الرئيسية / تقارير مميزة / كيف تسافرين مع طفلك دون إزعاج: سلاح ذو حدين

كيف تسافرين مع طفلك دون إزعاج: سلاح ذو حدين

تجربة- بهاء فاروق:

الموضوع ده ده للأمهات خاصة اللي بيسافروا مع أطفال 🙂 السفر خارج البلاد له متعة خاصة، فيبدأ المرح والإثارة بمجرد الوصول للمطار، ومع أطفالك فالأمر مثل السلاح ذو الحدين، فالأطفال من الممكن أن يكونوا متحمسين بشكل زائد ومستمتعين على الطائرة وفي المطار، أو من الممكن أن يجعلوا من بداية الرحلة نهايتها لتصبح رحلتك كالكابوس اللي نفسك تصحي منه 😀

طيب إزاي تتجنبي ده؟ تخيلي إنك في رحلة طيران لمدة 10 ساعات مثلا, هتحسي إنك قرفانة وزهقانه وهتولعي في أول مضيفة تيجي تقولك لحمة ولا فراخ 😀 , فالسفر أصلا على الكبير حاجه مملة فتخيلي بقى على طفل سريع الملل هيبقى عامل إزاي.!

طيب تعملي إيه؟

  • مواعيد الرحلة.. هل ستكون المواعيد مريحة لأولادك ولا هتزود الطين بلة؟ حاولي تحجزي رحلات تكون الظهر مش الفجر مثلا.
  • الترانزيت والوقت بين الرحلات.. اختاري ترانزيت يكون قليل.
  • لو معاكي طفل رضيع أطلبي إنك تقعدي في أول صف لأن فيه قدامه مكان ممكن تحطي عليه سرير للبيبي.
  • إشركي أبنائك في الإعداد والتخطيط للرحلة، عرفيهم إيه اللي هيحصل منذ وصولهم للمطار، واتكلمي معهم على السلوك اللي مستنياه منهم، عرفيهم إنه سيكون هناك العديد من الصفوف «الطوابير» وكثير من الانتظار والجلوس، اسأليهم ممكن تعملي إيه علشان تساعديهم على مرور الوقت، عندما يعرف الأطفال ماذا سيحدث غالبا يتصرفون أحسن.
  • خليهم يوضبوا حقيبة ظهرهم بأنفسهم، ليحضروا ما قد يسليهم ويشغلهم، فقط ذكريهم أن يبتعدوا عن الأشياء المزعجة التي تحدث فوضى.
  • الفكره دي حلوة قوي: هات لهم هديه مفاجأة زي لعبة جديدة أو كتاب تلوين هيسليهم طوال الرحلة.
  • متنسيش تاخدي وجبات خفيفة للعيال لأنهم لو فتحوا في العياط مش هيتسدوا 😀
  • شوية حفاضات كتير وأكل للبيبي وفي حاجة مهمة, لبن البيبي لازم يكون بودرة مش سائل علشان ينفع يطلع على الطيارة.
  • غيارات للأطفال علشان هيبهدلوا نفسهم وياريت كمان واحد ليكي علشان هيبهدلوكي معاهم.
  • مصاصة أو بونبوني وده مهم عند الإقلاع والهبوط علشان الضغط.
  • متأكليش الأطفال حاجة فيها سكريات عالية علشان الهيبره وبالذات الشيكولاتة.
  • بلاش ألعاب مزعجة.
  • أي سوائل أكتر من 100 مللي زي عصاير أو غيرها ممنوع تطلعي بيها الطيارة.
  • ممكن تاخدي آيباد أو تاب للأطفال وتشغلي لهم كارتون أو لعبة يتسلوا فيها بس لبسيهم سماعات علشان مش لازم الطيارة كلها تسمع هما بيتفرجوا على إيه.
  • في وقت الترانزيت خليهم يجروا وينطلقوا ويطلعوا الكبت اللي جواهم.
  • أول ما تطلعي الطياره تقعدي إبنك في مكانه وتربطي له الحزام وتقلعيه الجزمة بس لازم يكون لابس شراب علشان البرد, وإدي له لعبة يتسلى فيها وتدعي إن ربنا يهديه وينام وبعد كده تدعي لي على شوية النصايح دي.

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *