الرئيسية / أفريقيا / إحسان وجيه تكتب: 13 معلومة قد لا تعرفها عن رحلة السياحة في المغرب
رحلة السياحة في المغرب
السياحة في المغرب

إحسان وجيه تكتب: 13 معلومة قد لا تعرفها عن رحلة السياحة في المغرب

رحلة السياحة في المغرب | تجربة- إحسان وجيه:

رحلة السياحة في المغرب

معلومات سريعة عن السياحة في المغرب :

1_المغرب بلد جميل و السياحة في المغرب صيف وشتاء.

2_مفيش شطافة ??? (معظم الأماكن العامة و الفنادق مفيهاش شطافة لكن البيوت فيها عادي) فاعمل حسابك تاخد freshbuzz وانت مسافر.

3_مش كل المغرب بتتكلم فرنساوي، عندك شمال المغرب زي طنجة و شفشاون بيتكلموا إسباني حتي أسماء الشوارع بتبقى بالإسباني مش الفرنساوي.

الطاجين

4_الأكل في المغرب وهم: مينفعش تروح هناك من غير ما تجرب الطاجين والحريرة والهريسة.

5_الزبادي والرايب هناك وهم وهم وهم نكهات مختلفة وحلوة جدا جدا وأحسن شركات هناك “دانون، بدوية، جبال” متجربش نوع اسمه “جودة” مش حلو.

6_الشاي بالنعناع هناك جميل وإدمان ولو زرت المغرب في الشتا يبقي تتعشي حريرة وتشرب شاي هتدفا.

7_الحياة رخيصة هناك إلى حد ما عدا المواصلات “غالية لأن البنزين هناك غالي اللتر تقريبا من 11_12 درهم” اعمل حسابك لو هتزور كذا بلد انك هتصرف جامد في المواصلات”.

ألوان التاكسي

8_ التاكسيات هناك ألوانها مبهجة لأن كل مدينة وليها لون تاكسي معين:

كازابلانكا: لون أحمر

المحمدية: أخضر فسدقي

مراكش: أصفر فاتح

شفشاون: تركواز

طنجة: فيروزي

9_الأمن الوطني هناك حاكم الدنيا:

يعني و انت داخل البلد بتملا ورقة تسلمها الجوازات وانت خارج من المغرب بتملا ورقة برضه بتسلمها الجوازات.

ختم الدخول للمغرب بيبقي معاه رقم ده serial number بتاعك جوة البلد علشان الأمن الوطني يتابعك هناك وكل فندق بتروحه بتملا ورقة للأمن الوطني وانت ماشي من البلد بيكشفوا كمان عن الرقم ده فحاول متكسرش الفيزا وتعمل ناصح.

شعب طيب

10_في فلوس إضافية بتدفعها للفنادق اسمها city taxes بتتحسب قيمتها للفرد الواحد ومعظم الفنادق مش بيضيفوها علي تمن الأوضة نفسها ببتفاجئ بيها هناك.

11_المغاربة شعب طيب جدا جدا وبيحبوا المصريين جدا جدا أكتر ما المصريين بيحبوا نفسهم

12_لما تيجي تشتري من الأسواق هناك فاصل فاصل على قد ما تقدر ولو تعرف حد مغربي خده معاك؛ لأنك بمجرد ما تفتح بقك بيعرفوا من اللهجة انك مصري فبيعلوا عليك السعر.

13_وانت مسافر من المغرب خلاص روح بدري المطار قبل رحلتك ب3 ساعات حتي لو عامل check in أونلاين لأن التفتيش هناك كتير جدا جدا وزحمة وبتاخد وقت فعليا عقبال ما توصل البوابة بتاعتك.

تابعوا المزيد من التقارير على موقع الرحالة

شاهد أيضاً

رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:   أول حاجه تعملها قبل ما …