الرئيسية / آسيا / رحلتي الى تركيا | محمد رزق يكتب رحلته الى تركيا : أهم المناطق السياحية في تركيا
رحلتي الى تركيا
رحلتي الى تركيا

رحلتي الى تركيا | محمد رزق يكتب رحلته الى تركيا : أهم المناطق السياحية في تركيا

رحلتي الى تركيا | الرحالة | رحلة- محمد رزق:

التقرير ده هشارككم فيه تجربتى للسفر إلى تركيا الشهر اللى فات وبالذات إسطنبول 🙂

رحلتي الى تركيا

– أول حاجة قبل السفر إجراءات التأشيرة، أنا سافرت مع واحد صاحبى مع نفسنا، كل اللى عملته مبدئيا قدمت على التأشيرة الأول ودى سهلة إن شاء الله وبالخطوات دى:

تاشيرة تركيا

1- لازم تقدم عليها Online من على الموقع الرسمى بتاع السفارة

https://www.konsolosluk.gov.tr/Visa/Index

2- هتحتاج الأوراق المطلوبة تكون منها Soft Copy عشان بتعمل Upload ليها وانت بتقدم على التأشيرة وهى كالآتى:

3- صورة شخصية خلفية بيضاء

4- صورة الباسبور

5- حجز فندق وهمى

6- حجز طيران وهمى

7- تأمين صحى بالمدة اللى هتقضيها هناك

8- كشف حساب بنكى لمدة 6 شهور

9- وInvitation letter لو فيزا عمل ؛ و HR letter لو فيزا سياحة.

رحلتي الى تركيا

بعد ما تملى كل البيانات على الموقع هتحدد ميعاد فى السفارة وهيطلع لك فى الآخر Application Form الموقع بيعملها أوتوماتيك فيها كل بياناتك هتعملها Download وتاخدها معاك وانت رايح ميعاد السفارة وطبعا معاك كل الأوراق دى Hard Copy

فى السفارة إن شاء الله مش هتاخد أكتر من 15 دقيقة ياخد منك الأوراق والفلوس (هى كانت 470 جنيه قبل التعويم ? دلوقتى بـ 60 دولار ? ) ويقولك تيجى تاخدها كمان 4 أيام بالكتير إن شاء الله.

فيزا تركيا

الفيزا بتطلع لمدة 6 شهور

أول ما تستلم التأشيرة ان شاء الله؛ لازم تتطلع التصريح الأمنى من مجمع التحرير؛ بتروح مجمع التحرير الدور التانى؛ عند ظابط الاتصال؛ بتسحب ورقة بيانات تملاها وأهم حاجة اسم الوالد رباعى وتاريخ ميلاده، وبتقدمها مع صورة الباسبور والتأشيرة، ويقولك تعالى استلمه كمان 3 أو 4 أيام.

فنادق تركيا

نصيحة بلاش تأكد أى حجوزات الا لما تاخد التصريح الأمنى؛ عشان ممكن تروح تستلمه يقولك مرفوض و على حسب السبب ، بيكون غالبا السبب تشابه أسماء و تضطر تلف لفة حلوة بتاع 20 يوم لحد ما تفك التشابه ده.

1 – رحلتى الى تركيا كانت 7 أيام فى شهر ديسمبر اللى فات حجزت الطيران و الفندق مع شركة سياحة هنا قبل السفر عشان ادفع فلوسهم بالجنيه و اوفر الدولار للرحلة 😀 وكمان حجزت معاهم رحلة لمدينة بورصا و دفعتها بالجنيه 🙂

2 – فى اسطنبول لو حبيت تتوه مش هتعرف لأن فيها شبكة مواصلات قوية جدا ؛ الترام و المترو كانوا بيوصلنى لأى حتة أنا عايزها و طبعا لازم تستخدم كارت اسطنبول و تشحنه ب 50 ليرة مثلا هيكفيك اسبوع ان شاء الله 🙂

السياحة في تركيا

1 – أهم برامج و Applications ممكن تستخدمها هناك هى Visit A City و Trip Advisor و دليل اسطنبولIstanbul Directory هتساعدك فى تنظيم الرحلة باليوم و مواعيد اللى المتاحف و القصور بتكون فاتحة فيها؛ و كمان اماكن المطاعم و الكافيهات و تروحها ازاى. وهي فعلا ساعدتني في رحلتي الى تركيا

2 – الأكل هناك و همى؛ خصوصا محلات الاوبن بوفيه و طبعا لازم تجربوا الكمبير التركى وتشربوا اللبن والسحلب 😀

3 – الحلويات التركية هتفلسك خصوصا الحلقوم التركى والكنافة على الفحم و البقلاوة 😀

الاماكن السياحية في تركيا

1 – أهم المعالم اللي زرتها في رحلتي الى تركيا طبعا قصر توب كابى ونصيحة مش لازم جزء الحرملك؛ وجامع السلطان أحمد ومتحف آيا صوفيا ؛ قصر دولما بهشة ؛ برج جالاطة ؛ الجراند بازار والسوق المصرى.

2 – لازم طبعا تروحوا شارع الاستقلال وميدان تقسيم فى تقسيم ؛ منطقة Laleli و Sirkeci لشراء الهدايا و Eminounu لازم تاكلوا السمك هناك 😉 وكوبرى جالاطة ؛ منطقة Ortakoy وجسر البوسفور.

3- – رحلة البوسفور ممتعة جدا لازم تاخدوها من ميناء Eminounu بـ 12 ليرة.

4 – الحمام التركى يا جماعة 😀 وأشهر واحد اسمه شمبرلي تاش لدرجة إن محطة ترام متسمية على اسمه وهو غالي شوية بس برده لازم يا جماعة 😀

5 – لازم رحلة لمدينة بورصة وطبعا كانت أحلى تجربة لي الوقت ده عشان كان فيه تلج وتزحلق على الجليد على جبل الأولداغ وتركب التليفريك؛ بجد يوم كامل هناك ممتع و رائع.

6 – بالنسبة للـ Shopping فيه مولات كتير جدا أشهرها مول جواهر ومول سفير ومول Olivium وده أرخص وأحسن واحد فيهم بالنسبة للأسعار ده غير محلات شارع الاستقلال كتير جدا 😀 هتفلس برضه 😀

السفر الى تركيا

7- بالنسبة للسهر فاكتر منطقة هى تقسيم وخصوصا شارع الاستقلال وأنا حجزت الفندق هناك عشان كده 😀

8- إسطنبول بجد مدينة أكتر من رائعة ومش غالية تقريبا تكلفة أسبوع معيشة ومزارات ورحلات حوالى من 1200 لـ 1500 ليرة (تقريبا من 350 لـ 450 دولار) شاملة كل حاجة  😀

9- الجو هناك كان سقعة طبعا بس البلد نضيفة فعلا وحتى فى الشتاء ممتعة برضه 😀

10- برضه الحمام التركى لازم يا اخوانا 😀

حجز فنادق تركيا من Booking

فنادق اسطنبولفنادق طرابزونفنادق فتحيةفنادق انطاليافنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …