الرئيسية / آسيا / السياحة في سنغافورة | 7 معلومات لا تعرفها عن المترو في سنغافوره : مفيش سواق
السياحة في سنغافورة | المترو في سنغافوره

السياحة في سنغافورة | 7 معلومات لا تعرفها عن المترو في سنغافوره : مفيش سواق

السياحة في سنغافورة | المترو في سنغافوره | الرحالة | تجربة- يوسف المصري:

المترو في سنغافورة بالنسبة لي مش مترو ممكن يكون طيارة بسبب الاندهاش اللى شفته نيجى نشوف ليه

السياحة في سنغافورة | المترو في سنغافوره

1_ أولا المترو من غير سواق انا لغاية دلوقتى مش عارف ازاى يعنى كل حاجة فية أوتوماتيك وبيوصل فى معادة بالثانية نادر جدا انة يتأخر.

2_ المترو 4 خطوط بيغطى معظم المدينة.

3_طريقة شراء التذكرة عندك ماكينات مش شباك تذاكر زينا بتروح الماكنة و تقف تجيب تذكرتك وبتختار المحطة اللى انت عايزها من الخريطة اللى بتبقى موجودة جوه الماكينة.

بتختار و بتدفع وبيطلع لك التذكرة والتذكرة دة ممكن تستخدمها 6 مرات وكل مرة بتستخدمها بتاخد خصم 10 سنت أو بتشترى كارت دة بيوفر شوية عليك فى المواصلات لو طالب.

المترو في سنغافوره

4_ دخول المترو بقى طبعا عندنا بنط فوق بعضينا ونشد الباب ونمسكه لبعض وحاجات كتيرة غير آدامية، عندهم بقى اللى بيخش المترو بيقف على جنب الباب لغاية آخر واحد ما يطلع من المترو وبعد كدة يخش دة طبعا عشان دولة وشعب متحضر ?

5 _ بالنسبة بقى لكبار السن والحوامل إلخ.. دول ليهم مقعد خاص كل كنبة أول كرسى وأخر كرسى محطوط فوقية علامة انه لكبار السن او الحوامل او المرضى. الكرسى دة استحالة حد يقرب منة غير لو محتاجة مش زى عندنا بنعمل نفسنا نايمين ?.

السياحة في سنغافورة

6 _ طبعا النظافة شئ اساسى متلاقيش ورقة او حتى تراب او تلاقى واحد بياكل ولا بيشرب عندنا بسم الله ما شاء الله ممكن تلاقية مطلع كيس كشرى و هوبا ?.

7_ غير ان فى خط من البلاط البارز عشان خاطر يعرف الناس الكفيفة هما فين وآخر الرصيف فين مش يتكلوا على الله و ينطوا ? و فى الأغلب البلاط دة موجود فى كل حاجة فى المدينة الرصيف موقف الأتوبيس الشركات كل حاجة.

دة كان اختصار المترو معايا تابعونى عشان نتبهر شوية من الدولة السنغافورية..

شاهد أيضاً

السياحة في جاكرتا

السياحة في جاكرتا للمسافرين العرب: برنامج سياحي لزيارة شامل

السياحة في جاكرتا | الرحالة |   سيداتي ساداتي، معكم قبطان رحلتكم، أبلغكم بأن طائرة …