الرئيسية / أوروبا / عمر مختار يكتب رحلته إلى المجر وبولندا: أسهل بلد تطلع الشنجن

عمر مختار يكتب رحلته إلى المجر وبولندا: أسهل بلد تطلع الشنجن

رحلة- عمر مختار:

بداية الرحلة دي كانت مع المجر، أولا نصيحهة: المجر أسهل بلد ممكن تاخد منها schengen visa، الرحلة دي كانت في الشتاء، مش عارف ليه حبيت استكشف أوروبا في الشتاء، بس قررت إني أبتدي الرحلة مع المجر.

رحت Budapest أولا للي ميعرفش فا buda دي منطقه وpest دي منطقة تانية تماما، واحدة بتاعت المباني السياسية زي البرلمان والتانية بتاعت الأماكن السياحية والسهر. المهم ابتدت الرحلة إني نزلت munich كان ترانزيت لفيت شوية حوالين المطار بعدين رحت على budapest، حسيت إن في فرق كبير بين المطارين، قصدي في التقدم يعني، فقلت شكلها هتبقى سفرية تعبانة، بس اتفاجئت بالعكس تماما.

أولا، المجر بلد جميلة، منظمة، بس فيها عواجيز كتير ? كنت واخد apart hotel (شقة فندقية) مع العلم إن المجر أرخص بلد أنا رحتها في حياتي، كل حاجة هناك رخيصة، من أول الأكل لحد أي حاجة تانية.

اللي بيحب السهر فدي هتكون من أحسن البلاد اللي هيروحها، بس أغلبية المزيكا jazz music، المهم الناس هناك طيبين جدا وfriendly جدا والأغلبية بيتكلموا english، بس من بعد الساعه 12 بتبدأ تكون كل حاجه حرام ? الناس في الشوارع وكل حاجة.

المهم كل الحفلات عندهم على boats كده زي مصر بس مع الاختلاف الكبير أكيد. رحت تقريبا كل الأماكن هناك، هي حلوة جدا، مجرد انك تمشي فيها، والناس اللي بتحب الـshopping هيتبسطوا قوي هناك، عشان رخيصة قوي. شارع اسمه fashion street ده فيه كل الـ brands تقريبا. طبعا الجو كان 10- كده، بس عادي عرفت أعيش. المهم قررت إني أروح بولندا ودي كانت تاني مره أروحها، أول ما نزلت قررت إني أرجع مصر تاني ? كان الجو 25- بس قلت أنا هقاوم الطبيعة وهكمل المشوار، وفعلا اتعودت. هي من أحلى وأقرب البلاد اللي بحبها، بس هي للناس اللي بتحب السهر والحفلات أكتر، لكن كسياحة، كلها كانت على المأساة اللي شافوها من هتلر.

انبسطت قوي هناك في كل حاجة، البلد كانت رخيصة قوي، والناس كمان friendly جدًا، عملت هناك صحاب كتير، ومكنتش ندمان إني سافرت في الشتاء أبدا. كانت من أحلى الرحلات في حياتي، وهفضل مبسوط إني رحت البلدين، مع العلم إني روحت poland تاني بس في الصيف كانت كأني رحت بلد تانية تماما، الناس كانوا مستغربين إني ليه رحت في البرد ده بس من غير المغامرة والاستكشاف عمرك ما هتكون مبسوط في أي حاجه تعملها.

شاهد أيضاً

رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:   أول حاجه تعملها قبل ما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *