fbpx
الرئيسية / آسيا / رحلة العمر.. قضي شهر العسل في جزيرة منعزلة والسعر مفاجأة
Docastaway

رحلة العمر.. قضي شهر العسل في جزيرة منعزلة والسعر مفاجأة

تخيلت نفسك قبل كده بطل فيلم CASTAWAY؟، تصدق دلوقتي ممكن تعيش نفس تجربة الفيلم ده وتجربة برنامج SURVIVORS. الموضوع باختصار، بحسب صفحة Travel Secrets، إن في شركة بتحقق لك حلم إنك تعيش في جزيرة معزولة لوحدك، ومعاك وسائل بدائية جدا علشان تقدر تعيش على الجزيرة دي، وتنام في كوخ أو خيمة ⛺
تخيل تكون لوحدك في جزيرة معزولة تمامًا وسط المحيط, وانت اللي تدور على أكلك عليها من النباتات أو تصطاد سمك وانت اللي تولع النار بنفسك, وتعيش تجربة اعتماد كامل على النفس.
تقدر تختار ما بين 10 جزر, والجزر دي موجوده في الفلبين وإندونيسيا وأمريكا. سعر الجزيرة بيبدأ من 650 جنيه في اليوم وشامل الطيران الداخلي والانتقالات من وإلى الجزيرة، والكوخ اللي هتسكن فيه.
الجزر بتتراوح ما بين منعزلة تمامًا ومتوسطة العزلة (يعني ممكن تقابل حد تاني عليها).
المهم الشركة بعد ما اشتهرت جدا فعلا وبدأت تنجح, عملت برنامج تاني لشهر العسل, بإنك تقدر تؤجر الجزيرة ليك انت وعروستك لوحدكم بس المره دي حتقعدوا في فيلا على البحر بحمام سباحة خاص في جزيرة لوحدكم ويكون معاكم أكلكم وشربكم, بجد أعتقد تجربة زي دي ممكن تكون تجربة عمر لأي واحد فينا
موقع الشركة : http://www.docastaway.com/
وعاوزكم تبصوا على جزيرة من الجزر, اسمها Gambolo island في إندونيسيا (بدون فيزا), بجد وهم, سعرها شامل السكن والانتقالات والطيران الداخلي والأكل ومرشد 24 ساعه, تصدق كل ده في اليوم ب 80 يورو بس. ده لينك صفحة الجزيرة : http://goo.gl/ULQgsY
لو الموضوع عجبك شاركه مع حد تتمنى تقضي معاه التجربة دي. 

شاهد أيضاً

السياحة في أملج

السياحة في أملج السعودية : دليلك لأهم الأنشطة والمعالم السياحية

السياحة في أملج | الرحالة |   يقولون إن مكة المكرمة و المدينة المنورة هما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *