الرئيسية / الهجرة / دليل الهجرة و الدراسة بالخارج : ازاي تهاجر مهما كان وضعك في مصر
دليل الهجرة و الدراسة بالخارج
دليل الهجرة و الدراسة بالخارج

دليل الهجرة و الدراسة بالخارج : ازاي تهاجر مهما كان وضعك في مصر

دليل الهجرة و الدراسة بالخارج | الرحالة | كتب- أحمد محمد:

الموضوع ده ممكن نسميه الدليل التاريخي للهجره والشغل برا مصر أو دليل الهجرة و الدراسة بالخارج وهيعرفك ازاي تهاجر مهما كان وضعك في مصر؟

 

الدراسة في الخارج

لو انت طالب، سواء ثانوية أو في الجامعة ليك طريق واحد بس وهو هجرة الدراسة، ودي انك بتروح تدرس عدد سنين معينه سواء ماجستير او بكالوريوس في دوله معينه وبعد ما تخلص بتجيب عقد عمل في تخصصك وتتحول إقامه الطالب لإقامه عمل.

الدراسه برi مصر نوعين.. بالفلوس علي حسابك أو بالمنح الدراسية علي حسابهم

 

المنح الدراسية

عشان تعرف تلاقي منحه لازم يتوفر فيك 3 اشياء:

انجلش كويس سواء تويفل او سات او ايلتس + تقديرات عالية + انشطه طلابيه تطوعيه مع مؤسسات تطوعيه وقيادية.

ساعتها هتدور علي منح في تخصصك سواء جزئية أو كلية وهيبقي مسموح لك تشتغل عدد ساعات معينة في الاسبوع ( 21 ساعه غالبا ف معظم البلاد ).

وبعد ما تخلص دراسه ومعادلة تقدر بسهوله تجيب عقد عمل في تخصصك.
ودي مواقع تقدر تدور من خلالها على منحة مناسبة لتخصصك.
https://goo.gl/6CTuKS
https://goo.gl/2KdkYG
https://goo.gl/BtYN4o
طبعا في مواقع تانية غير أنك تقدر تدور بنفسك على جوجل.

 

الدراسة في الخارج على حسابك

في نوعين من الدراسة في الخارج على حسابك

1- دراسه علي حسابك في دول سهلة الدخول ومستوي تعليم فوق المتوسط زي أوكرانيا – ماليزيا – روسيا
وفي الحاله دي مصاريف الدراسه بتوازي نفس مصاريف الجامعات الخاصه في مصر

بتجيب قبول جامعي من اي جامعه في اي دوله هناك وبتدفع مصاريف الدراسه وبتروح تدرس

وبرضو هيبقي مسموح لك تشتغل عدد ساعات معينة في الاسبوع ( 21 ساعه غالبا ف معظم البلاد )
وبعد ما تخلص دراسه ومعادلة تقدر بسهوله تجيب عقد عمل في تخصصك.

 

2- الدراسه علي حسابك في دول صعبه ومستوي تعليم عالي جدا جدا :

ودي محتاجه مصاريف كتير جدا عشان تقدر تحصل علي فيزا دراسه لدوله كبيرة زي امريكا وكندا والمانيا

المانيا ارخص البلاد النضيفه اللي تقدر تدرس فيها
بيكون مطلوب منك مستوي b1 او b2 في الالماني + 8600 يورو في حساب مقفول هناك
او يكون معاك ضامن الماني يضمنك ويدفعلك فلوس الدراسه هو كل سنه

 

امريكا معظم الناس بتروح مش بيدرسوا في جامعات لكن بيروحوا يدرسوا في حاجه اسمها كلية المجتمع او community college ودي هي هي نفس نظام الجامعات بس الاختلاف في ان الكلية بتديك واحد من تلت انواع من الشهادات :

يا شهادة بعد سنه وتقدر تشتغل بيها ف امريكا
يا شهادة بعد سنتين او تلاته ودي بتكون درجه علميه اعلي من الشهادة ام سنه واحدة بس
يا شهادة بعد 4 سنين ودة مبيكونش اكاديمك بيكون براكتيكال اكثر

ومعظم الناس بتختار community college عشان ارخص من الجامعات وبتنجز في وقت اقل ( اسهل كوبري للدراسه ف امريكا من الاخر )

طب اخد الفيزا بتاعه الدراسه للبلاد الكبيرة دي ازاي؟

في الحالة دي ما عليك الا انك تختار الدولة اللي بتفكر تدرس فيها وهتلاقي لها موقع رسمي لكل الجامعات

(مثال https://goo.gl/dsg5js الخاص بالدراسة في ألمانيا و https://goo.gl/cqmHnv الخاص بالسويد).

هتدخل على الموقع وتختار التخصص والدرجة العلمية وهتلاقي كل البرامج المتاحة بكل التفاصيل والمصاريف والرسوم بعد ما تختار البرنامج اللي يناسب ويناسب تخصصك ويناسب امكانياتك الماديه و اللغويه .. تروح و تبدأ بمراسلة الجامعة مباشرة عشان تحصل علي قبول جامعي وامشي في خطوات التقديم في السفارات.

دليل الهجرة و الدراسة بالخارج

ثانيا : هجرة التخصصات الكبيرة والعماله المهره لدول المهجر فقط :
==================================

لو انت شخص معاك فلوس و عندك تخصص كبير و سنين خبره في مجالك هتقدم علي هجرة كندا او استراليا او نيوزيلاندا.

والهجره في ال 3 بلاد دول بنظام النقط .. عامل زي الجمعيه .. بتجمع نقط علي نقط علي نقط علي نقط عشان تجيب اعلي نقط وتسافر

نقاط علي المؤهل + نقاط علي سنين الخبره + نقاط علي اللغه + نقاط علي الزوجه لو متزوج ولو وصلت للحد الادني من النقط اللي تسمحلك تقدم علي الهجره هتقدم ويختاروك

و بتروح هناك تاخد اقامه دائمه وبعد عدد سنين معينه تقدر تقدم علي الجنسيه

دليل الهجرة و الدراسة بالخارج

المواقع دي هتلاقي فيها كل اللي هتحتاجه عن التقديم للهجرة :

كندا : https://goo.gl/A28yYz
استراليا : https://goo.gl/ozc6kR
نيوزيلاندا :https://goo.gl/27PmLv

وبالنسبة للـ 3 بلاد دول كونهم من أكتر بلاد العالم استقبالا للمهاجرين هتلاقي فيديوهات وقنوات كاملة على يوتيوب بتتكلم عن الهجرة بالتفصيل خطوة بخطوة،

و متنساش تبص على منتدى المطاريد أو منتدي المهاجرون العرب وتسأل الناس اللي سافرت عن تجاربها ده هيوفر عليك وقت ومجهود وفلوس كتير جدا.

.

ثالثا : هجره المستثمرين ( صغار المستثمرين مش ابو هشيمه ولا ساويرس )
====================================

هتقدم علي فيزا استثمار او شراء عقار وتاخد أقامه في دول كتير حسب امكانياتك وقوانين البلد دي

ومن ضمن البلاد اللي بتسمح بفيزا عن طريق شراء عقار هي جورجيا، تركيا، قبرص وغيرهم بتكاليف متفاوتة.

أما الدول اللي بتسمح بالاقامة عن طريق الاستثمار فهي أكتر من اننا نعدها لكن خلينا نتكلم عن الاتحاد الاوروبي (لأن باقي الدول بتطلب مبالغ خرافية) فأسهل دولتين تقدر تاخد فيهم اقامة مستثمر هم اسبانيا وسلوفاكيا .. فقط 9000 يورو ثمن الاستثمار هناك
.

الفيديو دة 14 دقيقه كامله بيتكلم عن كل التفاصيل من الالف للياء في هجره المستثمرين في سلوفاكيا

دليل الهجرة و الدراسة بالخارج

رابعا : هجره الباحثين عن العمل من الشباب الخريجيين :

لو انت خلصت كليه وخلصت جيش ومعاك تخصص معين انت شاطر فيه ومعاك انجلش كويس

قدامك كذا طريق

1- معاك انجلش كويس + skills عاليه اوي اوي علي الانترنت والتسويق الالكتروني = هتشتغل freelancer وتصرف علي سفرك.

وال freelance تقدر بشويه مجهود وشويتين ذكاء تصرف علي سفرك بسهوله جدا وممكن يجيلك عقود عمل من شركات عالميه تسافر ليها بس عايز سعي وتعب مفيش شئ بدون مقابل

أنصحك أيضًا بقراءة:

خطوات الهجرة إلى كندا : تعرف على الشروط الكاملة وبرامج الهجرة المتاحة

الهجرة الى السويد والحصول على جنسيتها في 6 خطوات: لجماعة اللهم هجرة

الهجرة الى امريكا | تعرف على أهم شروط وخطوات الهجرة الى امريكا

الدراسة في امريكا | تعرف على أهم الجامعات وخطوات وشروط الدراسة في امريكا

تعرف على أفضل 10 دول للهجرة وأكثر 10 دول استقبالا للمهاجرين: بينها دولة عربية

شروط الهجرة الى كندا عبر الزواج من كندية : بينها أن لا يكون قائم على المصلحة

مدينة إيطالية تفتح باب الهجرة مقابل 2000 يورو لكل من يقيم بها

الهجرة العشوائية لامريكا : شروط وخطوات التقديم للفوز ضمن 55 ألف شخص سنويا

شاهد أيضاً

الهجرة الى كندا لليمنيين

الهجرة الى كندا لليمنيين عبر نظام الدخول السريع خطوة بخطوة

الهجرة الى كندا لليمنيين | الرحالة |   أعلنت كندا في 2017 عن تسهيل اجراءات …