الرئيسية / آسيا / انطاليا تركيا | عمرو شريف يكتب رحلته إلى تركيا: سافر إلى انطاليا بأقل التكاليف
انطاليا تركيا
انطاليا تركيا

انطاليا تركيا | عمرو شريف يكتب رحلته إلى تركيا: سافر إلى انطاليا بأقل التكاليف

انطاليا تركيا | الرحالة | رحلة- عمرو شريف:

لو لسه بتبدأ حياتك و مش معاك غير 5000 جنيه وعاوز تطلع شهر عسل في مكان جديد انت و مراتك خارج مصر, تحب تسافر انطاليا تركيا بـ 2500 جنيه للفرد (ملحوظة: الأسعار الواردة في هذا التقرير قبل تعويم الجنيه).

حلم السفر لمدن ساحلية، خصوصًا في شهر العسل حلم لناس كثير، إنما بيتصدموا بالأسعار المبالغ فيها لشركات السياحة أو صعوبة الحصول على تأشيرة.

انطاليا تركيا

الدول دي دلوقتي تقدر تنظم رحلتك بنفسك لها، وتسافر انطاليا، أجمل شواطئ تركيا دون الحاجة إلى شركة سياحة وبسعر 2500 جنيه شامل الطيران والتاشيره وفندق نصف إقامة (فطار وعشاء).

دي أسرار حجز انطاليا بالسعر ده 🙂

– أولًا أنا اخترت لكم وقت الجو فيه جميل ومشمس، وهو يوم 20 مايو والرجوع يوم 26 مايو (7 ايام و6 ليالي) السفر حيكون من شرم الشيخ علي طيران بييجاسوس التركي، وسعر التذكرة يساوي 1370 جنيه مصري (السعر قبل التعويم).

فنادق انطاليا تركيا

– ثانيا اخترت لكم فندق في قلب انطاليا في السيتي سنتر يعني جنب انطاليا القديمة اللي فيها المزارات والآثار والأسواق حيث أن منطقة كاليثيا تعتبر زي حصن قديم جواه شوارع ضيقة مليانه أماكن أثرية، وفيها خليج جميل قوي.

الفندق 3 نجوم وشامل فطار وعشاء لمده 6 ليالي، اسمه مايا أوسكار بوتيك أوتيل، وده فيه حمام سباحة والأوتيل، واخد تقييم عالي جدًا علي موقع تريب أدفايزور من النزلاء، يعني ممتاز.

سعر الفردين 158 يورو في 6 ليالي. يبقي كده إجمالي الرحله كام : 710 فندق + 430 ثمن التأشيرة + 1370 تذكرة = 2510 جنيه.

انطاليا تركيا

وبكده تكون وفرت نص تمن الرحلة لو طلعتها مع شركة سياحة وفي البوست الجاي هكتب لكم عن المزارات وأسعارها إيه، ونروحها إزاي زي الشلالات والرافتينج (المراكب المطاطية السريعة) والأكوابارك ومزارات كاليثيا وغيره وطبعا غير الشوبينج الرخيص وأسماء المولات الرخيصة إيه وتشتري من هناك ايه ! 😉

انطاليا تركيا

لو انت بقى راجل مقتدر وربنا كرمك وعاوز تدلع عروستك و تدًلع معاها ايه رأيك تنزل في فندق 5 نجوم شامل كل الوجبات والمشروبات طول اليوم مجانا، وبزيادة ألف جنيه بس.

أنا اخترت لكم أوتيل حكاية علي البحر بيديك الفخفخة بتاع الـ 5 نجوم أول إنكلوسيف بـ 1700 جنيه للفرد 6 ليالي، يعني كده الرحله تقف بـ 1700 فندق +430 تاشيره + 1370 طيران = 3500 جنيه وبكده مش هتدفع حتي تمن إزازة مياه، الفندق اسمه Adonis.

حجز فنادق تركيا من Booking

فنادق اسطنبولفنادق طرابزونفنادق فتحية – فنادق انطاليا – فنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …