الرئيسية / آسيا / هشام أحمد يواصل رحلته في هونج كونج: الحياة في كوكب الباندا

هشام أحمد يواصل رحلته في هونج كونج: الحياة في كوكب الباندا

رحلة- هشام أحمد:

بعد ما اتكلمنا مع بعض في الجزء اللي فات عن منطقة الـ aqua city في أوشن بارك وشوفنا الأكواريوم والنافورة الراقصة والتليفريك، هنتكلم في الجزء ده عن منطقتين أساسيتين هناك وهم: Amazing Asian Animals & Whiskers Harbor

احنا كل ده لسه في النص الأولانى من البارك لو تفتكروا يعنى لسه مركبتش التلفريك أو القطر عشان أعدى الجزء الثانى، زى ما قلت في الجزء اللي فات إن البارك مقسومة جزئين هنبتدي النهارده كلام عن ثاني منطقة رئيسية في البارك اللي هي:

Amazing Asian Animals

من اسمها كده باين إنها مليانة حيوانات، ده حقيقي هو فعلا الجزء ده مليان حيوانات كتير فعلا.

Gator march

ده عبارة عن بيت للتماسيح بتخشه وبتبقى شايف التماسيح قدامك، صحيح هو التمساح اسمه Crocodile ولا Aligator، هم الاتنين زى بعض، مش صح قوي، يعنى في فروق كبيرة بينهم، آه هم الاتنين تماسيح بس aligator ده التمساح الأمريكى وفيه فروق كبيرة بينه وبين التمساح العادي، زي إن التمساح الأمريكي أقصر بحوالي متر وشوية من التمساح العادى وفيه فروق تانية في شكل الفك والجمجمة.

Giant panda adventure

من أروع المشاهد اللي هتشوفها لحيوان في البارك هو رؤية الباندا، حيوان جميل جدا بس للأسف مهدد بالانقراض بس فيه جهود رهيبة بيبذلوها عشان يحافظوا على الحيوان ده السنة اللي فاتت للأسف في باندا ماتت في البارك اسمها Jia Jia الدنيا اتقلبت هناك وكل القنوات كانت بتنقل الخبر، لما وصلت هناك كان الناس حاطين في القفص بتاعها بعد ما ماتت كروت تعزية وورد وصور ليها. هو المكان ده مفيهوش باندا بس معاها كام حيوان كدا جنبها زي الـ Golden Monkey.

Panda Village

ده مكان ثانى للباندا بس معمول على شكل غابة مفتوحة بتكون شايف الباندا قدامك من غير قفص وهى قاعدة بتاكل وبتتحرك قدامك، تجربة مثيرة جدا.

Goldfish Treasures

ده مكان الديزاين بتاعه حلو قوي، عاملينه زى دوالايب صغيرة كده كل دولاب فيه نوع سمك، بس أنواع سمك نادرة جدا وكائنات بحرية غريبة.

 

Amazing Bird Theater

ده أول مكان هيقابلك في البارك فيه طيور، عبارة عن مسرح بتقعد تتفرج فيه على عرض صغير لأنواع طيور مختلفة بس عرض حلو قوي بيكون فيه طيور مختلفة زى نسور وصقور وطيور ملونة شكلها حلو قوي.

تانى مكان اللى هو Whiskers Harbor وهو فعلا مكانه في البارك عامل زى الميناء عشان بيبص على المحيط على طول. المكان ده معظمه ألعاب أطفال يعنى مصغرات من الألعاب اللي موجودة بس ألعاب مش خطر قوي عشان اللي معاه أطفال برضه يلاقى مكان يقدر يلاعبهم فيه عشان فيه ألعاب خطر قوي، الأطفال فعلا مش هتعرف تلعب فيها.

الألعاب دى زى :

Frog Hopper

Balloons up up and away

Clown Round

لحد دلوقتى مجاتش الألعاب اللي بجد بقى اللى معظمها موجود في الجزء الثانى من البارك

اللى هتركب التليفريك وتعدي له عشان الشقلبة كلها في الناحية الثانية، وده اللى هنشوفه في الجزء اللى جاي.

لمتابعة كافة تقارير هشام أحمد: http://travelhacker2016.blogspot.com.eg

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *