الرئيسية / آسيا / رحلتي الى لنكاوي جنة الله في أرضه: رحلة ولاء إسماعيل الى ماليزيا
رحلتي الى لنكاوي
رحلتي الى لنكاوي

رحلتي الى لنكاوي جنة الله في أرضه: رحلة ولاء إسماعيل الى ماليزيا

رحلتي الى لنكاوي | الرحالة | رحلة- ولاء إسماعيل:

 

جزيرة لنكاوي من أروع وأجمل الجزر فى العالم وليس في ماليزيا فقط، الجزيرة كبيرة وتضم العديد من المعالم التاريخية والحياة المثيرة والتسوق الرخيص، وسيلة المواصلات هناك يا تاكسى يا إما تأجر سكوتر وده أرخص طبعًا.

 

فى بداية رحلتي الى لنكاوي وصلت منطقة Selat Bagan ونزلت فى Barkat chalets بـ 45 RM بالفطار فى الليلة وده كان من أحلى البيوت اللى قعدت فيها وهو يعتبرLake House  حاجة كده فائقة الجمال لأنى كنت بصحى على منظر البحر والسماء والجبال المغطاة والاخضر.

 

رحلتي الى لنكاوي

 

وصاحبة المكان بنتها فضلت معايا أنا وصاحبتى علشان تفرجنا على المنطقة كلها وودتنا أماكن كان مستحيل نعرف نوصلها لوحدنا وكان معاها واحد تانى من المنطقة زميلها وأخدنا جولة بدون أي مقابل، ” ناس جميلة جدا وانبسطنا معاهم” يومين من العمر.

 

بعد كده أخدنا Boat  بـ 5 RM ووصلنا منطقة Pentai Cenang ونزلنا فى هوستيل VIP Female Dorm بـ 33 RM فى الليلة بالفطار.

 

برنامج سياحي في لنكاوي

 

اليوم الأول في رحلتي الى لنكاوي أخدت التاكسى رايح جاى بـ 30 RM وروحت.

جسر السماء Sky Bridge: بـ 5 RM ويعتبر جسر منحنى للمشاه وارتفاع الجسر 700 متر فوق مستوى سطح البحر ولا يمكن الوصول إليه إلا بالتليفريك.

 

التليفريك Cable car في جزيرة لانكاوي : بـ  75 RM الدخول للتلفريك والمعرض الثلاثى الأبعاد، التليفريك بياخدنا رحلة لمدة 15 دقيقة إلى أعلى جبل مات شينشانغ، وبتلاقى نفسك بين شلالات لنكاوى والغابات وفى السماء وعلى ارتفاع 710 متر فوق مستوى سطح البحر.

 

معرض فنون: 3D  هتلاقى فيه أعمال فنية كتيره وكلها ثلاثية الأبعاد وكأنها حية ويعتبر المعرض الثانى فى العالم 3D وهتعيش فية قمة الخيال.

 

اقرأ أيضًا: جزيرة لنكاوي للمسافرين العرب: دليلك للسياحة في عروس الجزر الماليزية

 

شواطئ لنكاوي

 

اليوم الثانى في رحلتي الى لنكاوي طلعت على الشاطئ وعملت Parasaling  بـ 60 RM وركبت Jet ski  بـ 60 RM وبالليل نزلت اتمشيت وعملت شوبينج.

 

اليوم الثالث في رحلتي الى لنكاوي أخدت تاكسى بـ 10 RM لمطار لنكاوى وحجزت من على طيران Malindo لـ كوالالمبور بـ 179 RM علشان أرجع كوالا طيران مش أتوبيس لأنه بياخد 9 ساعات وبعد كده أخدت تاكسى بـ 10 RM للشلالات.

 

شلالات لنكاوي

 

ووصلنا شلالات الآبار السبعة: عبارة عن زخرفة طبيعية هتلاقى فيها سبع عيون من الماء وصخور هائلة والتي هي من مميزات لنكاوي، فمياه الأمطار العذبة تتجمع وتنحدر من حوض إلى حوض لتتدفق وبقوه، وعلشان أوصل للمنبع طلعت ما بين غابات وكان معايا فى رحلة الصعود، قرود وطيور مغردة وصوت تساقط قطرات الماء، ? فى القمة قمة المتعــة ورجعنا منطقة Pantai  بـ 15 RM وبالليل كملت الشوبينج.

 

أماكن الشوبينج في لنكاوى : منطقة Pantai Cenang فيها محلات صغيرة بطول الشارع، Cenang mall، The Zon Shopping Paradise ، ZON Duty Free complex وغيرهم.

 

اقرأ أيضًا: أمل العزب تكتب : 10 معلومات عن لنكاوي التى خطفت قلبي

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *