الرئيسية / آسيا / نور القواص يكتب عن اهم الاماكن السياحية في بيروت : مش بس الروشة والحمرا
اهم الاماكن السياحية في بيروت
اهم الاماكن السياحية في بيروت

نور القواص يكتب عن اهم الاماكن السياحية في بيروت : مش بس الروشة والحمرا

اهم الاماكن السياحية في بيروت | الرحالة | رحلة- نور القواص:

بيروت عاصمة لبنان وأكبر مدنه . سكانها حوالي ثلاثة مليون نسمة ومكانها في وسط الخط الساحلي اللبناني على البحر الأبيض المتوسط. فيها معظم المرافق الحيوية من صناعة وتجارة وخدمات. وهي مدينة قديمة وعريقة.

بيروت بلد جميلة جدا تشبه مدينة الإسكندرية عندنا في مصر أخر مرة سافرتها من سنة تقريبا قبل مايكون فيها رئيس للجمهورية.

وطبعا البلد هايلة جدا ونسبة الأمن فيها والأمان عالية جدا مش زي مابنسمع عنها وعن الطوائف المختلفة فيها زي الشيعة والسنة والمارونيين.

فيها تجانس والناس هناك محترمة وبيحبوا يتعاونوا مع بعض وفيها كل حاجة زي أي بلد وطبعا هناك هتلاقي كل الأنشطة اللي ممكن تعملها من أول ما توصل مطار رفيق الحريري الدولي.

تاشيرة لبنان للمصريين

بتعمل تأشيرة الدخول في المطار بس بشرط لازم يكون معاك تذكرة طيران ذهاب وعودة وحجز فندق طبعا مؤكد ومبلغ 2000 دولار عشان بيشوفهم منك ضابط الدخول في المطار هناك اثبات انك جاي سياحة مش أكتر.

عندك هناك اماكن كتير جدا جدا  ممكن تخرج فيها غير المكانيين المعروفين عن بيروت واللي هما صخرة الروشة وشارع الحمرا وطبعا اي حد تسأله عن بيروت يقولك نفس المكانيين دول مع العلم ان الروشة وشارع الحمرا جنب بعض ممكن سير ع الأقدام حوالي 7 دقايق بس.

اهم الاماكن السياحية في بيروت

عندك بقى ميدان زيتونة وشاطئه ومرساه الجميل وكمان عندك جبل لبنان بكل تفاصيله الجميلة الصبح وبالليل واي وقت ممكن تطلع الجيل تتمشي بعربية وتشوف بيروت كلها من فوق.

وكمان ممكن تطلع على منطقة جعيتا وفيها مغارة جعيتا الشهيرة وللأسف معنديش ولا صورة داخل المغارة لإنها ممنوع التصوير جواها إلا بأمر وتصريح من وزارة السياحة والأثار اللبناني.

جبل حمدون

وطبعا عندك اكتر من تلفريك في عندك تلفريك جعيتا وده مدته قصيرة مجرد يوصلك للمغارة وعندك التلفريك الكبير وده في منطقة جبل حمدون بعد جعيتا.

طبعا ده غير اماكن السهر والديسكو هناك كتير جدا وطبعا منطقة حريصة كمان من أجمل الأماكن وفيها الكنيسة الكبيرة.

اما بخصوص المصاريف بصراحة كده البلد غالية جدا هناك من ناحية التاكسي مثلا والأكل والبنزين والعملة هنا ممكن تشتغل بالليرة اللبناني وممكن تشتغل بالدولار الأتنين واحد.

كورنيش بيروت

أقل أقل حاجة  بعد الفندق والطيران تعمل حسابك يوميا على 100 دولار مصاريف وده أقل حاجة عشان تقدر تاكل وتشرب وتركب مواصلات وتتحرك

طبعا كمان ممكن تعمل لنفسك هناك انشطة غير مكلفة زي مثلا انك تأجر عجلة وتلف بيها زي مانت عايز ودي تكلفتها 7000 ليرة في الساعة يعني حوالي 4 دولار.

وممكن تشتري سنارة وتقف بيها ع الكورنيش في اماكن للصيد هناك مجانا بدون أي تكلفة خالص وممكن تروح السوق الصيني بتاع الملابس برضه اسعاره معقوله.

بيروت السحر والجمال و أرض كل الأديان

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …