الرئيسية / آسيا / الامارات | 7 معالم سياحية يجب أن تزورها خلال رحلتك الى دبي
الامارات

الامارات | 7 معالم سياحية يجب أن تزورها خلال رحلتك الى دبي

الامارات | الرحالة | رحلة- نانسي وهبه:

كلنا انبهرنا بدبي وبالتطور السريع اللي في الامارات, وهي مدينة فعلًا تستحق الاحترام والوقوف على تجربتها، لأنها تجربة فريدة من نوعها.

إزاي دولة زي الامارات من حوالي 20 سنة بس كانت شبه صحراء ودلوقتي بقت مدنها من أكبر المدن السياحية في العالم، والأكثر حداثة في الوطن العربي, بالرغم من إن جوها أغلب السنة حر ورطوبة.. دي تجربة عن زيارة دبي، أتمنى إنها تفيدكم:

تاشيرة دبي مجانا من طيران الامارات
تاشيرة دبي مجانا من طيران الامارات

تاشيرة الامارات

1- صورة الجواز.

2- صورة شخصية فقط.

3- ترسل على الإيميل لأي شركة سياحة بعد ما تسأل على سعرها معظم الشركات يصدرها 800 أو 850 جنيه, لو كذا جواز سفر ممكن السعر يبقى 750 جنيه.

4- المهم يكون في مهنة في جواز السفر بياخدوا بس اسم الأم علشان تشابه الأسماء بيعمل مشاكل.

5- التأشيرة بتتبعت عن طريق الإيميل برضه عبارة عن ورقة فيها زي بار كود في مطار دبي بيكون عندهم الأصل.

6- مينفعش تكسر الـ 30 يوم داخل دبي, كسر اليوم بـ 200 درهم لكل يوم زيادة بتدفعه في المطار وانت مسافر.

شركات الطيران الاماراتية
شركات الطيران الاماراتية

طيران الى دبي

التذكره على طيران العربية رخيصة لا تتعدى 1800 جنيه وفي طيران اسمه فلاي دبي بس بيطلع من مطار إسكندرية فقط برضه سعره لا يتعدى 1800 أو 2000جنيه وكل ما تحجز بدري كل ما يكون أرخص.

فنادق دبي

فنادق الشارقة رخيصة جدًا بعيدًا عن فترة رأس السنة مالناش دعوة بيها، علشان الأسعار بتبقى عامله زي الطماطم لما بتتجنن كده 😀

تاشيرة الامارات الالكترونية
تاشيرة الامارات الالكترونية

السياحة في دبي

دبي من أبسط المدن اللى ممكن تسافر فيها، ممكن جدًا تنزل في أحد الفنادق اللى في الشارقة، سعرها بيكون أقل بكتير جدًا من دبي، والشارقة قريبة جدًا من دبي لكن بشرط أن يكون التحرك بالباص الخاص، ما بين الشارقة ودبي لأن تاكسي الشارقة غير تاكسي دبي والعداد بفتح بـ 20 درهم، ده القانون هناك في الامارات في حالة إن تاكسي الشارقة دخل دبي أو تاكسي دبي دخل الشارقة.

مترو دبي

المهم مجرد أن الباص دخلنا دبي ممكن جدا نشتري كارت المترو ونشحنه بـ 20 درهم علشان مش كل شويه نشتري تذاكر، المترو بيلف على كل مكان ممكن الواحد يزوره وهم كالآتي:

النافورة الراقصة ومدينة الثلج في الامارات

1- النافورة الراقصة وهى في الحقيقه ممتعة، خاصة لو اشتغلت على أغاني عربية، ودي مكانها في دبي مول، ملهاش تذاكر وبتشتغل كل نصف ساعة.

2- المكان التانى هو مدينة الثلج، ودي مكانها الإمارات مول، التذكره 200 درهم للفرد طول اليوم، ليها بدل وملابس وجزم خاصة يتم استلامها هناك، نظرًا لانخفاض درجة الحرارة. بالداخل في تليفريك زي جو أوروبا بالضبط وبعض ألعاب التزلج للكبار وللصغار.

دبي مول

اسواق دبي

3- مول ابن بطوطة مبني ومقسم بحيث يكون كل جزء يمثل بلد شكل (مصر والهند وماليزيا إلخ), لطيف وأسعاره أرخص كتير من أي مول تاني، وموجود في محطة ابن بطوطة بالمترو.

4- في حديقة المعجزات زيارتها لازم تكون فى النهار أو قبل أواخر النهار بشويه فيها أنواع ورود نادرة تحفة في الحقيقة ويمكن ده المكان الوحيد اللى صعب الوصول إليه عن طريق المترو لازم تاكسي.

اسواق دبي مول ابن بطوطة

برج خليفة في الامارات

5- طبعا رحلة دبي لا تكتمل بدون زيارة أطول برج في العالم، برج خليفة, بس لو عاوز تطلع فوق لازم تحجز التذكرة أون لاين قبلها بفترة، لأنك بتحدد وقت معين في اليوم وأنصحكم بوقت الغروب.

6- أنصحكم بزيارة أكواريوم دبي، وتذكرته بحوالي 120 درهم وجواه فعلا بتحس إنك في عالم تاني وماشي وسط الأسماك في المحيط.

السفر الى دبي
السفر الى دبي

7- من أحلى المولات طبعا واللي لا يفوت مول أطلانطس في جزيرة النخلة والمترو بيوصلك لحد هناك.

اقرأ أيضًا: 35 نصيحة ومعلومة يجب أن تعرفها عن السياحة في دبي

*الرحلة منشورة بالاتفاق مع صفحة Travel Secrets

شاهد أيضاً

شارع العرب في كوالالمبور

شارع العرب في كوالالمبور : دليلك السياحي الشامل لأهم شوارع العرب في ماليزيا

شارع العرب في كوالالمبور | الرحالة |   تعرف كوالالمبور باحتوائها على الكثير من المعالم …