fbpx
الرئيسية / تقارير مميزة / دليلك الكامل لاحتراف السفر: أسرار تحضير الشنطة
شنطة سفر

دليلك الكامل لاحتراف السفر: أسرار تحضير الشنطة

تجربة- بهاء فاروق:
ترتيب الشنطة مهم جدا أثناء السفر لأكثر من سبب:
أولا: لو خليت كل حاجاتك في شنطة واحدة صغيرة وزنها لا يتعدى 10 كيلو هتقدر تسافر بدون ما تشتري وزن على الطيران المنخفض التكاليف فسعر تذكرتك هيقل.
ثانيا: هتوفر وقت كتير في التشيك إن وانتظار الشنط لما توصل.
ثالثا: كل حاجتك المهمة هتكون معاك لحظة بلحظة ومش هتكون معرض لضياع أي شنطة وانت مسافر.
رابعا: هتقدر تركب مواصلات عامة بسهولة زي المترو أو الباصات وده هيوفر عليك فلوس كتير.
طيب نرتب الشنطة إزاي؟
دائما قبل السفر حاول تكتب كل حاجة محتاج تاخدها معاك علشان متنساش حاجة. وبعد ما تختار كل الملابس اللي هتاخدها معاك, شيل الثلث لأنك مش هتحتاج كل اللبس ده 🙂
حاجات مهمة متنساهاش وانت مسافر:
1) جاكت واحد على الأقل لو مسافر لمكان بارد.
2) مشترك متعدد علشان لو الكهرباء غير مناسبة لشاحن الموبيل أو الكاميرا.
3) أدوات العناية الشخصية ( قصافة, فرشاة, ماكينة حلاقة, معجون أسنان, فرشاة أسنان) وهكذا, وبيتم وضعها في كيس مغلق جيدا.
4) عصاية السيلفي لهواة التصوير.
5) شاحن الموبايل والكاميرا.
6) دفتر صغير وقلم.
7) جزمة مريحة.
8) نظارة شمس وصن بلوك.
9) بعض الأدوية ( مطهر معوي, كريم ضد الناموس, دوار للصداع ومسكن ألم).
10) فلاش ديسك لنقل الصور عليه.
نصيحة مهمة جدا: بخصوص الشنطة اللي بتاخدها معاك على الطائرة ممنوع منعا باتا وضع أي سوائل أكثر من 100 مم في الشنطة. لأن ممنوع صعود أي عبوات سوائل أكثر من 100 مم على الطائرة اختار أي سوائل زي البرفيوم أو كريم الحلاقة او السبراي أو أي كريمات أو جيل تكون أقل من 100 مم. وكمان ممنوع وضع أي آلات حادة زي سكينة أو مقص مثلا.

شاهد أيضاً

خريطة الامارات

خريطة الامارات السياحية : دليلك الشامل للسياحة والإقامة والتنقل في الامارات

خريطة الامارات | الرحالة |   دولة الامارات العربية، دولة الانجازات والمعجزات، التي استطاعت فعل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *