الرئيسية / آسيا / ازاي تستعد لـ رحلة جبال الهملايا : كل ما تحتاجه لتسلق قمة افرست الأعلى في العالم
رحلة جبال الهملايا
رحلة جبال الهملايا

ازاي تستعد لـ رحلة جبال الهملايا : كل ما تحتاجه لتسلق قمة افرست الأعلى في العالم

رحلة جبال الهملايا | الرحالة | تجربة- بهاء فاروق:

الهايكنج من أسهل الرياضات لأنها ببساطة بتمشي وخلاص, واحنا بنعمل كده كل يوم عادي, ولكن لازم تستعد كويس جدا لرحلة زي دي، لأن المشي هيكون لمسافات طويلة فلازم تكون عندك اللياقة اللازمة لده, وكمان تكون مستعد بدنيا ونفسيا وذهنيا لأنك هتشوف أحلى مناظر ممكن تشوفها لجبال الهيمالايا.. دي بعض النصائح اللي محتاج تعرفها وانت بتستعد للرحلة:

 

رحلة جبال الهملايا

 

  • أهم حاجة في الموضوع انك تختار حذاء جيد جدا ويستحمل معاك المشي الطويل ويكون مريح وخفيف ولو اشتريت واحد جديد أفضل انك تلبسه كام مره قبل الرحلة علشان تشوف مريحك ولا لأ.
  • حاول تختار جوارب (شرابات) جيدة علشان دي هتخلي رجلك باردة وفي نفس الوقت لازم يكون معاك كذا واحد لأنك هتحتاج تغيرهم باستمرار.
  • بالنسبه للشنطة: كل واحد هيجيب شنطة ظهر تكون فيها احتياجاته الشخصية اللي هيحتاجها خلال الـ 5 أيام في رحلة الهايكنج, وممكن نسيب باقي الشنط في الفندق في بوكارا, (اطمنوا هيكون في حمالين طوال الرحلة مرافقين معانا، هم اللي هيشيلوا كل الشنط واحنا نستمتع فقط بالمناظر والمشي).
  • بالنسبة للملابس: هنختار ملابس خفيفة ومريحة وكمان لازم يكون معانا ملابس صيفية وشتوية ( يعني ممكن تجيب جاكيت بسوسته ), لأن بليل ممكن يكون الجو بارد وهتكون محتاج لتدفئة, بلاش ملابس قطنيه علشان بتمتص العرق, الأحسن انك تجيب ملابس من مواد صناعيه (بوليستر).
  • اختار بناطيل رياضية مريحة, علشان المشي الكتير (في أطقم حرارية بتتباع بتكون زي الملابس الداخلية عبارة عن تي شيرت وبنطلون دول هيفيدوك قوي بالليل لو الجو برد)
  • حاول تختار تي شيرتات فضفاضة ومريحة وتكون ألوانها فاتحه علشان متمتصش حرارة الشمس في النهار.
  • هتجيب طبعا قبعه كويسة ونظارة شمس من النوع الكويس علشان الأشعة فوق البنفسجية.
  • هات معاك قفازات كويسة علشان البرد
  • ممكن كمان تاخد الجاكيت المطري اللي بيتلبس فوق الهدوم لو الدنيا مطرت, ولو ملقتش اطمن بيتباع هناك كتير.
  • طبعا كريم حمايه ضد الشمس محترم. وكمان معقم لليدين صغير (مهم قوي) وزبدة كاكاو
  • أغراض شخصيه للبنات والأولاد للاستعمال الشخصي.
  • كاميرا بروفيشنال لو بتحب التصوير, أو Go Pro, وسيلفي ستيك.
  • هات معاك باور بنك محترم علشان هتحتاج تشحن كتير خلال الرحلة.
  • لو بتحب الموسيقى ممكن تجيب mp3 علشان الطريق وانت ماشي.
  • كولمن أو زمزمية مياه تنفع للمياه السخنة والبارده يكون حجمها 2 لتر.
  • لمبة طوارئ صغيره تخليها معاك في الشنطه لوقت الحاجة.
  • ابتسامه كبيرة على وشك علشان هتعيش أحلى مغامرة وتتفرج على أجمل مناظر.

هذا التقرير منشور بالاتفاق مع صفحة travel secrets

 

أنصحك أيضًا بقراءة:

فاتن توفيق تكتب رحلتها إلى نيبال: مغامرة فوق الهملايا و قمة افرست

12 معلومة مهمة قد لا تعرفها عن السفر الى نيبال وتسلق جبال الهمالايا و قمة افرست

بهاء فاروق يكتب من نيبال: مغامرة في أحضان جبال الهملايا و قمة افرست

محمد الرشيدي يكتب رحلته إلى الهيمالايا: مغامرة سيرًا على الأقدام

قمة إفرست | عزت الزيات يكتب مغامرة تسلق أعلى جبل في العالم : 20 يوم هايكنج

شاهد أيضاً

طلب زيارة للمقيمين

طلب زيارة للمقيمين : خطوات وشروط ورسوم تقديم طلب زيارة للمقيمين بالسعودية

طلب زيارة للمقيمين | الرحالة | تقدم وزارة الخارجية السعودية على موقعها الإلكتروني خدمة تقديم …