fbpx
الرئيسية / آسيا / بوكيت تايلند | تعرف على الحياة الليلية في جزيرة بوكيت التايلاندية
بوكيت تايلند
الحياة الليلية في بوكيت

بوكيت تايلند | تعرف على الحياة الليلية في جزيرة بوكيت التايلاندية

بوكيت تايلند | الرحالة | رحلة- بهاء فاروق:

وصلنا بسلامة الله إلى بانكوك, عدد أفراد الرحلى: 17 فرد (ما بين شباب وبنات وأسر وشهر عسل كمان, كل الأعمار معانا في الرحلة :)) السفر كان من مطار القاهرة على متن طيران القطرية.

وصلنا بانكوك وكان الاتفاق إن السفر هيكون مباشرة إلى بوكيت تايلند وده لكذا سبب: أولهم إننا منضيعش يوم في دخول بانكوك لأن المسافة من المطار إلى وسط بانكوك حوالي ساعة.

ثانيا: يوم السفر تعب بتعب فخلينا نوصل وجهتنا إلى بوكيت على طول ومنضيعش يوم تاني في السفر علشان نبدأ رحلتنا من بوكيت تايلند

ملحوظة: الشركتين الوحيديتين اللي بتقلع من مطار بانكوك الدولي إلى بوكيت هي بانكوك إير والتايلاندية وطبعا كان الحجز مسبق قبل السفر بفترة.

بوكيت

بوكيت تايلند

وصلنا بوكيت تايلند وكان في انتظارنا 2 ميني فان، حسب تنظيمي مع شركة السياحة، وتم توصيل الجروب بالكامل إلى الفندق وتم استلام الغرف. اسم الفندق: Sira Grande Resort& Spa. الفندق نظيف جدًا, 4 نجوم والغرف واسعة وموقعه كويس خلف مجمع الجونسيلون.

ملحوظة: المسافة من مطار إلى شاطىء الباتونج حوالي 50 دقيقة, ولو هتاخد تاكسي من خارج المطار ممكن تكلف السيارة لفردين حوالي 300 جنيه, علشان كده بنصح بالحجز المسبق دائما مع شركة بتكون أوفر وبتنزل تلاقي السواق في انتظارك.

ملحوظة تانية: بوكيت تايلند جزيرة كبيره قوي وفيها كذا شاطئ زي كاتا وكارون وكمالا وبانج تاو ولكن أهمهم طبعا شاطئ الباتونج علشان ده اللي فيه الحياة الليلية والمطاعم والمول وأغلب الرحلات بتطلع منه.

بوكيت
جزيرة كو تابو

شاطئ باتونج في جزيرة بوكيت تايلند

شاطئ باتونج مناسب قوي لو انت من هواة الحياة الليلية الصاخبة أو لو عاوز تقضيها رحلات وجزر ومش عاوز فندق نظيف ومش مكلف قوي (لأن أغلب اليوم هتكون بره الفندق), ولكن لو عاوز ريزورت واستجمام وهتقضيها فندق وبس، فباتونج مش الشاطئ المناسب لك وأنصحك تقعد في كمالا أو كارون بيتش لأن الريزورت هناك أفضل كتير من باتونج بس أسعارهم أغلى طبعا.

بالليل نزلنا لاستكشاف شاطئ باتونج و جزيرة بوكيت تايلند والعشاء في المطاعم هناك و حولنا دولارات الى بات تايلاندي.

ملحوظة: وانت مسافر إلى تايلاند تاخد معاك دولارات فقط ومن هناك تقدر تحول زي ما انت عاوز من أي صرافة (1 دولار= 35 بات).

جزيرة بوكيت أجمل جزر تايلاند
جزيرة بوكيت أجمل جزر تايلاند

جزيرة بوكيت تايلند

بالنسبة للمطاعم العربية في جزيرة بوكيت تايلند مش رخيصة ولكن مقبولة وفيه اختيارات كتير ما بين مطاعم السي فوود أو الفاست فوود أو محلات الشاورما العربية. (سعر الوجبة في المطاعم العربية حوالي 100 جنيه تقريبا ومطاعم الفاست فوود حوالي 50 جنيه), أشهر المطاعم العربية هناك مطعم القاهرة ودبي والشرق بس أفضلهم مطعم القاهرة طبعا (علشان كله مصريين 😀 )

التقرير المقبل عن رحلة جزيرة جيمس بوند.. تابعونا

التقرير عن رحلة نظمتها صفحة Travel Secrets إلى تايلاند

أنصحك أيضًا بقراءة:

السياحة في بتايا : أهم 5 مناطق سياحية في مدينة بتايا التايلاندية

بوكيت | بلال مؤمن يكتب رحلة الـ 30 يوم في الجنة: تايلاند وفتيات الحور (1)

السياحة في تايلاند | تعرف على أجمل 3 مدن سياحية في تايلاند: بينها ديزني لاند للشباب

السياحة في بتايا : أهم 5 مناطق سياحية في مدينة بتايا التايلاندية

برنامج سياحي لمدة 7 أيام في تايلاند: لن تدفع أكثر من 3500 جنيه

السياحه في تايلند | أحمد الباشا يكتب برنامج رحلته الى تايلند: حاجة وهم

السياحه فى تايلند | عادل بركات يكتب من تايلند: عش كتايلاندي وكل رز بالجمبري

شاهد أيضاً

السياحة في أملج

السياحة في أملج السعودية : دليلك لأهم الأنشطة والمعالم السياحية

السياحة في أملج | الرحالة |   يقولون إن مكة المكرمة و المدينة المنورة هما …