الرئيسية / تقارير مميزة / 10 نصائح تساعدك في اختيار المطعم المناسب أثناء السفر : التاسعة مفاجأة
المطعم المناسب أثناء السفر
المطعم المناسب أثناء السفر

10 نصائح تساعدك في اختيار المطعم المناسب أثناء السفر : التاسعة مفاجأة

المطعم المناسب أثناء السفر | الرحالة | تجربة- عمرو شريف:

أساسي عند أي حد فينا مسافر انه ياكل في مط، مش معقول هنقضيها كله فاست فود، طيب دي مشكلة لأن معظم المطاعم اللي بناكل فيها بتكون مطاعم بنقابلها بالعمصدفة مش بيكون متخطط لينا اننا ناكل فيها، وبالتالي مفيش وقت ندخل أي موقع زي تريب أدفايزور نشوف آراء الناس اللي قبلينا عن المطعم أو كده

ومعظم اختيار المطاعم دي بتكون بناء على شكلها فبندخلها، أو بناء على شكل الأطباق المرسومة علي بابها أو بناء على أسعارها اللي حاطينها على الباب، بلاش نتسرع ياريت لأن جزء كبير جدا بيختار المطعم الغلط.

المطعم المناسب أثناء السفر

دي شوية نصايح ممكن تخلينا نتجنب استغلال أو نصب بعض المطاعم علينا والاختيار الصح:

– أولا ابعد تماما عن أي مطعم تلاقي واحد قدامه واقف عمال يقنعك تدخل تاكل فيه عن طريق عرض صور للأطباق اللي فيه أو عن طريق عرض أسعار الأطباق أو عن طريق يقولك فيه تخفيض ليك هيكون كام في المية أو هنديك مش عارفه إيه ببلاش أو الكلام المحفوظ ده لأن عامة هتتفاجئ عند الحساب بكلام تاني خالص ومفيش أي حاجه ببلاش وأسعار مبالغ فيها موت.

المطاعم في الاماكن السياحية

المطعم المناسب أثناء السفر

– ثانيا نحاول قدر المستطاع اننا مندخلش المطاعم اللي في الأماكن السياحية، يعني في وش متحف أو معبد أو مزار سياحي مشهور، أو حتي جنبه لأن دي دايما أسعارها أضعاف أسعار المطاعم التانية.. نبعد عنها تماما.

– ثالثا دايما نبعد عن مطعم مش حاطط صوره الطبق اللي هتطلبه وتحتيه سعر الطبق لان معناه انك بتطلب طبق مش عارف شكله أو مكوناته هتكون ايه ومعرض دايما ساعه الحساب يقول لك اه انت اخترت الطبق ده انما ده الحجم الصغير وانا جبت لك الحجم الكبير.

– رابعا مش أي حاجه تتحط لك علي الترابيزه تبقي ببلاش زي العيش أو الميه أو السلطات لازم تسأل دي بكام ولو مش عايزها تطلب إنه يشيلها من الترابيزة والحساب.

المطاعم المحلية

– خامسا حاول دايما تختار مطاعم في شوارع جانبيه ومش رئيسييه لان في الشوارع الرئيسيه او الشوارع المشهوره بتكون اغلي كثير من الي في الشوارع الصغيره او الجانبيه

– سادسا دايما اختار مطعم يكون زحمه ومافيهوش مكان لرجل لان ده معناه ان المطعم شغال نار واكله حلو واسعاره كويسه

– سابعا دايما اختار مطاعم موجود فيها الاغلبيه اهل البلد مش سياح لان ده معناه انه مش مكان سياحي حينصب علي خلق الله زائد ان اهل البلد اكثر ناس بيكونوا عارفيين المطعم ده كويس ولا لأ .

– ثامنا دايما راجع الحساب كويس قوي واجمع الحساب وراهم لان ساعات استهبال علي اساس انك سايح ومش بتتكلم اللغه بتاعتهم

مطاعم الاسماك

المطعم المناسب أثناء السفر

– تاسعا اوعي تقع في غلطة مطاعم السمك اللي بتنقي فيها الاسماك وبيحيبها بالكيلو لان في الاخر معظم الوقت يا سمك تاني هو الي بيحي ووزن اقل من اللي قالك عليه يا اما بيكون فيه سرقه علني في السعر المطلوب للسمك.

– عاشرا اوعي تدخل مطعم انت شايف نظافه الترابيزات مش ولابد او نظافه المطعم من بره مش تمام لان لو ده مش نظيف معناها ان 99% منهم نظافه المطبخ اسوء كثير من النظافه الخارجيه

ياريت كلنا ناخد بالنا وبلاش مقوله انا هلكان من اللف والمطعم ده اللي في سكتي ويطلع زي ما يطلع احنا بندفع دم قلبنا في الاكل ده لان الاسعار غاليه جدا مقارنه بمصر نظرا لفرق العمله

هذا التقرير منشور بالاتفاق مع صفحة Travel Secrets.

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …