الرئيسية / أوروبا / باريس .. دليل المسافر الى عاصمة النور والحرية وبرنامج سياحي شامل لمدة 7 أيام
باريس
باريس

باريس .. دليل المسافر الى عاصمة النور والحرية وبرنامج سياحي شامل لمدة 7 أيام

باريس | الرحالة | رحلة- جنان عبده:

مين فينا ميحبش يروح باريس، المدينة الجميلة، مدينة الأنوار.. هتلاقي في التقرير ده معلومات تساعدك تسافر بأقل تكلفة وتستفيد من وقتك أكثر استفادة ومبني على خبرتي في السفر لهناك.

باريس مدينة جميلة جدا، مدينة الحضارة والتاريخ، مدينة الفن المعاصر والقديم. مدينة كل الأعراق والجنسيات، هناك مش هتشعر إنك غريب من كتر التنوع الحضاري اللي فيها.

محتويات الصفحة

باريس

يمكن صعب تشوف كل حاجة لكن مهم تشوف أهم المناطق اللي فيها وبساعدك في ذلك النهار الطويل لأن الشمس بتغرب الساعة 10 مساء.

متكسلش وابدأ نهارك بدري وخليك برا لاخر الليل والبلد آمنه في الليل متخفش وأيضا سكة المترو المتطورة والمتشعبة اللي بتوصل كل مكان في المدينة وبسعر بسيط هتسهل عليك.

برنامج سياحي لمدة 7 أيام في باريس

اليوم الأول

جولة في السفينة في نهر السين

لو كان يوم ماطر إنت ممكن تستفيد من إمكانية ركوب السفينة في نهر السين وعمل جولة سياحية فيها.

التذكرة بتكلف 17 يورو في الاتجاهين وبتشمل عدد من المحطات ممكن تنزل في كل محطة تتصور وتستريح وتتجول وترجع تركب في السفينة اللي وراها بفارق دقائق مش كبير.

خلال الرحلة في السفينة  بتقدر تصور وإنت في داخلها لأن اطرافها زجاجية وسقفها كمان وممكن تطلع لبلكونتها وتصور

ولو كانت رحلتك في يوم مش ماطر فممكن تركب في السفينة المفتوحة

في الجولة بتشوف برج ايفل وبتمر من قرب كنيسة نوتردام ومتحف اللوفر وبتشوف تمثال الحرية اللي أهدته أمريكا لفرنسا وهو عبارة عن مجسم أصغر من الأصلي طبعا لتمثال الحرية..جولة حلوة ومش مكلفة.

الفنادق في باريس

5 معلومات عن السفر الى باريس

 

برج ايفل

 البرج من أهم معالم باريس وبتلاقيه مطبوع ع التي شيرتات والسوفينير والبطاقات البريدية

يقع في حديقة شامب دي مارس. هو مبني من أطنان من الحديد بتقدر تزوره وتصعد طبقاته وهو برتفع أكثر من 300 متر.

بتشوفه من بعيد من عدة أماكن في باريس وشكله في الليل جميل جدا وبتنطلق منه اضاءات ملونه بتزيد من جماله

بقترح تزوره مرتين: مرة في الليل تشوف الإضاءة  وله خصوصيته وجماله ومرة في النهار ممكن تصعد الطوابق العليا وتشوف باريس من فوق

ممكن توصله من خلال محطة المترو وتتجول في ساحته وممن توصله من خلال ركوب سفينة بتمر في نهر السين اللي بقطع المدينة.

الفنادق في باريس

مركز جورج بومبيدو

من أهم المعالم الثقافية الباريسية مجمع فني ثقافي بحوي صالات عرض لفنون معاصرة وما بعد حداثية.

يحتوي على سبع طوابق لكنه مصمم من الخارج بشكل شبيه المصنع بمواسيره الضخمة وحتى الدرج الزجاجي اللي يحيط المبنى مبني على شكل مواسير ضخمة.

تقدر تقضي نهار هناك وتتجول بعد خروجك من بومبيدو في المنطقة جميلة مقاهي ومطاعم وأكشاك وعروض فنية في الشارع.

 

اليوم التاني

متحف اللوفر

 من أهم المتاحف في العالم بالقرب من نهر السين يعني على بعد خطوتين من النهر.

المبنى ضخم جدا عريق بتتوسطه ساحة واسعة جدا وبتوسطها هرمين زجاجيين بتخليك تشعر بعظمة وحضور التاريخ المصري وتصدره للحضارة الانسانية والمعمارية. وبتقسم لصالات كتيرة بتحوي أجمل الفنون واللوحات والتماثيل وفيه لوحة الموناليزا الشهيرة للفنان ليوناردو دافينشي.

 

منطقة سانت جيرمان

قهوة دي ماغو وقهوة دي فلور- والمعروفة بكونها ملتقى المفكريين والفلاسفة في باريس، وكان بيقصدها المفكر الفيلسوف سارتر بنفسه.

 

الفنادق في باريس

 

اليوم الثالث

كاتدارئية نوتردام

كنيسة السيدة العذراء في منطقة سان ميشيل هي كنيسة شهيرة ببناءها الرائع الضخم إرتفاع البرج لوحدة بيوصل 33 متر. صعب جدا انك تصورها عن قرب وتقدر تصور الكنيسة بارتفاعها ومحتاج تصورها من بعيد.

لو قررت تدخلها لازم تعرف ان الدور طويل جدا. لكن جمالها من الداخل ممكن ينسيك الانتظار. كنيسة رائعة الجمال على ضفاف نهر السين بالقرب من جزيرة ليل ألوي في الجانب الشرقي من المدينة.

جولة في منطقة سان ميشيل وجزيرة ليل ألوي

منطقة جميلة مليانة مطاعم وقهاوي وبوتيكات وحلويات وأمور مختلفة. وممكن تقعد هناك في إحدى المقاهي على نهر السين او ببساطة تختار تقعد على ضفة النهر.

مش هتكون لوحدك لان عشرات الباريسيين قاعدين هناك بيتمتعوا بالمناظر الجميلة. ممكن تقضي نهار هناك تاخد فطور خفيف في احد المقاهي او في الأكشاك اللي بتبيع النقانق والساندويتشات والكريب والحلويات. ولو قررت تتغدى عندك تشكيلة كبيرة وممكن في 15 يورو تاخد وجبة محترمة.

معهد العالم العربي

هناك ممكن تشوف المكتبة العامة وتشتري كتب وممكن تفحص يمكن يصادف يكون في عرض او معرض. هناك بتطلع السطح وبتشوف منطقة كبيرة من باريس وبتشوف كنيسة نوتردام. وممكن الجولة في منطقة سان ميشيل تعملها في هذا اليوم.

 

الفنادق في باريس

اليوم الرابع

حديقة لوكسمبورج

من أكبر حدائق باريس المشهورة وفي محطة مترو بنفس الاسم- لوكسمبورج بتوصل على بابها.

جزء من الحي اللاتيني قريب من منطقة سان ميشيل. يتوسطها قصر لوكسمبورج الضخم الجميل. الحديقة ضخمة جدا وفيها مسارات مشي ومناطق جلوس وبتتزيّن بالعديد من الزهور المصممة بشكل جميل ووسطها برك- بحيرات صغيرة وبتجول فيها الحمام اضافة للناس.

 

شارع الشانزليزيه

 يتميز شارع الشانزليزيه بمحلات العطور والمجوهرات والثياب اضافة الى مقاهي راقية. وبتزيين بالشجر الأخضر على جانبيه. بنتهي في نهايته بقوس النصر.

قوس النصر

 يقع قوس النصر على رأس شارع الشانزليزيه في ميدان شارل ديجول. قوس النصر هو رمز انتصارات فرنسا الحربية في عهد نابليون بونابرت- محفور على جدرانه أسماء القادة العسكريين الفرنسيين وأسماء المعارك اللي انتصر فيها نابليون. ممكن تصعد لأعلاه تشوف المدينة وتآخد صور.

 

توكتوك باريس

لو بتحب ممكن تاخد توكتوك من الشانزليزيه يعملك جولة في المنطقة مثلا تكلفة للشخص من هناك للوفر مدتها 20 دقيقة سير هي 20 يورو طبعا الفصال ينفع وهينزل اكيد لـ 15.

 

اليوم الخامس

حدائق وقصر فرساي

يقع خارج باريس ولازم تروحه بتوصله  في المترو السريع وهو من أهم القصور في العالم. بالقرب من قرية فرساي.

يبعد حوالي 25 كم عن باريس. اقام فيه عدد من ملوك فرنسا من لويس 13 لـ لويس الـ 16. القصر تحفة فنية ومليان ذهب واثاث مصنع من ذهب وعاشت فيه الملكة  ماري انطوانيت والقصر تحول لمتحف بيوصله الوف الزائرين.

والحدائق جميلة حدا بتمتد على مساحة واسعة مصممة بشكل حلو جدا. طبعا الدور في الايام السياحية لدخول القصر طويل جدا.

الفنادق في باريس

اليوم السادس

ديزني لاند

مدينة الملاهي خارج باريس  على بعد حوالي 30 متر وممكن الوصول اليها عن طريق المتر السريع. واللي يقولك للاطفال فقط يكون غلطان جدا.

هي مدينة العاب ترفيهية بيحبها الكبار وبتمتعوا فيها مش اقل من الصغار. بتقضي فيها يوم كامل. فيها استوديو بشبه استوديو انتاج الافلام الهوليوودي.  وبتصادف الشخصيات الكرتونية من الافلام والت ديزني بتسير هناك وبتتصور مع الاولاد وبتم فيها عروض مسرحية لقصص ديزني.

فيها عدد من المطاعم للوجبات الخفيفة وكل ما يخطر على بالك مطبوع او مرسوم عليه شخصيات والت ديزني. في دزني شارع اسمه الولايات المتحدة من مباني خشبية فيه بجسد امريكا في عصور سابقة. وفيها فنادق كثير ومبنية باشكال خاصة.

  

الفنادق في باريس

اليوم السابع

كنيسة  البازيليك الأبيض

تقع هذه الكنيسة على قمة تلة تسمّى مونمارتر، لونها أبيض رخامي وتطل التلة على باريس وتشاهد منها برج ايفل. الكنيسة جميلة وحولها توحد حديقة وحوانيت بيع السوفينير ممكن ان تنزلها مشيا على الاقدام وتتجول فيها ممكن تقضي وقت هناك وممكن تنتقل لمنطقة تانية.

 

دار الأوبرا

عبارة عن مبنى تاريخي ضخم وجميل. تقدم فيه أعمال فنية ثقافية تاريخية وتراثية وأيضا معاصرة وفيه بتم عرص باليه أوبرا باريس وفيه أكايديمة للموسيقى.

جاليري لافييت

 لو وصلت دار الأوبرا ممكن تدخل جاليري لافييت مجمع تجاري ضخم جدا من 6 طوابق هتلاقي في كل اللي تفكر فيه. وممكن تلاقي تنزيلات  ممكن توصل 70%.

وفيه مطاعم تقدر تقعد تاكل هناك باسعار معقولة. السطوح في جاليري لافيت مفتوح للزوار وتقدر تطلع هناك واتطل على المدينة وتشوف قدامك معالم باريس وخاصة برج إيفل اللي بيظهر من بعيد واللوفر ومباني مختلفة وقربك على طول بتشوف دار الأوبرا. ممكن تآخد صور حلوة هناك.

ساحة ريبوبليك

ساحة الجمهورية والمعروفة بساحة التظاهرات بيتم فيها أهم المظاهرات. لو تقدر روح زورها لاهمتيها السياسية وتقدر تقول إنك كنت هناك 🙂

 ملاحظة:

البرنامج المرفق هو مقترح ممكن تغيير فيه وبترتيب الأيام وممكن تبدل المناطق اللي هتشوفها لان التنقل سهل بالمترو الانتقال من منطقة للتانية بيكون بضع محطات. يعني بيوم واحد  ممكن تروح أكثر من منطقة.

معلومات عامة إضافية ممكن تفيدك وتعرّفك أكثر على باريس

 الطقس في باريس

ان طقس باريس متقلب ومتنوع ممكن اليوم يكون مشمس وصافي وحار وتاني يوم تلاقيه  ماطر وبارد. لكن دايما هتقدر تعمل برنامج ملائم وممكن تتجول في الشتاء عادي.

ممكن تشتري شمسية صغيرة تخليها في الحقيبة وفي هناك ببيعوا معطف من بلاستيك مشمع للشتاء. داخل المقاهي والاماكن العامة ببقى حار.

الانتقالات في باريس

باريس فيها شبكة مترو انفاق بتوصل كل مناطق المدينة وفي مدخل المحطة بتشوف خريطة المدينة وخريطة خطوط المترو وتختار المترو المناسب للمنطقة اللي رايحها. وداخل المترو في خريطة تانية بخط المترو وكل ما توصل محطة وقبل ما تشوف الللافتة في المحطة بتشير للمكان بتسمع تسجيل بقولك انك هتدخل هذه المحطة.

في خط موازي لخط المترو من الحافلات بسير في الشوارع. والتذكرة ذاتها بتخدم للاتنين وسعرها 1.4 يورو ولو اشترت كمية تكلفك 1 يورو. ومقابل المترو في خط قطار سريع بوصل من المطار للمدينة وتكلفته 10 يورو، وزية شبكة قطارات بتوصل دول تانية زي المانيا وامستردام.

للتوسع في المعلومات:  https://goo.gl/eU2zzk

وعن المطبخ الفرنسي اللي بتمييز أكتر شي بال سي فود والجبنة كطبف رئيسي وتحلاية وبحلوى الماكرو تقدر تلاقي تفاصيل اكتر هنا:  https://goo.gl/zZdYkN

الفنادق في باريس

شاهد أيضاً

حلايب وشلاتين

حلايب وشلاتين | مغامرة في جنوب مصر: واحة خضراء في قلب الصحراء

حلايب وشلاتين | الرحالة | رحلة- أسامة عبد الحميد:   حلايب وشلاتين مكان مختلف كلياً …