الرئيسية / آسيا / بتايا تايلند | أبو العربي يكتب رحلته إلى بتايا: مدينة سمعتها سابقاها
بتايا تايلند
بتايا تايلند

بتايا تايلند | أبو العربي يكتب رحلته إلى بتايا: مدينة سمعتها سابقاها

بتايا تايلند | الرحالة | رحلة- أبو العربي:

أبو العربى يتحدث إليكم و يحييكم يا معشر الرحالة فى أولى رحلاته الاستمتاعية الرخيصة الهنية الـ ميه ميه 😀 وبيقدملكم الوصف التفصيلى اللي هتجربه وتدعيلى

من بانكوك الى بتايا تايلند وبأسعار حكاية

رحلتي الى تايلاند كانت 16 يوم متقسمه ما بين بانكوك وبتايا تايلند وبوكيت، قررنا تبقى بتايا تايلند أول مدينة نزورها في تايلاند عشان سمعتها طبعا ?

السفر الى تايلند

نزلنا مطار بانكوك وقررنا نركب أتوبيس لحد بتايا تايلند، هتلاقى الأتوبيس فى الدور الأرضى للمطار، بوابة رقم 8، أتوبيس حلو جدا مريح، ومليان رحالة من كل البلاد، ناس جايه تتبسط بأقل الإمكانيات، طبعا مش هتركب قبل ما تقطع تذكرة.. عاوزك صاحى معايا كده 😀

بتايا تايلند
شباك تذاكر أتوبيس بتايا في مطار بانكوك

من بانكوك الى بتايا

​سعر التذكره 120 بات تايلاندي يعنى بالصلاة على النبى 60 جنيه مصرى، ولا تعرض نفسك لوجع دماغ التاكسى والنصب وتدفعلك من 1000 إلى 1500 بات تايلاندي ويقولو التايلانديين علموا على المصريين وهم ساعتين وتوصل بسلام.

بالنسبة بقى للناس اللى بتتكلم انجليزى زيي كده لبلب يعنى فلونت، انت هتقول لطنط اللي قاعده دى بتايا تايلند هتديك التذكره وتقولك اقعد استريح، هيجى واحد محترم ينده على الميعاد، وهو كل ساعه أتوبيس بيطلع الى بتايا تايلند هياخدك من ايدك لحد الاتوبيس وتحط شنطتك وتاخد رقم الشنطة.

بتايا تايلند
صورة تذاكر اتوبيس بتايا

بتايا تايلند

​وطبعا قبل ما تطلع من مصر تكون عارف انت هتقعد فين فى بتايا تايلند ويكون معاك عنوان الفندق طبعا هتروح لعمو السواق وتوريه العنوان هو بيقف فى 3 محطات هينزلك فى اقرب محطة للفندق بتاعك اللى انت هتكون حاجزه من موقع بوكينج أو أجودا.

الاسعار كتير والاختيارات بالهبل انا كنت قاعد فى منتجع غايه فى الجمال سعر اليوم كان 500 بات انا وصديقى يعنى 250 جنيه بالمصرى احنا الـ 2 بس من غير وجبات

بتايا تايلند
بتايا

رحلتي الى بتايا

اه نسيت اقولك وانت مفكرتنيش.. تستاهل، المهم لما تنزل من الاتوبيس متسألش تايلانديين لان كلهم هيقولولك اركب توكتوك حتى لو المسافه قريبه حاول تسال رحاله اى حد اجنبى او ابن بلد تايلاندى ميكنش راكن قدامه توكتوك او تاكس لانهم بينفعوا بع.

ولو سألت وحكمت انك تركب توكتوك تتقاول معاه اول واخره 150 بات يوم ما يتنطط هو هيقولك ارقام غريبه ملكش دعوه بيه قول 100 ووصلهم لحد 150 لو مرضاش امشى شويه واسأل واحد تانى.

 

بتايا تايلند
الفندق اللي قعدت فيه في بتايا

 

فنادق تايلاند

المنتجع اللي كنت فيه هدوء ونضيف وحاجه آخر ألاجه اه والنعمه وامان كمان بس هو بعيد عن صخب بتايا اللهم احفظنا ومليطة بتايا تايلند وحياة الليل الماجنه بتاعت بتايا تايلند يا سلام يا ولاد على بتايا تايلند 😀

انا حاسس انى طولت عليكم أهم حاجه إنى أخدتكم من المطار ووصلتكم لحد الفندق والله كتر خيرى التقرير التانى بقى نتكلم على بتايا تايلند والحياه فيها والرحلات الرخيصة اللي ممكن تعملها فيها والأكل والشرب وكل شيء ان شاء الله

وطبعا ناكر الفضل جاحد التجربة دى بناء على توجيهات الرحالة والتدوينات السابقة عن تايلاند

ننصحك بقراءة أيضاً :

جزيرة بوكيت أجمل جزر تايلاند : خليج وشواطئ وجزر لم يخلق مثلها في البلاد

جزيرة بوكيت تايلند | 6 معلومات عن السياحة في بوكيت: تجربة عبده حسام

بوكيت تايلند | تعرف على الحياة الليلية في جزيرة بوكيت التايلاندية

السياحة في بوكيت : دليل لأهم الاماكن السياحية في عاصمة السياحة التايلاندية

بهاء فاروق يكتب رحلته إلى جزيرة جيمس بوند في تايلاند : تصلها عبر مغارة

شاهد أيضاً

فيزا شنغن للسعوديين

فيزا شنغن للسعوديين والمقيمين في السعودية : كيف تحصل عليها خطوة بخطوة

فيزا شنغن للسعوديين | الرحالة |   السفر إلى أوروبا أحد الأحلام الجميلة لكل شخص …