مصيف راس البر : ابتعد عن يومي الخميس والجمعة ولا تنسى زيارة اللسان والجربي

مصيف راس البر | الرحالة | رحلة- رامي علام:

هتكلم عن محافظه دمياط و مصيف راس البر، دمياط بلد جميلة كلها هادية وممكن تتلف في ساعه زمن وأهل دمياط بيتميزوا بشغل النجارة، بجد حاجه فوق الوصف شغل عالي بجد. وأحلى حاجة تانية السمك بكل أنواعه وشوربه السمك.

مصيف راس البر

راس البر تتبع محافظة دمياط. بين دمياط وراس البر حوالي ١٥دقيقة.. راس البر منطقه سياحية جميلة جدا وبلد كبيرة جدا. وكانت من قبل تحتوي على عشش ووجهة مصيف مهمة جدا للنخبة والنجوم زي أم كلثوم، وبعد كده تم تغيير اسم العشش إلى فنادق.. والفنادق في رأس البر تناسب جميع الطبقات.

بالنسبة للحياة في راس البر مَش غالية وأسعارها عادية جدا وكبلد تتميز بالهدوء.. بس نصيحة اللي يحب يروح راس البر يبعد عن يوم الخميس والجمعة علشان في اليومين دول بيبقي رحلات اليوم الواحد كتير قوي ومن كتر الناس متعرفش تمشي في أي شارع.

الاماكن السياحية في راس البر

الفنار

ويطلق عليه اسم منطقه اللسان، وده مكان للمشي يوجد بهذه المنطقه أجمل ما تشوف عينك، يوجد من الناحية اليمنى ماء عذب ومن الناحية اليسرى ماء مالح.

فِي منطقه اللسان تنتهي رحله أطول أنهار العالم، حيث ينتهي نهر النيل في مدينة رأس البر بعد مروره بالعديد من الدول، وفي نهاية نهر النيل بمنطقة اللسان يلتقي البحر المتوسط مع نهر النيل.

الشوارع الهامة

شارع بورسعيد وهو شارع كبير وفيه ممشى وشارع النيل

منطقه الجربي

توجد على خط النيل ويوجد عليها منطقه مرسى المراكب ويوجد بهذه المنطقه أسطول من المراكب.

وفيها مراكب للنزه البحرية الفرد بـ ١٠جنيه بتلف في البحر ورقص وغنا وكل شيء ويوجد بمنطقة الجربي مدينه الملاهي وسينما.

إضافة إلى العديد من المناطق

اسعار فنادق مصيف راس البر

رأس البر شعبية قوي قوي قوي، بالنسبة للإقامة الشقه غرفتين وحمام ومطبخ الليله بحوالي ١٣٠٠جنيه وفِي اسعار أغلي من كده وفي أقل من كده كمان.

رأس البر كمدينة جميلة جدا وهدوء، بس عيبها انها شعبية قوي بمعني انك بتلاقي في الشوارع الممشي بياعين كتير قوي وده العيب الوحيد في رأس البر.