fbpx
الرئيسية / تقارير مميزة / حقائب سفر | 6 نصائح لتحضير حقائب السفر: لن تواجه مشكلة في الوزن بعد اليوم
حقائب سفر

حقائب سفر | 6 نصائح لتحضير حقائب السفر: لن تواجه مشكلة في الوزن بعد اليوم

حقائب سفر | الرحالة | تجربة- عمرو شريف:

تحضير حقائب السفر مشكله كبيره بتواجهنا واحنا مسافرين, ازاي تحضرها وازاي تخليها تكفي كل اللي معانا وازاي اللبس ما يتكرمش فيها.

أنا شخصيا بكون شايل همها قوي، البوست ده بقى فيه شويه نصايح من خبرات حوالي 30 سفرية و حقائب سفر مليانه شوبينج ولبس ولعب لاطفالي 😉

حقائب سفر

1- شركات الطيران ووزن حقائب السفر

– أولا لازم نفهم ان قواعد شركات الطيران ان أي حقائب سفر وزنها لا يزيد عن 23 كيلو يعني مصر للطيران وزن مسموح ليك فيه 46 كيلو مقسمين علي حقيبتين, ورسمي كل حقيبة سفر 23 كيلو.

يعني ما تحطش حقيبة 30 كيلو وحقيبة 16 كيلو، لو حصل كده ممكن بقى غلاسه منهم يخلوك تركن على جنب وتفتح حقائب السفر جوه المطار وتقعد تنقل منها حاجات علشان تقلل وزنها او تحطهم في أكياس ودي مصيبه في حد ذاتها.

2- تجهيز حقائب السفر

-ثانيا بقى تجهيز حقيبة السفر، بنبدأ بأول خطوه لازم نجهز احنا حناخد ايه معانا وطبعا ده يكون علي أساس منطقي يعني لو احنا مسافريين 5 أيام يبقي ناخد لبس 5 أيام.

طيب في اليوم الواحد ايه اللي بيتغير يا قميص يا تي شيرت يعني للرجاله ناخد مثلا بنطلون جينز واحد وواحد تاني مسافرين بيه, و5 قمصان و3 تيشرتات ما نخدش لبس كثير مش هيتلبس.

ولو احنا مسافريين وهنعمل شوبينج يبقي نقلل العدد ده لأننا هنشتري من هناك لبس فممكن نلبس من اللي هنشتريه.

وبالتالي نوفر في مكان الشنطه اللبس اللي هناخده, ويفضل نعمل قائمه بالحاجات اللي حناخدها من قبليها باسبوع وكل يوم نفتكر حاجه نضيفها علي القائمه بتاعتنا, وقبل السفر بيوم نبدأ بتجهيز حقائب السفر بناء علي القائمه اللي في ايدنا.

3- طريقة تحضير حقائب السفر

-ثالثا جينا بقى وقت تحضير الشنطة وده التحدي الكبير، أول شيء نطبق كل اللبس بطريقة سليمة يعني زي بتاع المكوه، نقفل كل زراير القميص ونطبقه صح ونبدأ بوضع الأحذية في قاع الشنطة.

نحط جوه الاحذيه الشرابات وطبعا لازم تاخدوا حذاء واحد لانه بيوزن كثير، والحذاء التاني انت مسافر بيه ويفضل حذاء رياضي أو خفيف للمشي طبعا لأننا بنمشي كتير فحت.

فوق الأحذيه نحط الحاجات التقيله اللي مش ببتركمش زي الجينز والبلوفرات ولبس النوم والحاجات اللي مش بتتكرمش بسهوله ونحطها جنب بعض وما نسيبش مسافات.

يجي بقى فوقهم التيشرتات واللبس اللي بيتكرمش, وفوق خالص البليزرات أو البدل أو السويترات أو الجواكت ودي بتكون مفرده بطول الشنطه.

4- ممنوعات في حقائب السفر

– رابعا بقى لازم نحط كل أدوات الميك أب والسوائل والبرفانات والدبابيس والمقص والجيل والكريمات وأي آلات حادة في حقائب سفر دي مناخدهاش علي الطيارة لأنها ممنوع.

وبالتالي توزعي الحاجات دي بين الهدوم وتكون حاططهم في أكياس مقفولة كويس ودايما بقى الحزام والرفايع يتسابوا بره وتحطهم آخر حاجة ما بين الفراغات في الشنطة.

شنطة سفر

5- حقائب سفر هاند باج

– خامسا مسموح لك بشنطه صغيره على الطياره ما بين 8 و10 كيلو، الشنطة دي بقى حنحط فيها كل البلاوي اللي بتاخد وزن زي مثلا الشيكولاتات لأننا بنجيبها واحنا راجعين.

لو فيه كاجو او فستق او اكل بيوزن كثير ولو جزمه او سيفتي بتوزن وبتاخد مكان في الشنطه الرئيسيه يعني تقللها علي قد ما تقدر علشان توفر في وزن الشنطه الرئيسية.

بس فيه بقى مشكله ان الشنطه دي ما بتطلعش الطياره مع الشنط الرئيسيه فحتفضل شايلها في المطار, ولو فيه ترانزيت معاك برضه.

6- لعب الأطفال وحقائب السفر

– لو معاك بقى لعب أطفال افضل تحطها في كيس كبير وتاخدها على الطياره لانها بتاخد مساحه رهيبه لان العلب بتاعتها بتكون كبيره وطبعا بتتكسر بسهوله فشيليها معاك وهي أصلا خفيفه الوزن.

هذا التقرير منشور بالاتفاق مع صفحة Travel Secrets

شاهد أيضاً

خريطة الامارات

خريطة الامارات السياحية : دليلك الشامل للسياحة والإقامة والتنقل في الامارات

خريطة الامارات | الرحالة |   دولة الامارات العربية، دولة الانجازات والمعجزات، التي استطاعت فعل …