10 نصائح لمواجهة حالات الخطر أثناء السفر : تجربة جنان عبده مع حادث برشلونة الإرهابي

10 نصائح لمواجهة حالات الخطر أثناء السفر | الرحالة | كتبت-جنان عبده:

شعور صعب إنك تكون في رحلة ويحدث حادث إرهابي في المكان اللي إنت فيه زي ما صار معاي  في رحلتي لبرشلونة.

زاوية الشارع اللي أنا نازلة فيه إرهابي دهس عشرات السياح. وكانت حالة من الهلع بالشوارع والبوليس أغلق المنطقة ومنطقة كبيرة حواليها ومقدرتش أرجع فندقي الّا لساعات متأخرة وفي ناس تم منعهم من الرجوع لساعات الصباح من تاني يوم.

موقع الحادث الإرهابي في شارع لامبراس برشلونة ورود وشمع وبطاقات تضامن مع الضحايا

حادث برشلونة الإرهابي

أنا ساعتها كنت في منطقة تانية في بارك جاودي وكنت واقفة بالدور بنتظر الدخول للمتحف وفجأة الحرس طلبوا منا نخلي المكان لأن في تحذير من وجود قنبلة.

خرجت وأنا زعلانة لاني خسرت دوري حقيقة ما توقعت إن الأمر جدي. لكن لما وصلت محطة المترو اللي مفروض عشان أخذ المترو وأرجع الفندق لقيتها مقفولة بوابتها من الخارج.

بالبداية اعتقدت إني غلطت بالاتجاه فرحت للجهة التانية ولقيتها بتتقفل وبائع من اصل هندوسي بقفل دكانه وبقولي في حادث إرهابي وقفلوا المترو. ما عرفت شو أعمل.

هجوم برشلونة

طلعت الشارع محطة باص قريب وقفت باص سألته كيف بقدر أرجع لمنطقتي شارع رامبلاس قالي ما بتقدري قفلوا المنطقة إرهابي طلع على الرصيف ودهس الناس. قالي إطلعي معاي بوصلك لاقرب منطقة ممكنة لهناك.

طلعت معاه وكان في الباص بضع ركاب وضعهم زيي لان الباصات وقفت بأمر الشرطة أيضا.
الشعور صعب وتوتر كبير فجأة المنطقة أغلقت وشرطة في كل مكان ومش قادرة ارجع الفندق ومفيش مترو وقف والباصات وقفت كمان.

بعد ما كان الشارع مليان تم اغلاقه وبقى فاضي من البشر- شارع لامبراس -ساحة كتالونياـ برشلونة

10 نصائح لمواجهة حالات الخطر أثناء السفر

البائع الهندوسي قال لي أن نازل قريب من المنطقة اللي انت رايحة فيها ممكن أدلك ع الطريق أمشي معاي. نزلت مشيت معاه شوية. لحظي كان معاي شوية شحن بالتلفون ومعاي ابليكيشن جوجل ماب.

قدرت أعرف تقريبا أنا موجودة بأي منطقة وبديت السير بإتجاه الفندق. لكن كل ما أوصل مفرق الاقي البوليس قافله.

الساعة صارت متأخرة والشمس بدأت تغيب وهذا بزيد من الشعور بالتوتر إني مش عارفة أنا فين. ومكنش معاي جواز السفر كنت تركته في الفندق.

بعد الحادث الإرهابي- الشرطة بكل مكان في برشلونة وخاصة موقع الحادث

شرطة برشلونة

توجهت لرجال شرطة سألتهم كيف بقدر أوصل فندقي خبروني ان الحادث صار في نفس الشارع وما بقدر أرجع بالمرة حاليا وممكن أشوف فندق تاني أنزل فيه.

بالنهاية مشيت حوالي ساعتين بالزقاقات الفرعية ووصلت قريب من الفندق وكنت شايفاه قدامي اقتربت من شرطي وطلبت اني أدخل الفندق سألني عن اسم فندقي أشرت اله بايدي على الفندق كان يبعد بضع عمارات وقلت له اسمه وحظي كان حلو سمح لي بالمرور. وعرفت بعدين ان عائلات أخرى ما قدرت تدخل.

موقع الحادث الناس كتبت بطاقات وابقتها في المكان تضامنا مع الضحايا وتنديدا بالإرهاب

تجربة صعبة ومخيفة لحد موجود في بلد ما بعرف فيه اي حد. من هذه التجربة أنا أتعلمت كثير وقعدت افكر بالأمور المهمة اللي لازم الواحد يعملها أثناء السفر للاحتياط وحبيت أشاركم فيها.
تجربتي  علمتني شوية أشياء مهمة لكل رحالة ومسافر.

 

10 نصائح لمواجهة حالات الخطر أثناء السفر

1- متقولش مش ممكن يصير معاي حادثة كون حاضر لكل احتمال.
2- خلي معاك جواز سفرك أو على الأقل نسخة مطبوعة ورقية ومتكتفيش بصورة في الموبايل لأنه ممكن يخلص الشحن والموبايل يقفل.
3- خلي معاك على طول شاحن الموبايل حتى لو مشوارك قصير ومخطط ترجع الفندق سريع.
4- خلي معاك فلوس زيادة شوية عن اللي خططت تاخده والباقي في الفندق.
5- خلي معاك رقم سفارة بلدك وعنوانها في البلد اللي انت نازل فيه.
6- خلي نسخة مصورة من تذكرتك معاك.
7- للاسف الارهاب في كل مكان متخليهوش يمنعك من السفر ومتخليش خوفك يمنعك لكن خليك حذر.

8- لو إنت بتأخد أي أدوية ضرورية يومية خلي معاك حبة أو اتنين احتياط في الشنطة.
9- لو حدث عملية أو حادث في المكان اللي انت فيه توجه الشرطة وأطلب مساعدة.
10- ابعد عن تجمعات الناس بعد حادثة إرهابية لأنه ممكن تكون سلسلة عمليات تستهدف التجمعات.

10 نصائح لمواجهة حالات الخطر أثناء السفر

مع كل الخوف اللي رافقني لحظتها وكل القلق لكن بعدها بقيت أشعر إني جزء من الحدث وبقيت أمر كل يوم من هناك وأوقف مع الناس ورغبة بالتضامن وعمل شيء لتخفيف الالم.

شعور إني كان ممكن أكون بمكان اللي انقتلوا وإني صدفة مكنتش هناك ساعتها بعزز الشعور بالوحدة والرغبة في عمل شيء للتنديد بالإرهاب والتمسك بالحياة. والحقيقة كان شي غريب من بعدها لما رجعت البيت إني أشاهد التقارير الإخبارية بتتحدث عن الحدث من بعيد. 

هذا العمل الإجرامي ما منعني من السفر ولا راح يمنعني بالعكس خلاني أتمسك أكثر بالحياة وبفكرة إن الحياة قصيرة وإن علينا نستفيد من كل لحظة فيها من كل لحظة سعادة وفرح.
وبنقول نحن نُحب الحياة والرحلات .. ويومكم خير وأمل متجدد