الرئيسية / آسيا / هشام أحمد يقدم لكم أشهى الأطباق في مطبخ هونج كونج

هشام أحمد يقدم لكم أشهى الأطباق في مطبخ هونج كونج

تجربة- هشام أحمد:

ناس كتير قوي لما راحت هونج كونج قابلتها مشكلة في الأكل وقفلت من الأطباق اللى بيقدموها ومن شكلها ومبقتش عارفه تاكل إيه؟،  وأى حد مسافر يقولك هي البلد حلوة بس أكلهم مقرف،

فهحاول فى التقرير ده إن شاء الله أكلمكم عن بعض أنواع الأكل هناك يمكن تساعد أي حد عايز يزور البلد دي.

مبدئيا كده وقبل ما أتكلم عن أى حاجة معظم اللحوم والفراخ فى هونج كونج مش حلال فمتوجعش دماغك ودماغ اللي شغال فى المطعم وتقعد تسأله، لان معظمهم مش هيفهموك وهتصاب بخيبة أمل زى ما حصل معايا بالظبط.. طيب إيه الحل؟.

بص يا سيدى هونج كونج بالرغم من إن أكلها متعب شوية بالنسبة للعرب عموما عشان الـCulture  بتاعهم مختلف عننا كتير، إلا أنها من أحسن دول العالم اللي فيها تنوع رهيب فى المأكولات وفيها شيفات مصنفين من أفضل شيفات فى العالم.

 

1.المخبوزات:

ودى أكتر حاجة مميزة هناك وبيعملوها حلوه قوي هناك لدرجة إنك ممكن تاكل العيش بس لوحده حاف من جماله لأن معظمه مبيبقاش سادة زى اللى عندنا، هتلاقى مثلا :

Hash Brown Bread & Melon Bread (Chocolate )&Cheese soft Stick &Sweet Potato Soft Bread
كل دي أنواع جامدة جدا ولازم تجربها لما تروح.

أفضل أنواع المخبوزات اللى لازم تجربها هناك

Japanese Sweet Potato
دى بقى عبارة عن بطاطا مسكره ملفوفة فى عيش متحمص كده وداخلين الفرن مع بعض فالعيش شارب من البطاطا وهو بيستوى

Melon Bread

وده حوار لوحده عيش طعمه عامل زى الملبن بالظبط وفيه ساده وفيه بالشيكولاتة

Velvety

شبه الدونتس عندنا شويه وفيه منها بالفرواله وفيه بالشيكولاتة

 

Hokkaido

من أشهر المخبوزات فى آسيا كلها مش هونج كونج بس ودى حاجه كده  عجينتها رقيقة وطعمها حلو قوى بتدوب فى بقك من أول قطمة وفيه منها بالجبنة فظيعة.

في مكان حلو قوى تجرب الحاجات دي كلها فيه اسم : A-1 Bakery وده موجود جنب محطة مترو اسمها Tusen wan

 

2.اللحوم:

عشان تلاقى مكان بيعمل لحوم أو فراخ بصفة عامة حلال فى هونج كونج لازم تروح مطعم هندى وده مش موجود كتير فى هونج كونج الا فى منطقة اسمها كولون، فى مطعم هناك حلو قوى اسمه Indian Kitchen وبيعمل فراخ تندورى رهيبة


3 الأسماك  :حلوة جدا ومعظمها فريش على طول بس أقدر أنصحك بنوعين تجربهم لما تروح

Fish Ball :  ودى عبارة عن لحم سمك مفروم بيتبل ويتحط معاه بسلة وجزر وبيتشوى
Cheese Crabb :  كابوريا مشوية وسايح عليها من فوق جبنة طعمها خرافى

4.الفواكه: معظم الفواكه هناك حلوة جدا بس أنصحك تجرب الدراجون فروت عشان مش هتلاقيها فى مصر طعمها عامل زى الكيوى والمانجو حلوه قوي.

. 5.الحلويات: هى والمخبوزات هناك وهم وأى حاجة هتجربها هناك هتطلع حلوة بس أنصحك بـ Mochi Roll  صوابع جوز الهند محشية مانجو جميلة جميلة جميلة  Mango Coconut

  1. الأرز: جرب اللى بالكاجو والأناناس حلو أوى

  1. تيك أواى :
    عليك وعلى ساندوتش السمك الفيليه من ماك ومفيش غيره حلال فى قايمة السندوتشات كلها عشان متدورش كتير

لقراءة هذا الموضوع على مدونة هشام أحمد يرجى الضغط هنا

ننصحك أيضا بقراءة:

بوابة السفر والسياحة في هونج كونج

بلال مؤمن يكتب رحلته إلى هونج كونج من جاكرتا : إقامة مجانية لمدة أسبوع كامل

لماذا السفر الى هونغ كونغ ؟.. 10 أسباب تجعلها في مقدمة خياراتك

أفضل 8 ألعاب في أوشن بارك هونج كونج: احترس من المحيط في السابعة

السفر الى هونج كونج : أفضل أوقات السفر وتكاليفه وأهم المعالم السياحية

شاهد أيضاً

رحلتي الى لنكاوي

رحلتي الى لنكاوي جنة الله في أرضه: رحلة ولاء إسماعيل الى ماليزيا

رحلتي الى لنكاوي | الرحالة | رحلة- ولاء إسماعيل:   جزيرة لنكاوي من أروع وأجمل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *