الرئيسية / منوعات / السيد مصطفى يطرح بدائل العودة والسفر أمام المصريين في قطر : فكر خارج الصندوق
المصريين في قطر
المصريين في قطر

السيد مصطفى يطرح بدائل العودة والسفر أمام المصريين في قطر : فكر خارج الصندوق

المصريين في قطر | الرحالة | كتب- السيد مصطفى

الإخوة المصريين في قطر اللي عمالين يدوروا علي تذاكر عودة. والسوشيال ميديا مليانة حكايات عن البهدلة والقرف اللي حصل من الفشلة بتوع مصر للطيران.

والأرقام الخزعبلية بتاع التذاكر الجديدة. والترانزيت في مسقط و الكويت و لبنان و الأردن ، وكله عمال يستفيد من عقليتك الغريبة انك مصمم ترجع مصر أجازة دلوقتي في وقت أزمة أصلا.

المصريين في قطر

يعني القرشين اللي انت حوشتهم هتصرفهم طيران فقط لا غير، ده غير لما تنزل أصلا كلهم هيفكروا إن تحت القبة شيخ، ده غير انك أصلا مش هتعرف تخرج في العيد ولا بعد الفطار من الزحمة أصلا ولا الأسعار اللي غليت.

طيب انت ليه بتعمل في نفسك كده، القطرية عندها طيران بالهبل مش عارفه تعمل فيه إيه، وكل شركات الطيران التانيه شغالة عادي وعاملة عروض كمان.

أزمة قطع العلاقات مع قطر

يبقي تشغل مخك في وقت الأزمة وتروح علي بلد نضيفة بفلوس التذاكر الخزعبلية دي ولا الحوجة لوسايط  ولا رشاوي علشان حد يلاقي ليك تذاكر بأضعاف أضعاف تمنها.

عندك ماليزيا وعندك اندونيسيا وعندك تركيا علشان مسلمين برضه وبيحتفلوا بعيد الفطر برضه، ورمضان مش مصر بس يعني اللي بتحتفل بالحاجات دي.

اتفسح وأجر بيت شهر أو شقة بدل الفنادق وخد العيال وفسحهم في الخضرة والجمال بدل ما تجيبهم هنا في الوقت ده. وهدايا وناس عايزه تستلف ومش هترجع حاجة وقرف كتير. ده غير انك هتقعد على أعصابك إذا كنت هتعرف ترجع ولا لا.

ارخص تذكرة طيران

خليك بعيد عن الشرق الأوسط و قرفه وعلى ما ترجع هتكون الأزمة اتحلت بإذن الله، ومفيش ترانزيت ولا شنط ضاعت ولا اتاخرت ولا الذل اللي بنشوفه.

شغل مخك انت في وقت أزمة مش لازم العيال يشوفوا عيلتهم السنة دي خليها السنة اللي جايه.

الفلوس اللي هتصرفها على تذاكر الطيران بس لمصر، بنفس الفلوس هتتبسط بيها في حتة تانية. وابقي اعمل بس بوليصة تامين للسفر علشان لو حد تعب ومتقلقش هتلاقي مستشفيات كويسة هناك.

وقت الازمة شغل مخك و فكر برة الصندوق و بلاش تمشي ورا الفزع او الخوف لأنهم هيشلوا تفكيرك.

شاهد أيضاً

شم النسيم

شم النسيم | أشهر 12 أكلة شعبية في العالم أسوأ من الفسيخ: كيك بالدود وسحالي مقلية

شم النسيم | الرحالة | كتبت- رنا شوقي:   على مدار 7000 آلاف عام، حافظ …