الرئيسية / آسيا / السيد مصطفى يواصل رحلته في فيتنام : مصر في متحف الحرب
فيتنام
فيتنام

السيد مصطفى يواصل رحلته في فيتنام : مصر في متحف الحرب

رحلة- السيد مصطفى:

الرحالة | متحف الحرب أو بقايا الحرب أو متحف غنائم الحرب، كل دي أسامي لنفس المكان في مدينة هوشي منه في فيتنام . المتحف مكون من ساحة خارجية و مبنى مكون من 3 أدوار كل دور منهم مخصص لشيء مختلف.

الأول الساحة الخارجية مقسمة إلى جزئين، الجزء الأول  معرض مفتوح للغنايم الي تركها الأمريكان وراهم ساعة الانسحاب التاريخي ليهم من سايجون واستولي عليها الفيتناميين وحافظوا عليها  وعرضوها في ساحات البلد كرمز لانتصارهم ودي دبابات وطيارات ومدافع متعددة العيار  وعملوا في الساحة كمان مجسم لسجن أمريكي شهير كان مخصص للفيتناميين الشماليين وأساليب التعذيب والزنازين، موثقة بالصور علشان يعرفوا الناس جرايم الحرب الأمريكية في فيتنام.

فيتنام
فيتنام

الدور الأرضي وده معروض فيه صور ضحايا لازالوا علي قيد الحياة و دول المصابين بالتشوهات والحروق من الألغام علشان يلفتوا الأنظار إن لسه عندهم مشاكل مع بقايا الحرب  من الألغام.

والدور التاني بيستعرضوا فيه تاريخ الحرب من الاستقلال عن فرنسا لحد تحرير سايجون. الدور التالت  موجود فيه بالصور المسئولين الأمريكان الحاليين ومناصبهم اللي شاركوا في قتل الفيتناميين ومراكزهم  السابقة في الحرب و مراكزهم الحالية في أمريكا. بس واضح ان بيحصل تحديث للصور دي علشان في منها اتغيير بسبب موت أصحابها.

فيتنام و مصر

في الدور الأرضي أول ما تدخل هتلاقي لايحة شرف علي الحيطة وصور من الجرايد بلغات مختلفة صدرت في بلاد مختلفة لمساندة الشعب الفيتنامي، هتلاقي 4 دول عربية منورة مصر و العراق و سوريا و الجزائر، وهتلاقي صور من مصر ظاهر فيها الزعيم خالد محي الدين عضو مجلس قيادة ثورة يوليو، وهو في مؤتمرات تضامنية مع فيتنام، وكمان ناشرين تواريخ مظاهرتهم و كمان انهم من الشعوب اللي ساعدتهم، حاجة تخليك تطلع من المتحف و انت رافع راسك كده.

لمزيد من المعلومات عن نصائح السفر الى فيتنام وتجارب الرحالة الذين سبقوك إلى هناك من فضلك اضغط هنا: بوابة السفر الى فيتنام

لمزيد من المعلومات عن آسيا و نصائح السفر الى آسيا وتجارب الرحالة الذين سبقوك إلى هناك من فضلك اضغط هنا: بوابة السفر الى آسيا

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *