الرئيسية / تقارير مميزة / تعرف على مميزات كل كرسي في الطائرة وكيف تختار المقعد المناسب
6 أماكن قد تنقل لك العدوى داخل الطائرة

تعرف على مميزات كل كرسي في الطائرة وكيف تختار المقعد المناسب

تجربة- بهاء فاروق:

انت دلوقتي خططت لرحلتك وحجزت تذكرتك ووضبت شنطتك ورحت المطار وركبت طيارتك زي أي حد, وعملت البوردينج وخدت رقم كرسيك وتفاجأ أن الكرسي اللي طلع لك مش مناسب ليك, طيب تفرق في إيه؟ أقول لك تفرق في إيه.

اختيار الكرسي من الأمور اللي مش مهمة عند ناس، بس عند ناس تانية مهم جدا وخاصه لو من أصحاب الأحجام الكبيرة شوية أو بيحب التصوير زي حالاتي ونفسه يقعد جنب الشباك, أو واحدة مش حابه تقعد على الممر اللي رايح واللي جاي عمال يخبط فيها, أو واحد عنده فوبيا من الطيارات وبيحس بالأمان لو قعد جنب مخرج الطوارئ أو العكس تماما واحد بيتشائم من انه يقعد جنب مخرج الطوارئ, أو واحد بيحب يروح الحمام كتير أو مبيحبش يقعد جنب الحمام أصلا, أو واحد طويل وعاوز مساحه لرجليه, كل ده يخليك تفكر ألف مره وانت بتختار كرسيك في الطيارة وبالذات لو الرحلة طويلة وممكن تفضل قاعد في نفس الكرسي أكتر من 7 ساعات.

في أغلب شركات الطيران ممكن تحتار الكرسي مجانا و في بعض الخطوط بيكون اختيار الكرسي بمبلغ بسيط مقابل انك تختار الكرسي المناسب ليك. أغلب الشركات بيسمحوا لك تختار الكرسي وانت بتعمل تشيك أن اون لاين قبل الرحلة بـ 24 ساعه مجانا. بس لما تكون الكراسي الحلوة كلها اتحجزت بفلوس.

بصفة عامة الصفوف الأمامية أحسن بكتير من الصفوف الخلفية، مثلا في دراسات بتقول ان الكراسي اللي في المنتصف فوق الجناحين أفضل كراسي لأن ده أمتن جزء بالطيارة وبالتالي مبتحسش بأي مطبات، يعني كلها اجتهادات ودراسات (شركه بوينج مثلا بتقول لك معندناش الكلام ده كل كراسينا زي الفل، بشرط انك تحط حزام الأمان)، طيب اعرف منين شكل الطيارة من جوه من قبل ما اركبها واتدبس في آي كرسي؟.

الحل عندنا يا برنس, موقع: www.seatguru.com الموقع ده هيساعدك انك تعرف مخطط الطيارة اللي انت مسافر عليها بمجرد انك تدخل رقم رحلتك فقط وهيعرفك كمان مميزات كل كرسي على الطيارة اللي انت مسافر عليها، من الصدف الحلوة اني مرة حجزت كرسي معين قبل كده ورحت ملاقيتوش وعملوا لي ترقيه للدرجة الأولى.. ساعات بتبقى مصلحة برضه.

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *