الرئيسية / أوروبا / جولة مجانية في باريس مع بهاء فاروق لمدة 3 أيام

جولة مجانية في باريس مع بهاء فاروق لمدة 3 أيام

تجربة- بهاء فاروق:

اسمحوا لي أكون مرشدكم في جولة في باريس لمدة 3 أيام, نتمشى في شوارع باريس وأحكي لكم شوية على بعض معالمها 🙂 , هنبدأ رحلتنا من متحف اللوڤر وبعده تخرجوا منه جهة نهر السين وتعدوا على كوبري Pont Royal هتلاقوا فى الوش متحف دورسى Musée d’Orsay , وبعديه هتخشوا جنينة التواليرى jardin des tuileries وتخرجوا منها على ميدان الكونكورد ﺍللي فيه المسلة المصرية Place de la concorde (على الشمال مبنى البرلمان الفرنسي l’assemblée Nationale وعلى اليمين كنيسة المادلين فى ميدان المادلين L’Eglise de la Madeleine.

هتكملوا فى الشانزليزيه لغاية أول ميدان وهو ميدان كليمانسوا Place Clémenceau فى الميدان الشارع ﺍللى على اليمين فيه قصرين القصر الصغير وده اسمه Le petit palais وهو متحف الفنون, والقصر الكبير واسمه le grand palais وده بيتم فيه العروض ذات المستوى العالي جدا وعروض الأزياء لبيوت الأزياء العالمية ككرستيان يدور وايڤ سان لوران.

ولو مشينا قدام القصرين وعدينا كوبرى ألكساندر التالت هنوصل للمتحف الحربى وظاهر جدا لكبر حجم القبة الذهبية التى تعلوه les invalides وبه جثمان نابليون بونابرت, والمتحف كان مستشفى لمصابي الحرب, ولو رجعتوا وعديتوا كوبرى ألكساندر التالت لغاية الشانزلزيه من هنا بداية المحلات بالشانزلزيه.

للعلم قوس النصر بيتوسط 12 شارع رئيسى منهم الشانزلزيه champs Élysées, والشانزلزيه بيضم بعض الأسماء والماركات المعروفة كمسرح الليدو وسيفورة للمكياچات sephora فى نمرة ٧٠, ومحل لهدايا ديزني في محل رقم .٤٤, ومحل لوي ڤيتون Vuttion نمرة ١٠١, ومرسيدس وأحدث سياراتها فى نمرة ١١٨.

وأشهر محلات الآيس كريم فى العالم هاجن داز وغيره من المحلات ده غير ماكدونالد وبيتزا بينو, وأول ما توصلوا لقوس النصر Arc de Triomphe هتلاقوه بيتوسط اتناشر شارع رئيسى أشهرهم الشانزلزيه, ومن هنا ممكن تتمشوا أو اركبوا مترو محطتين لغاية محطة تروكاديرو trocadero علشان توصلوا للصرح العظيم برج إيفيل, La Tour Eiffel، ودى بيقف عليها مترو نمرة ستة ومترو تسعة وهى تقع في واجهة متحف العمارة والتراث وقطرها 164 متر، وهي محاطة بأشجار الزينة وفي وسطها تمثال فروسية للمارشال فرديناند فوش ونصب تذكاري لتمجيده هو والجيش الفرنسي.

إلى الجنوب الشرقي يوجد قصر شايو والذي يطل على نهر السين ويطل على برج إيفل. إلى الجنوب الغربي من تقاطع طرق جورج مندل وبول دومي وهناك توجد مقبرة باسي التي تطل على الساحة. وتحت الساحة توجد محطة قطارات الأنفاق، وٱسمها محطة تروكاديرو، التي تربطها خطوط 6 و9.

الساحة هي واحدة من الأماكن السياحية الأولى في العاصمة باريس، وتستمد الساحة شهرتها لأنها في واجهة برج إيفل. إضافة إلى أكشاك بيع الصحف المختلفة، يوجد مقاهي ومطاعم، من الشرق إلى الغرب يوجد “قهوة تروكاديرو”، “مالاكوف” وقهوة كليبر ” وغيرهم من القهاوى عشية رأس السنة الجديدة، المكان يصبح تجمع للباريسيين والسياح. و المنطقة دى هى احسن مكان للتصوير مع البرج فمعظم عربيّات السياحة بتسيب السياح لمدة ١٥ دقيقة للتصوير والانتقال منها لمكان آخر .

من المكان دى بتنزلوا السلالم وتتمشوا للجهة الاخرى امام البرج نفسه والمنطقة دى اسمها شامب دى مارس champ de mars Tour Eiffel, والتمشية فى منطقة البرج وطلوعه اذا رغبتم فى ذلك, والبرج عبارة عن تلات ادوار لو طلعتوه هتاخدوا الأسانسير للدور التانى وبعد كده بيتم تغييره باسانسير تانى للدور التالت وفى النزول نفس الحكاية أسانسير للتانى وبعدين للاول وبعدين للارضى وده حسب رغبتكم عند قطع التذاكر لانكوا ممكن تطلبوا دورين بس.

للمعلومات الدور الأول بيشمل سينما عن تاريخ البرج ومراحل بنائه والأحداث ﺍللى مرت عليه بالفيديو الدور التانى مطعم وهدايا، الدور التالت أسماء الدول للعالم والمسافة بينها وبين باريس ومكتب ايڤل وايميلى, وللعلم البرج به أبراج إرسال للإذاعة.

معلومة على السريع: البرج ده كان فكرة إيميلى ابنة ايڤل وايڤل سنة ١٨٨٤ وتم تنفيذها سنة ١٨٨٧ وانتهوا منه بعد سنة ونصف سنه ١٨٨٩ واتعرضوا أيامها لهجوم بأن المنظر مشوه جدا لباريس إلا إنه حاليا أحد أهم مصادر دخل السياحة لفرنسا.

بعد الانتهاء من البرج أمام البرج على الرصيف التانى ممكن تاخذوا الكروز ودي بتلف حوالي ساعة أمام الأماكن السياحية في نهر السين.

بكره إن شاء الله هنكمل جولتنا في باريس وهنزور الحي اللاتيني والبانثيون وميدان الكونكورد.

أتمنى تكون الجوله عجبتكم وأشوفكم بكره ان شاء الله 😉

شاهد أيضاً

رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:   أول حاجه تعملها قبل ما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *