الرئيسية / أفريقيا / أحمد سمير يكتب رحلته إلى المغرب: لو سألتك انت مصري تقولي إيه؟

أحمد سمير يكتب رحلته إلى المغرب: لو سألتك انت مصري تقولي إيه؟

رحلة- أحمد سمير:

أنا طالب في كلية هندسة بترول، يعنى عايش جوه امتحانات وكلام من ده كتير قررت فجأة إنى أخرج عن نمط حياتي، وبدأت أفكر إيه ممكن أعمله ممكن يبقى جديد ويضيف لى كمان. المهم فكرت لفترة ووصلت مفيش غير السفر لمكان جديد وحياة جديدة مع ناس وثقافة جديدة علي.

فى البداية فكرت أسافر أوربا ولا دولة عربية، المهم حاولت أعمل mix المهم النتيجة كانت أنى أسافر المغرب وكانت فكره السفر من أكتر القرارات المهمة في حياتي أول حاجة قررت أسافر مع Aiesec لأنهم بيوفروا لي سكن هناك كمان بيكون فى project شغال فيه فبيساعدنى أكتر اندمج سريعا مع الحياة هناك.

بعد كده ابتديت إجراءات الفيزا وكانت سهلة بيكونوا محتاجين صور منك وصورة من invitation lettre  وتأمين صحى بتعمله فى أي مكتب سياحة بحوالي ٣٠٠ جنيه وأسلم الورق بعد كده استلم el passport بعدها بحوالي ٣ أيام. عملت مقارنه بين خطوط الطيران وطبعا كان كل همى أشوف أرخص حاجه لأنى محتاج أوفر فلوسى للسفر هناك وأنا معرفش إيه نظام البلد هناك.

المهم سافرت علي الخطوط المغربية، مدة الرحلة كانت حوالي 5 ساعات، وصلت المطار أول ما توصل بيكون فى شركه اتصالات بيوزعوا خطوط موبايل مجانا في محطة قطار في المطار حجزت تذكرة من هناك بحوالي ٤٣ درهم إلى Casablanca ومن هنا ابتدت الرحلة.

البلد هناك كانت تحفة بمعنى الكلمة كلمه جميلة قليله عليها أنا كنت بحاول أسافر فى كل نهاية أسبوع أسافر مدينه جديدة سافرت حوالي ١٢ مدينة فى ٤٥ يوم زي مراكش,  شفشاون, أزود , بين الوديان, طنجة, تطوان كل مدينه وليها سحر خاص بيها وعادات وتقاليد احنا كنّا حوالي خمسة من جنسيات مختلفة كنّا بنأجر عربيه لمدة ٣ أيام الْيَوْمَ سعره ٣٥٠ درهم مايعادل ٤٠٠ جنيه مصري لما يتقسموا علي ٥ بتكون حوالى ٧٠ أو ٨٠ درهم بالبنزين بتكون موفرة بدل ما نستخدم تاكسى إضافى كمان فى المدينة لما الدنيا تليل كنّا بنروح هوستيل بـ ٥٠ درهم فى الليلة يعنى يعتبر ولا حاجة.

أهم حاجة بقى الأكل المطبخ المغربي مختلف تماما عن المطبخ المصري بس مقدرش أقول مين الأحسن بصراحة لكن هناك فى أطباق لازم تجربها زي الكسكس والريفيسه والشاورما المغربي وبيعملوا صوص كده غريب بالزيتون طعمة تحفة، نصيحة حاول ما تأكلش في المطاعم الـ brand لأنها غالية قوى قوى قوى آخر حاجة المغاربة بيحبوا المصريين جدا جدا لما كنت بقول أنى مصري أي مشكله كانت بتتحل فى ثواني معدودة التجربة ممتعة جدا نصيحه  السفر هيغيرك 180 درجة.

شاهد أيضاً

رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:   أول حاجه تعملها قبل ما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *