للناس اللى نفسها تروح تايلاند وعندها مشكله فى الحساب البنكى نصيحتى لك روح جزيرة لانكاوي هتحس انك فى تايلاند بالضبط .. لا وكمان ممكن تشوف الشواطئ التايلاندية أثناء مرورك حول الجزيرة فى رحلة بحرية.

 

السفر الى ماليزيا - جزيرة لانكاوي
جزيرة لنكاوي

10 معلومات عن لنكاوي

 

1- لنكاوي لو هتروح طيران داخلي من مطار كوالالمبور فالرحلة هتستغرق ساعة، طيب لو باص!! فلازم تخلى بالك الباص مواعيده من الساعة 7 صباحاً للساعه 12 ليلاً..  لأنك لو وصلت الساعه 1 بالليل مثلا هتستنى للساعة 7 الصبح!.

2- تكلفة الباص 50 ريجنت، الباص ممتاز جدا هتحس انك نايم على سريرك.. مريح وبصراحة مختلف تماما عن الباصات اللى بشوفها فى مصر.

3- هتنزل بينانج وهتاخذ الفيرى وسعره 18رينجت، ومواعيده من الساعه 6 صباحا للساعه7مساءًا

4- أول ماتروح لنكاوي فى تأجير عربيات وسعرها حسب نوع العربية والمواسم وبتبدأ من 60 رينجت إلى 150 رينجت فى اليوم.

– الفندق اللى كنت فيه كان يعتبر فى وسط الجزيرة وقريب جدا من الشاطئ.

 

اقرأ أيضًا: جزيرة لنكاوي للمسافرين العرب: دليلك للسياحة في عروس الجزر الماليزية

 

جزيرة لانكاوي
10 معلومات عن لنكاوي – جزيرة لنكاوي

الاماكن السياحية في لنكاوي

 

5-اول يوم روحت الابار السبع” السبع عيون” والدخول كان بسعر رمزى جدا .. منظر بديع كونته الطبيعة من ملايين السنين، عباره عن  شلالات من مياه الامطار بتجمع في مكان يشبه الحوض لتنحدر وتروى سلسلة من البرك ويحاط بها غابات من كل جهة. المنظر تحفة فنية فريدة.

6- من أهم الـ معلومات عن لنكاوي إن فى رحله بحرية اسمها ” رحلة المانجروف” لازم تجربها، لانها ممتعة ومثيرة.. انت بتروح بقارب بحرى الى اماكن مختلفه هتشوف “كهف الخفافيش، كهف التماسيح، والنسور، والقرود وهتزور حقل الاسماك”.. باختصار هتشوف طبيعة كاملة متكاملة 

7ملحوظة: بمناسبة القرود.. أي مكان هتروحه هناك هتلاقي القرود فى استقبالك.. فلازم تفرحهم بأي حاجة ومتدخلش عليهم فاضى كده 

8- أما ميدان “النسر”  يعتبر من أهم معالم الجزيرة ولونه بيتغير مابين الاحمر والبنى وهتلاقى هناك مطاعم وحدائق وهتقف عند البحر كانك واقف على الكورنيش بالضبط 

9- خلي بالك جزيرة لنكاوي اللي تعتبر واحدة من أجمل جزر ماليزيا منطقة حرة معفاه من الضرائب والجمارك فهتلاقى هناك مصانع الشيكولاته والملابس بأسعار مناسبة.

10-اما الجسر المعلق و تلفريك لنكاوي .. بصراحة أنا عجبنى أكتر تلفريك مرتفعات جينتنج، لكن المنظر وانت واقف علي الجسر حاجه تانيه خالص.

 

اقرأ أيضًا: رحلتي الى لنكاوي جنة الله في أرضه: رحلة ولاء إسماعيل الى ماليزيا

 

10 معلومات عن لانكاوي
10 معلومات عن لنكاوي

-كان من ضمن تكت التليفريك حضور عرض فيلم ماليزى وزيارة لـ”معرض الفنون” المعرض فكرته ممتازة وهو عرض كل الاعمال الفنية بطريقه ثلاثية الابعاد.

-للاسف مكنش فى وقت انى اروح واشوف مقام ماهسورى

انا مشفتش فى لنكاوي غير تلال وجبال خضراء وشلالات وشواطئ ومطر. هى فعلا خطفت قلبى بمناظرها وطبيعتها الساحرة.

 

اقرأ أيضًا: جزر ماليزيا للمسافرين العرب: أجمل 5 جزر لقضاء شهر العسل في ماليزيا بالصور

 

فنادق لنكاوي



Booking.com

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …