الرئيسية / آسيا / أفضل 8 ألعاب في أوشن بارك هونج كونج: احترس من المحيط في السابعة

أفضل 8 ألعاب في أوشن بارك هونج كونج: احترس من المحيط في السابعة

تجربة- هشام أحمد:

هنبدأ النهارده كلامنا عن أخطر وأصعب لعبة فى أوشن بارك من وجهة نظري، لعبة اسمها The Flash، مبدئيا اللعبة دى موجودة فى منطقة Thrill Mountain خامس منطقة نتكلم عنها فى البارك بعد الثلاث أجزاء اللى فاتوا.

اللعبة دى شبه لعبة ديكسفورى اللى عندنا فى دريم بارك من حيث الشكل والتصميم بس، لكن اللى بيحصل أثناء اللعبة حاجة ثانية خالص!. أول ما اللعبة بتبدأ بتفضل تتهز يمين وشمال زى بندول الساعة لكن أول ما بتسخن بتبدى تعلى جدا لدرجة إنها بتلف 180 درجة. يعنى بتبدى اللعبة رجلك تحت شوية وبتلاقى نفسك اتشقلبت وبقت رجلك فوق، وكمية صويت وحاجات بتطير من الناس هتشوفها فى اللعبة دى بالهبل.

2.Hair Raiser ثانى أصعب لعبة فى البارك. ده بقى كوستر بس عالى جدا لدرجة إنك بتبقى شايفه من برا البارك وإنت ماشى. بتركبه ويفضل يطلع بيك لحد ما تشوف هونج كونج كلها تقريبا من فوق، بعد كده بينزل بسرعة رهيبة بس بالمقلوب. يعنى وإنت نازل الإرتفاع ده كله بتنزل وإنت رجلك فوق.

ناس كتير بتخاف تركب اللعبة دى عشان هى فعلا مخيفة عشان مع الإرتفاع وسرعة النزول والشقلبة وكل ده بيحصل فى وقت واحد فى أقل من 5 ثوانى، إنت مخك أصلا مبيبقاش مدرك ايه اللى بيحصل.

3.Whirly Bird الكراسى الطائرة.

4.Bumper Blaster العربيات المتصادمة.

5.Rev Booster كراسى كده متوزعة على شكل دائرى وبتلف بسرعة جدا.. لعبة عادية.

 

ثانى منطقة النهارده اللى هى Adventure Land

6.Escalator هى دى مش لعبة بس من الحاجات المميزة للبارك جدا، ده عبارة عن سلم كهرباء بس عالى جدا جدا بينقلك من مستوى لمستوى ثانى فى البارك عشان فيه فرق مستويات كبير ما بين المناطق والأخرى فى البارك.

7.Mine Train كوستر برضو بس جنب المحيط أوى لدرجة وهو بيلف وينزل بسرعة بتحس إنك نازل فى قلب المحيط، المخيف فى اللعبة دى إن ده الكوستر الوحيد فى البارك اللى وإنت راكبه مبتبقاش ممسوك بأى حاجه يعنى هى عربية كدا راكبها تحس إنك ممكن تقع منها والكوستر نازل. بس ده مجرد إحساس لكن اللعبة متأمنة جدا لكن مجرد الإحساس ده مع شكل المحيط وإنت نازل بسرعة بتخلى اللعبة جامدة جدا.

8.Raging River عبارة عن عربية بتركبها وتنزل بيك بسرعة من مكان عالى زى الشلالات عندنا لعبة عادية مفيهاش حاجة مميزة.

 

ننصحك أيضا بقراءة:

بوابة السفر والسياحة في هونج كونج

بلال مؤمن يكتب رحلته إلى هونج كونج من جاكرتا : إقامة مجانية لمدة أسبوع كامل

لماذا السفر الى هونغ كونغ ؟.. 10 أسباب تجعلها في مقدمة خياراتك

السياحة في الصين | معلومات يجب أن تعرفها قبل السفر إلى الصين: رحلة إلى مصنع العالم

السفر الى هونج كونج : أفضل أوقات السفر وتكاليفه وأهم المعالم السياحية

شاهد أيضاً

طلب زيارة للمقيمين

طلب زيارة للمقيمين : خطوات وشروط ورسوم تقديم طلب زيارة للمقيمين بالسعودية

طلب زيارة للمقيمين | الرحالة | تقدم وزارة الخارجية السعودية على موقعها الإلكتروني خدمة تقديم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *