الرئيسية / آسيا / رحلتي الى جورجيا | رحاب أحمد تكتب رحلتها إلى جورجيا: برنامج سياحي كامل
رحلتي الى جورجيا
رحلتي الى جورجيا

رحلتي الى جورجيا | رحاب أحمد تكتب رحلتها إلى جورجيا: برنامج سياحي كامل

رحلتي الى جورجيا | الرحالة | رحلة- رحاب أحمد:

جورجيا ❤ وما أدراك ما جورجيا ❤ من أجمل الدول اللي ممكن تسافرها في أي وقت خلال السنة. إجراءات السفر الى جورجيا سهلة جدا والبلد رخيصة، مجرد ما تنزل جورجيا هتحس كده إنك دخلت فيلم تاريخي، المباني والبيوت ومعمارها حاجة كده شياكة من معمار زمان، والشوارع والناس لوحدها كفاية تحسسك بالراحة النفسية. جورجيا من دول شرق اوروبا من الشمال روسيا ومن الغرب تركيا، خلينا نبدأ بأهم المدن السياحية في جورجيا اللي زرتها خلال رحلتي الى جورجيا

رحلتي الى جورجيا

1- تبليسي عاصمة جورجيا

أنا قعدت أسبوع كامل في تبليسي خلال رحلتي الى جورجيا لأن باقي المدن في جورجيا ممكن تتراح يوم واحد رايح جاي ومش متعبة. كنت برجع أقضيها لف بالليل في تبليسي عاصمة جورجيا لغاية الصبح من جمالها، تقدروا تزوروا فيها  Mother of Georgia بتشوفوا التمثال من أي مكان في العاصمة الجورجية لأنه موجود على أعلى قمة في المدينة.

اماكن سياحية في العاصمة الجورجية تبليسي

1- Old tbilisi

2- التلفريك

3- مسجد jumah mosque

4- secret waterfall

5- Sulfur baths

6- Melekti Cathedral

7- Mount Mtatsminda

8- The bridge of peace

9- Narikala fortress

10- Tsminda sameba church

11-  Mtatsminda Amusement park

12- تاخدوا القطر هيطلع بيكم علي حديقة National Botanical park في لعبة بقى اسمها 13th floor زي horror house عندنا شوية رعب بقي لازم تجربوها موجودة في شارع شاردن.

 

الاماكن السياحية في جورجيا : السياحة في تبليسي
الاماكن السياحية في جورجيا : السياحة في تبليسي

2- مدينة جودواري في جورجيا

مدينة الجليد في جورجيا، دي فيها الثلج بقي ومنتجع للتزحلق Guduari Ski resort.. ثلج ولعب للصبح، ممكن تركبوا هناك snowmobile وسعره 50 لاري جورجي، وتقدروا تركبوا parasailing ودي بالنسبة لي كانت أحلى تجربة في رحلتي الى جورجيا جمدوا قلبكم وانطلقوا سعره كان 250 لاري جورجي أنا نزلت معاه وركبتوا بـ 200 لاري.

 

3- مدينة كازبيجي في جورجيا

فيها جبال القوقاز أعلي قمة في جورجيا الجبال طول الشتاء متغطية بالثلج عشان تطلع فوق تاخد عربية دفع رباعي، بـ 50 لاري جورجي بيطلعك لجزء من الجبل والباقي تطلعوا ماشي هتشوفوا فوق جورجيا كلها وفي كنيسة انانوري فوق أعلي تلة هناك تقدروا تزورها، دي هتبقي تجربة مش هتتنسي حاجة خيال. وكانت من أجمل المغامرات في رحلتي الى جورجيا

 

4- مدينة بورجوم في جورجيا

تقدروا تروحوا فيها Mineral water park / Monument to Prometheus vardzia مغارة علي جبل في كهف حاجة كدة ميكس، Rabati castle مكان جميل ومنظر رائع.

 

5- مدينة كوتايسي في جورجيا

prometheus cave / Gelatin Monastery / David Agmashenebeli Square

عشان الوقت أثناء رحلتي الى جورجيا كان في أماكن قافلة كتير، بالنسبة لباتومي انا مروحتهاش عشان الوقت وهي مدينة صيفية أكتر.

 

6- مدينة متسخيتا في جورجيا

Mtskheta من أهدأ المدن في جورجيا وفيها كنائس وقلاع Jvari church و samtavro church

رحلتي الى جورجيا
رحلتي الى جورجيا

اجراءات السفر الى جورجيا

 

1- تاشيرة جورجيا

الفيزا كانت أسهل حاجة في رحلتي الى جورجيا ، فعلا مفيش أسهل منها أونلاين بصورة شخصية وصورة الباسبور scan ع الموقع وشكراً كده في خلال 5 أيام بالظبط هتكون جاهزة وسعرها 20$ بس.

 

** وانت مسافر جورجيا تاخد معاك حجز الفندق والطيران وخطة للرحلة وتأمين وكشف حساب في الغالب محدش هيطلبهم في المطار بس ده اللي مكتوب ع الموقع فبلاش تغامروا.

 

2- حجز الطيران الى جورجيا

معظم الطيران فيه ترانزيت في تركيا ونظراً للجدال علي هحتاجه ولا لا، لا مش هحتاجه.. ريحت دماغي في رحلتي الى جورجيا وحجزت علي Aircairo من الغردقة طيران مباشر علي جورجيا وأرخص كتير. وممكن تحجزوا على Flydubai من إسكندرية بس دي فيها ترانزيت في دبي.

 

3- الفنادق في جورجيا

مفيش أكتر من الهوستيل في البلد دي ادخلوا على hostelworld أو booking واختاروا الهوستيل المناسب أسعارهم كلها بتبدأ من 8 لاري لغاية 15 لاري جورجي.

 

4- المطاعم في جورجيا

الأكل الحلال موجود كله في عاصمة جورجيا تبليسي في شارع Merjanshevili هتلاقوا مطاعم تركي وعراقي وإيراني كتير وأحلاهم التركي. أشهر أكله في جورجيا الخاتشبوري زي فطيرة بالجنة أو بالبطاطس وممكن لحوم مش بتكون لحوم حلال طبعا فجربوا الجبنة فظيعة، أشهر مشروب ليمونادة. وده من واقع رحلتي الى جورجيا

رحلتي الى جورجيا
رحلتي الى جورجيا

5- التسوق في جورجيا

موجود كله في Merjanshevili و Rustaveli مناطق في العاصمة الجورجية تبليسي وفي Tbilisi Mall

6- أسعار عملة جورجيا

** الدولار = 2.50 لاري جورجي

غيروا 20 او 10 دولار من المطار في تبليسي بس و بعد كدة مفيش اكتر من الصرافات في جورجيا برا وجنب بعد وفي المترو صرافة بيكون سعرها عالي، لما تطلعوا من المطار في تبليسي في باص رقمه 37 ده ب بنص لاري هيوصلكم لغاية Merjanshevili

7- المواصلات في جورجيا

رخيصة جدا هناك الباص بنص لاري

المترو لاري

التلفريك 2 لاري

عشان تتنقل من مدينة لمدينة في جورجيا انا كنت مأجرة في رحلتي الى جورجيا عربية ارخص واريح كتير واتفقوا معاه ياخدكوا المطار من ضمن التكلفة

سافروا جورجيا هتتبسطوا جدا وهترجعوا عندكوا طاقة ايجابية فظيعة

أنصحك أيضًا بقراءة:

السياحة في جورجيا .. أجمل 6 اماكن سياحية في جورجيا : بينها جبل كازبيك

الاماكن السياحية في جورجيا : أفضل 10 مناطق يمكن زيارتها في جورجيا

مصطفى أمين يكتب رحلة السياحة في جورجيا : خاتشبوري وشاي بالمانجو

المدن السياحية في جورجيا | تعرف على أهم 5 مدن سياحية في جورجيا

الدراسه في جورجيا | تجربة شخصية ليوسف عادل: حققت حلمي في تبليسي

عاصمة جورجيا | عمرو المغربي يكتب رحلته إلى جورجيا: برنامجك الكامل في تبليسي

تأشيرة جورجيا | عمرو المغربي يكتب تجربته: جورجيا.. فيزا من غير طوابير

عبد الرحمن أيمن يكتب عن الاماكن السياحية في جورجيا : السياحة في تبليسي

جورجيا سياحة | أهم المعالم السياحية في جورجيا: رحلة إلى دولة البطريق

شاهد أيضاً

السياحة في موسكو

السياحة في موسكو للمسافرين العرب: دليلك الشامل للسياحة في العاصمة الروسية

السياحة في موسكو | الرحالة |   موسكو، عاصمة روسيا ومركزها الثقافي الأهم، وواحدة من …