الرئيسية / تقارير مميزة / اعرف أكتر عن AIESEC: أكبر منظمة تبادل شبابي وطلابي في العالم

اعرف أكتر عن AIESEC: أكبر منظمة تبادل شبابي وطلابي في العالم

أولا إيه هي AIESEC
هي منظمة شبابية دولية غير هادفة للربح هدفها الأساسي هو نشر السلام بين العالم وإعداد شخصيات قيادية عن طريق انها بتخلي الناس تسافر بلاد تانية تتعرف على ثقافة جديدة وتشتغل في مشروع مع ناس من جنسيات مختلفة. AIESEC  موجودة في 12 دولة حول العالم.

 

إيه الفرص اللي بتوفرهاAIESEC؟
في 3 أنواع من الفرص
1- Global Volunteer
و دي بتكون مشاريع تطوع بتساهم في أهداف التنمية المستدامة وهم 17 هدف حطتهم الأمم المتحدة عشان تحلهم بحلول 2030. مدة السفر بتكون من 6-8 أسابيع وممكن يسافر فيها طلبة وخريجين لحد 30 سنة وبتبقى من غير فلوس وممكن تشتغل في منظمة غير حكومية.
2- Global Talent
و دي بتكون زي فرص شغل لمدة من شهرين لـ 12 شهر وبتكون بروفيشنال أكتر والشغل فيها بيبقى في شركات كبيرة. بس مش في كل المجالات للأسف وبتبقى شروطها أصعب من التطوع، دي متاحة للخريجين فقط لحد 30 سنة برضه وبتكون مدفوعة.

 

3- Global Entrepreneur
طبعا كلنا سمعنا عن الـ Entrepreneurship أو ريادة الأعمال. هنا انت بتشتغل في شركة صغيرة start-up بتاخد فيها خبرة عشان لما ترجع تبتدي الـ start-up الخاصة بيك.
مدة السفر بتكون من 3-6 شهور حسب مدة المشروع، أول شهر غير مدفوع الأجر وباقي الشهور مدفوعة.

 

إيه الدول اللي ممكن تسافرها؟
في دول في آسيا زي الصين والهند وماليزيا وإندونيسيا. في أمريكا الجنوبية زي البرازيل والأرجنتين وكولومبيا. في دول عربية زي لبنان والمغرب وتونس. في دول أفريقية زي كينيا.
في دول أوروبية زي أوكرانيا وروسيا وتركيا والتشيك والمجر.

 

إيه المصاريف اللي عليك؟
بيبقى عليك الطيران والفيزا ومصاريفك الشخصية هناك. في مشاريع كتير بيوفروا لك إقامة طوال الفترة اللي انت قاعد فيها وممكن يوفروا لك أكل كمان. الإقامة بتكون يا إما مع عيلة يا إما في سكن جامعة، و في مصاريف العقد مع AIESEC

 

طب إيه اللي يخليني أطلع حاجة زي دي ممكن أدفع فيها فلوس كتير؟
في أكتر من سبب يخلي الناس تحب تشارك في المشاريع التطوعية
1- انك بتشتغل مع ناس من جنسيات مختلفة بتتعرف عليهم وبتبقوا أصدقاء.
2- غير انك بتتفسح فانت بتعمل حاجة مفيدة ممكن تغير لك طريقة تفكيرك وتغير حياة ناس بيها سواء هناك او لما ترجع.
3- مدة السفر بتكون طويلة مقارنة باللي رايح يتفسح وبتكون فرصة حلوة للطلبة اللي أول مرة تسافر عشان تاخد فكرة وبعد كده يسافروا لوحدهم.
4- ممكن تلاقي نفسك حابب الحاجة اللي اشتغلت فيها وتفتح لك سكك تانية
5- زي ما قلت في البداية هدف AIESECC انها بتنشر السلام وبتطور المهارات القيادية عند الفرد وده هتحسه هناك وهترجع شخصية تانية.
66- بتاخد في الاخر شهادة طبعا انك شاركت في المشروع ودي ممكن تفيدك بعد كده

 

طيب التقديم ازاي؟
AIESECC  موجودة جامعة القاهرة وفي جامعات كتير على مستوى الجمهورية. تقدر تتواصل مع مكاتبهم في أي جامعة. وده موقعهم الإلكتروني: http://aiesec.org

شاهد أيضاً

الرحالة ابن بطوطة

الرحالة ابن بطوطة : معلومات عن حياة ورحلات أهم رحالة عربي مغربي

الرحالة ابن بطوطة | الرحالة | يعتبر الرحالة ابن بطوطة من أبرز الشخصيات التاريخية التي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *