الرئيسية / آسيا / رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته
رحلتي الى دبي
رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:

 

أول حاجه تعملها قبل ما تدخل الإمارات لأول مرة انك تنسى خالص كل الصور والفيديوهات اللي شفتها، لأنها ماتوصفش غير يمكن 10% من الوهم اللي هتشوفوه بعينيكم، واللي مفيش صور ممكن توصفه، وده اللي شوفته خلال رحلتي الى دبي

 

تاني حاجة، إنت آه في بلد عربي بس كل تعاملاتك هتكون بالإنجليزي وده مش هيكون فرصة إنك تمرن الإنجليزي بتاعك، بالعكس هيكون فرصة إنك تدمره أكثر لأن لا وجود لقواعد نحوية أو كلمات معقدة في اللغه اللي هتستخدمها هناك، لأن هيا خليط من لغات كثير ومشاورة أكثر على قليل من الإنجليزي.

 

رحلتي الى دبي

 

ثالث حاجة لازم تاخد بالك منها هناك، إن الغلطة بفورة يعني لو قررت تركب المترو ومعاك عيل غلس، إبنك بقى ابن أختك وشاف زرار احمر مكتوب عليه طوارئ، خلي بالك تطلب معاه إنه يدوس عليه بصباعه الفضولي الصغير ده، علشان في غرامة فورية 2000 درهم.

وهكذا بقى في حاجات كتير بتعملها في بلدك عادي تلقائي بمنتهى العفوية، ممكن توديك الشلاحات هناك. وده تأكدت منه خلال رحلتي الى دبي

 

اقرأ أيضًا: برج خليفة في دبي : تعرف على أهم المعلومات والأنشطة في أطول برج في العالم

 

رحلتي الى دبي بالتفصيل

 

عقب سيجارة ترميه تفه ملغمة من بوقك تجرح بيه الشارع اللي أنعم من الحرير، لو معاك عربية وجاي تركنها بالحب كدة فدوست على الخط الأصفر الفاصل بين مكان الركنة اللي جنبك أو قدامك مخالفة برضة الفهلوة هناك مكلفة قوي فخلي بالك.

 

لو انت من أصحاب القلوب الضعيفة ومن محبي السيارات في نفس الوقت، فحاول تبعد عن بوليفارد محمد بن راشد في ليلة خميس، لأن الموضوع صعب ومرهق على أعصابنا.

 

أنا قضيت ساعة هناك وكان عندي استعداد أقعد أكثر من كده، اتفرج على البنتلي بس اللي أكثر من الشاهين عندنا واللي أحلى من الفرجة على العربيات هوا سماع أصوتها الرهيبة.

 

السياحة في دبي

 

من أهم الحاجات اللي تعملها أول ما توصل وده اللي عملته قبل رحلتي الى دبي إنك تنزل الأبليكاشنز اللي هتفيدك هناك زي مثلا (Dubai metro)و (public trans)، علشان تقدر تتنقل بسهولة وطبعا راحة تامة بعيد عن التاكسيات اللي ممكن تكون مكلفة جدًا.

وبرضه لازم تدخل على سايت ubaicalendar.au و برضه ده عملته قبل رحلتي الى دبي ده بيوريك كل الإيفينتس اللي موجودة خلال الشهر في دبي معظمها بيكون مجاني ومفيد جدًا مهما كانت اهتماماتك هتلاقي حاجه تناسبك، من أجمل الحاجات هناك إنك بتتعرف على نفسك من جديد، يعني مبدئيا بتعرف إنك بني آدم محترم.

 

اقرأ أيضًا: الاماكن السياحية في الامارات 10 : بينها برج خليفة وسكاي دبي ونخلة جميرا

 

رحلتي الى دبي
رحلتي الى دبي

 

اقرأ أيضًا: الاماكن السياحية في دبي : أهم المعالم السياحية للشباب والأطفال والعائلات

 

السفر الى دبي

 

بتعرف تتبسط وبتحب تتمشى في الشارع مش أنتوخ كسلان زي ما كنت فاكر نفسك وبتقدر تتذوق متع الحياة البسيطة، آه والله تخيل!. واللي أكثر من كدة كمان إنك مش شخص قلقان ومتوتر بالفطرة، لا خالص دي أتاريها حاجات مرتبطة بالمكان اللي إنت فيه مش مرتبطة بشخصك. الإمارات ماكنتش من الدول اللي أتمنى أزورها بس بعد ما روحتها الأكيد إني عاوزة أروحها تاني وثالث.

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …