fbpx
الرئيسية / آسيا / الاسواق الشعبية في اسطنبول : بينها سالي بازاري وسوق فاتح وبكر كوي
الاسواق الشعبية في اسطنبول
الاسواق الشعبية في اسطنبول

الاسواق الشعبية في اسطنبول : بينها سالي بازاري وسوق فاتح وبكر كوي

الاسواق الشعبية في اسطنبول | الرحالة | تجربة- عمرو شريف:
لو مسافر اسطنبول وهتعمل شوبنج أو حابب تعمل سبوبة حلوة وانت مسافر تتفسح في تركيا, لازم تقرا الموضوع ده 😉
اسطنبول مقصد لمحبي الشوبينج لأن أسعار البضاعة رخيصة نسبيا, وأكتر المصريين بيسافروا للشوبينج مع الفسحة، وكمان في ناس ممكن تعمل سبوبة حلوة, منها تسافر تتفسح وتشتري شوية حاجات تبيعها لأصحابها 🙂 .

 

اسواق اسطنبول

هنحاول نعرفكم كل حاجه عن الشوبينج في إسطنبول، في سلسلة تقارير عن الأسواق المفتوحة, والمولات الأوتليت، يعني المولات اللي فيها محلات البراندات بأسعار رخصية نسبيا ثم في الآخر المولات والمحلات العادية.

وكمان إزاي تروحوا لكل سوق وكل سوق مشهور ببيع إيه بالظبط.

 

اقرأ أيضًا: تركيا اسطنبول | بلال مؤمن يكتب عن رحلته إلى تركيا : كل شيء من الألف إلى الياء

الاسواق الشعبية في اسطنبول

نبتدي بالأسواق المفتوحة (الاسعار بكتبها بالليره التركي والليره تساوي 2.75 جنيه مصري- قبل التعويم).

في إسطنبول أسواق مفتوحة وهي الاسواق الشعبية في اسطنبول ودي بتتعمل مره كل أسبوع وهي عبارة عن شوارع عادية خالص.

بيجوا في يوم معين في الأسبوع من الصبح الساعه 10 يفرشوا فيها التجار ويبيعوا بضاعتهم اللي بتكون أغلبيتها ملابس وشنط ونظارات وحاجات للبيت وأنتيكات.

 

اقرأ أيضًا: افضل الاسواق في اسطنبول : الدليل الشامل للتسوق في مولات اسطنبول

1- سوق سالي بازاري في اسطنبول

أول سوق في الاسواق الشعبية في اسطنبول وأشهرهم هو سوق اسمه سالي بازاري وهو في الجانب الآسيوي في منطقة اسمها كاديوكي.

والسوق ده بيكون يوم الثلاثاء فقط من كل أسبوع والسوق ده كبير جدًا وفيه ملابس أسعارها معقولة قوي ومعظمها ملابس ماركات إنما مش أصلية.

يعني تلاقي نايك ويو إس بولو ومانجو وجيس وحاجات كثيرة والتي شيرتات فيه من أول سعر 5 ليرة إلى 10 ليرة.

والشنط الحريمي من أول 10 ليرة إلى 20 ليه والجزم الحريمي من أول 10 ليرة وطالع وبرضه الكوتشي الرجالي ممكن تلاقي نايك من أول 15 ليرة وطالع.

سوق سالي بازاري

الاسواق الشعبية في اسطنبول

نروح بقي السوق ده إزاي أكيد كلنا هيكون يا قاعد في منطقة تكسيم أو منطقه بيازيت أو لا لاي.

لو من منطقه تكسيم هنركب المترو لغاية محطه يانكابي وبعدين نغيره ونركب مترو مارماري لغاية آخر محطه فيه اسمها أريلكاسمين.

ننزل من المترو ونغيره ونركب محطه لحد كاديكو نطلع من المحطه نلاقي محطه الباصات نركب باص 8A وده بياخد 10 دقايق لحد محطه اسمها حسن باشا حتنزل حتلاقي السوق.

ولو بقى بتركب من لالايه على طول تركب المترو من محطه ياكنابي وتنزل نفس الوصفة.

الطريق التاني من تكسيم أو من لالي تركب الترام على الأرض لغاية محطه إيمينونو وبعديها المركب لغايه كاديكوي وتركب الباص اللي قلت عليه.

 

اقرأ أيضًا: الاسواق في اسطنبول | دليلك للتعرف على أهم المراكز التجارية و الاسواق في اسطنبول

 

2- سوق فاتح في اسطنبول

تاني في الاسواق الشعبية في اسطنبول هو سوق فاتح وهو هو نفس نظام السوق الأولاني وبيتعمل يوم الأربعاء من كل أسبوع.

لو في تكسيم إركب المترو رق إم 2 وانزل في يانيكابي وغير المترو إلى إم 4 محطة واحدة وانزل محطه اسمها اكسراي.

سوق فاتح

أول ما تطلع من المحطة خلي المحطة في ظهرك وبص على شمالك هتلاقي شارع ضيق أدخل فيه وافضل ماشي الشارع مطلع عالي افضل مكمل لآخر الشارع مشي يمكن 7 دقائق واسأل على مسجد الفاتح السوق الأزرق للمسجد سهل قوي تلاقيه.

ولو انت في لالايه اركب محطة واحدة مترو أو ترام.

 

3- سوق بكر كوي في اسطنبول

ثالث سوق في الاسواق الشعبية في اسطنبول هو بكر كوي وده يوم السبت.

لو في تكسيم هتركب المترو ام 2 إلى يانيباكي وتغيره وتركب مترو ام 1 إلى محطه اسمها باكريكو.

سوق بكر كوي

ولو في لالاي تركب علي طول من يانباكي المترو لحد باكريكوي أول ما تطلع من المحطه هتلاقي السوق علي شمالك شريط طويل قوي الثلاث أسواق تقريبا متشابهين جدا في الأسعار وفي المعروض فيهم.

على فكرة الموضوع ده خلاصة تجارب 10 سنين من التسوق في اسطنبول, أتمنى إنه يفيدكم في زيارتكم القادمة لهناك, وانتظروا الموضوع القادم حيكون فيه كل أسرار التسوق في مولات إسطنبول.

هذا التقرير منشور بالاتفاق مع صفحة Travel Secrets

حجز فنادق تركيا من Booking

فنادق اسطنبولفنادق طرابزونفنادق فتحيةفنادق انطاليافنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

برج الفيصلية

برج الفيصلية في الرياض: تعرف على أهم المعلومات عنه ومواعيد الزيارة

برج الفيصلية | الرحالة |   اتجهت دول الخليج في العقود الأخيرة لتشيد المباني الضخمة …