الرئيسية / آسيا / السكن في اسطنبول : مقارنة بين 4 مناطق تناسب كل الأذواق والمستويات
السكن في اسطنبول

السكن في اسطنبول : مقارنة بين 4 مناطق تناسب كل الأذواق والمستويات

السكن في اسطنبول | الرحالة | تجربة- بهاء فاروق:
لو دي زيارتك الأولى لاسطنبول مهم قوي تعرف أماكن السكن هناك، وإيه الفرق بينهم ومميزات وعيوب كل منطقه فيهم:

 

1- السكن في اسطنبول بمنطقة فاتح – السلطان أحمد

تعتبر المنطقة التاريخية القديمة في اسطنبول (وتشمل منطقة بيازيت ولا لا لي) ودي فيها معظم المعالم السياحية البارزة في اسطنبول.

مثل الجامع الأزرق وآيا صوفيا والسوق المسقوف (الجراند بازار)، وقصر توبكابي ومعالم سياحية كتيرة. والمنطقة دي مليانة مطاعم وكافيهات ومحلات تجارية.

الميزة في الموضوع إنك تقدر تلف كل المعالم السياحية دي مشي بدون مواصلات لأنها جنب بعض.

السكن في اسطنبول
طيب المنطقة دي تناسب مين؟
لو هتزور اسطنبول أول مرة أو كنت عائلة, أو بتحب المعالم السياحيه القديمة.

إيجابيات السكن في اسطنبول بمنطقة فاتح

• تنوع واسع من الفنادق الجيدة تناسب ميزانيات كثيرة.
• سهولة التنقل والسفر بالترام والتاكسيات العمومية.
• سهولة التنقل بين المعالم والأسواق مشيا على الأقدام.
• مطاعم جيدة.

 

سلبيات السكن في اسطنبول بمنطقة فاتح

• لا توجد حياة ليلية بعد ساعات الغروب.
• بعض المطاعم ومحلات الهدايا أسعارها مرتفعة جدا.

اقرأ أيضًا: الاسواق في اسطنبول | دليلك للتعرف على أهم المراكز التجارية و الاسواق في اسطنبول

2- السكن في اسطنبول بمنطقة تقسيم

 

المنطقة دي هي قلب اسطنبول ومنطقة الروشنه والشياكه في اسطنبول, يتوسطها شارع الاستقلال، وده الشارع الأشهر هناك, كله مطاعم ومحلات وبارات ومعارض.

والمنطقة دي بتمثل اسطنبول الشابة والحديثة. وطبعا كلها سياح، ولازم تزورها خلال زيارتك لاسطنبول حتى لو لمرة واحدة.

السكن في اسطنبول
طيب المكان ده يناسب مين؟

الشباب والعرسان والناس اللي بتحب الحياة الليلية واللي بيحبوا الشوبنج والمطاعم.

إيجابيات السكن في اسطنبول بمنطقة تقسيم

• مركز اسطنبول النابض.
• محلات تسوق تلائم جميع الأذواق والميزانيات.
• مطاعم تلائم جميع الأذواق والميزانيات.
• حياة ليلية مميزة.

سلبيات السكن في اسطنبول بمنطقة تقسيم

• مفيهوش معالم تاريخية.
• زحمة جدًا في الصيف.
• يعتبر غالي بالمقارنة مع الأماكن التانية.
• لازم تاخد تاكسي أو مترو الأنفاق للوصول للمعالم السياحية.
* لما بيحصل مظاهرات في اسطنبول فميدان تكسيم زي ميدان التحرير عندنا 🙂

 

3- السكن في اسطنبول بمنطقة نيسانتاسي

نيسانتاسي هي الحي الشيك، ودي تبعد عن تقسيم 10 دقايق مشي وفيها حي عثمان بيه وماتشكا.

المنطقة دي تعتبر الحي الأوروبي الفخيم في اسطنبول، وفيها الحياة الليلية الروعة وبالذات في زقاق عطية (اسمه كده زقاق 🙂 ), في المكان ده هتلاقي البراندات والمحلات الغالية قوي.

السكن في اسطنبول
طيب المنطقة الفحيتة دي تناسب مين؟

طبعا لو كنت أقل من مليونير مش هينفع تسكن هنا 😀 وتناسب اللي بيحبوا الماركات الغالية, والشباب ولاد الذوات اللي بيحبوا السهر بالليل بس بشكل شيك.

إيجابيات السكن في اسطنبول بمنطقة نيسانتاسي

• الهدوء والحيوية.
• مطاعم ومحلات فاخرة.
• قريب جدا من شارع الاستقلال الشهير (١٠ دقائق مشيا على الأقدام).
• مواصلات مريحة.

 

سلبيات السكن في اسطنبول بمنطقة نيسانتاسي

•أسعارها مرتفعة.

اقرأ أيضًا: الاسواق الشعبية في اسطنبول : بينها سالي بازاري وسوق فاتح وبكر كوي

السكن في اسطنبول بمنطقة كادكوي

ودي بعكس سلطان أحمد وتقسيم، بتعتبر منطقة جديدة وبرضه مليانة كافيهات ومطاعم ومحلات أزياء, وتعتبر مريحة للسكن, أشهر شوارعها بغداد، وفيها مولات كتير وشارع موضة شهير.
المنطقة دي تناسب العائلات واللي زار اسطنبول أكتر من مرة وعاوز يغير. أو اللي عاوز يبعد عن الزحمة وكمان اللي بيدور على حاجه رومانسية.

السكن في اسطنبول

إيجابيات السكن في اسطنبول بمنطقة كادكوي

• تنوع في الأماكن والفعاليات
• حداثة وهدوء.
• تسوق وأزياء رفيعة.
• مواصلات مريحة.
• مطاعم ذات جودة عالية.

سلبيات السكن في اسطنبول بمنطقة كادكوي

•بعيدة عن معالم اسطنبول الشهيرة، عليك استخدام العبارة للوصول إلى الجهة الأوروبية.

حجز فنادق تركيا من Booking

فنادق اسطنبولفنادق طرابزونفنادق فتحيةفنادق انطاليافنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

السياحة في جاكرتا

السياحة في جاكرتا للمسافرين العرب: برنامج سياحي لزيارة شامل

السياحة في جاكرتا | الرحالة |   سيداتي ساداتي، معكم قبطان رحلتكم، أبلغكم بأن طائرة …