الرئيسية / تقارير مميزة / أهم تطبيقات السفر لهاتفك: تساعدك من مرحلة التخطيط وحتى العودة

أهم تطبيقات السفر لهاتفك: تساعدك من مرحلة التخطيط وحتى العودة

تجربة- أحمد سعيد:

جايب لكم أهم التطبيقات اللي بتساعدك وانت مسافر، يا رب تعجبكم، وهنتكلم بالتدريج من طقطق لسلام عليكم، عن كل تطبيق وبيعمل إيه وإيه أهميته وانت مسافر من قبل ما تسافر حته هتكون مرتب انت هتعمل إيه بالضبط من أول حجز الطيران لترتيب البرنامج لحد ما ترجع من السفر وتروح البيت سالم غانم بإذن الله 😀

 

أولا: تطبيقات خاصة بتذكرة الطيران:

1- Skyscanner

طبعا تطبيق غني عن التعريف في مجال حجز تذكرة الطيران والميزة اللي فيه إنه بيخليك تقارن بين أفضل رحلات الطيران المناسبة ليك وأرخص رحلة ممكن أطلعها امتى.، وده بيتحدد من إنك بتختار whole month وبعد كده cheapest month، فيجبلك أرخص شهر بيبقي طالعه فيه طيران من كذا لكذا على حسب ما تحدد انت.

لينك التحميل

http://adf.ly/1iIZDA

2- Kayak

تطبيق تاني لا غنى عنه برضه مع skyscaner وهو kayak فى حجز تذكرة الطيران ومهم ليه بقى، لأن ساعات بتلاقي عليه عروض مغرية جدا من شركات الطيران مش بتلاقيها في أي موقع تاني فمهم انك تكون متابعه.

لينك التحميل

http://adf.ly/1iIZOR

3- Momondo

تطبيق كويس طبعا برضه فى حجز تذاكر الطيران وساعات بتلاقى أسعاره مختلفة شويه عن التطبيقات اللي فاتت وأسعاره وكويس بالذات فى أوروبا وأمريكا.

لينك التحميل

http://adf.ly/1iIZcF

4- Expedia

تطبيق كويس برضه فى حجز تذاكر الطيران وساعات بينزل عروض كويسة جدا

لينك التحميل

http://adf.ly/1iIZyC

لاحظ أن أغلبية التطبيقات عن تذكرة الطيران لها عروض برضه فى تأجير عربية أو حجز فندق في المكان اللي انت رايحه لكن مش أقوة من تطبيقات هنتكلم عليها قدام لكن لو لقيت أسعار تناسبك عليهم احجز طبعا.

 

ثانيا الإقامة:

بعد ما وصلنا بالسلامة عاوزين نرتاح بقي في مكان عشان نصحى ننطلق بقى ونعيش حياتنا

1- Bookingcom

من أشهر تطبيقات السفر فى مجال حجز الفنادق لأنه بيوفر لك عروض رهيبة جدا تصل لأكتر من 50 % خصم، وطبعا انه بيغطي جميع دول العالم زنقه زنقه وحارة حارة  😀 ده بيجعله من أفضل التطبيقات على الإطلاق فى حجز الفنادق، أفضل شيء في تطبيق Bookingcom’طبعا هو تأكيد حجز فوري وتسجيل وصول دون الحاجة لأي أوراق وخرائط بدون إنترنت في كل مرة تقوم فيها بالحجز.

لينك التحميل

http://adf.ly/1iHQKs

2- Hostelworld

لو عاوز بقى توفر أكتر من انك تقعد فى فندق ممكن تحجز هوستيل (بيت شباب)، الهوستيل ده بيوفر لك مكان تقعد فيه وهو عبارة عن أوضة مشتركة لك فيها سرير، وطبعا للناس اللي بتحب الخصوصية ممكن تحجز أوضة خاصة بيك لو هيبقى معاك حد من اصحابك هتوزعوا مبلغ الأوضة عليكم فهتبقى أهون شوية.

ميزة الهوستيل إنك بتتعرف على ناس رحالة زيك جايين من كل بلاد العالم همهم الاستكشاف وهيبقى كويس استفد من انك تتعرف على ناس شبهك من كل بلد فى العالم، وهيبقى كويس طبعا انكم تخرجوا مع بعض لو عندكم نفس الاهتمامات انكم تشوفوا نفس الحاجات عن بلد معينة.

لينك التحميل

http://adf.ly/1iIaVQ

3- Couchsurfing

لو عاوز متدفعش ولا مليم بقى فى الإقامة بتاعتك للبلد اللي انت رايحها ممكن تحمل التطبيق ده، الخدمة اللي بيقدمها إن في حد بيستضيفك فى بيته وبيوفر معاك فى الفلوس، طبعا التطبيق منتشر جدا بين الرحالة والناس اللي بتسافر دايما لأنه مهم بيوفر معاهم كتير واهوه منها فايده برضه انك تتعرف على طباع أهل البلد اللي انت رايح تاكل من أكلهم وتشوف عاداتهم ماشية، إزاي بتبقى تجربة طبعا متتنسيش.

ملحوظة: أنا جربت التطبيق ده فى مصر وطلع في ناس فعلا محترمه ومفهوش قلق واللي بيخليك مش قلقان أساسا وانت رايح لحد انك بتشوف reviews الناس اللى قعدت عنده هل هو شخص محترم ولا مش كويس وطباعه عامله إزاي كل ده بتعرفه من الناس اللي كاتبه reviews علي الأكاونت بتاع الشخص اللي انت رايح له.

لينك التحميل

http://adf.ly/1iIah9

4- ِAirbnb

التطبيق ده مهم طبعا للناس اللي بتسافر مع العيلة ومش بتحب جو الفنادق لأن بيوفر لك شقق مفروشة لأي بلد انت عاوز تروحها، وبتبقى ساعات أوفر للشباب اللي بيسافر مجموعات مع بعض بيأجروا شقة وبيقعدوا فيها ملوك زمانهم 😀

لينك التحميل

http://adf.ly/1iIayb

5- HomeAway VRBO Vacation Rentals

تطبيق تقريبا مشابه لـ airbnb لتأجير منازل

لينك التحميل

http://adf.ly/1iIb9O

كده تقريبا عرفنا هنقعد فين نشوف بقى هنعمل إيه فى البلد اللي هنروحها ونكتشف أماكن جديدة ونستمتع وننطلق بقى.

 

ثالثا: الترفيه والتنقل:

1- Tripadvisor

طبعا التطبيق مهم جدا جدا جدا جدا فوق ما تتصور، لأنه بيعرضلك reviews الناس اللي سافرت قبلك مكان انت عاوز تروحه مطعم مثلا فى مكان معين معالم سياحية مهمة وممكن تتزار امتي وازاي، ما عليك غير إنك تعمل search عن البلد أو المكان أو الفندق أو أي حاجة خاصة بمكان معين هتروحه هتلاقي ناس قبلك راحوه وكتبه عنه تقارير هتفيدك طبعا فى سفرك وتعمل مميزات وعيوب المكان اللي انت رايحه.

لينك التحميل

http://adf.ly/1iIbRo

لينك تطبيق مشابه لـ tripadvisor اسمه Yelp

http://adf.ly/1iIbZ0

2- Trip.c.om

تطبيق ماشبه لـ Tripadvisor

وميزته انه مغطي معظم البلدان السياحية فى العالم وعامل كذا تطبيق لكل بلد سياحية وأهم الحاجات اللي تتعمل في كل بلد.

لينك التحميل

http://adf.ly/1iIbol

ودي اللينك اللي فيه التطبيقات كلها لـ trip.c.om لكل بلد (مدينة) لوحدها

http://adf.ly/1iIc40

3- Viator Tours & Activities

تطبيق مشابهه لـ Tripadvisor برضه وفيه خدمات كتير وهو تقريبا تابع Tripadvisor كشركة

لينك التحميل

http://adf.ly/1iIcEG

4- visit a city

تطبيق مميز جدا بيخليك تضبط برنامج لبلد للتنقل فيها من كذا مكان، وبتكتب له انت هتقعد قد ايه فى بلد معينة وهو بيقول اليوم الأول هتزور كذا وكذا وكذا، واليوم التاني كذا وكذا وكذا، وهكذا 😀 وعلي حسب عدد الأيام اللي انت محددها طبعا.

لينك التحميل

http://adf.ly/1iIcR5

5- Zabihah

تطبيق جميل جدا ومهم لكتير من المسلمين فى دول أوروبا والعالم، لأنه بيوفر لك أماكن المطاعم الحلال فى بلد معينة مثلا زي أمريكا وآسيا، إلخ.

لينك التحميل

http://adf.ly/1iIcZM

6- Uber

مشهور جدا في مصر وجميع دول العالم بيوفر لك مواصله زي تاكسي لأي مكان انت عاوز تروحه في أي دولة انت عاوزها. الميزة اللي فيه إنك لو مسجل بالفيزا بتاعتك ممكن على التطبيق فانت مش هتحتاج تحط ايدك فى جيبك عشان تدفع وتقريبا أسعاره كويسه ونضيف ومفيش حد بيشتكي منهم زيه زي Careem برضه فى مصر

والميزة الحلوة برضه انك من التطبيق بتطلب سيارة للمكان اللي انت فيه وبيجيلك شخص (السواق) بتكون عارف عنه كل حاجه وجميع بياناته وبصراحة شركه محترمة تستحق التقدير

لينك التحميل

http://adf.ly/1iIchU

7- Rentalcars.c.om Car hire App

تطبيق مهم طبعا للناس اللي مش بتحب تركب مواصلات ولا تشحطط نفسها وبتحب تكون راكبة عربية خاصة بيها تروح بيها الأماكن اللي عاوزاها

لينك التحميل

http://adf.ly/1iIcwr

8- Offline Maps & Navigation

تطبيق هينفعك أكيد فى التنقل، عليه أهم الخرايط لجميع البلاد فى العالم وممكن تستخدمه من غير نت.

لينك التحميل

http://adf.ly/1iId64

9-GPS Navigation & Maps Sygic

تطبيق مهم فى الخرايط برضه وعليه عدد reviews رهيب أنا استغربت انه أعلى من (google maps ( offline maps

لينك التحميل

http://adf.ly/1iIdF8

10- Maps.me

تطبيق بردو خرايط مهم شوفه لو احسن من التانين ولا لا عليه reviews كويسة

لينك التحميل

http://adf.ly/1iIdQn

11- Numbeo

ده موقع مهم جدا بيعرضلك تكاليف المعيشة فى أي بلد فى العالم وبتشوف انت هتصرف قد إيه من الإبرة للصاروخ.

وبيوريك أسعار المطاعم عاملة إزاي وكل ما تتخيل عن الكافيهات والمحلات والـ SHoping

لينك الموقع

http://adf.ly/1iIdbO

12- Cost of living

تطبيق مشابه لموقع Numbeo

لينك التطبيق

http://adf.ly/1iIdh0

13- Spending tracker

ده تطبيق مهم طبعا للناس الى إيديها مخرومه ومش بتعرف فلوسها بتروح فين ولا بتصرف في إيه المهم ده تطبيق بيضبط لك انت هتصرف كام وفي ايه.

لينك التحميل

http://adf.ly/1iIdui

لينك تطبيق مشابهة ل Spending tracker اسمه Coinkeeper

http://adf.ly/1iIe1l

14- XE Currency

تطبيق بيعرفك فرق العملة بين كل بلد والتانيه مهم لو انت عاوز تشوف انت هتحول كام بضبط من كذا لكذا عشان متتخمش 😀

لينك التحميل

http://adf.ly/1iIeAN

 

مهم جدا زي ما احنا عارفين كناس بتسافر انك تكون عارف تتعامل مع اهل البلد الي انت رايح بلدهم لانهم اعلم الناس بخباياها وده الىلي هنشوفه في رابعا

 

رابعا: واللغة والتعامل كيفية التغلب عليها

1-Google Translate

طبعا مبقاش تطبيق بيترجم وخلاص لا ده كمان ممكن تعمل voice ويخرجهولك بالغة اللي انت عاوزها وفيه ميز كتير زي ترجمة 52 لغة من غير ما تحتاج إنترنت كل اللي عليك انك تعمل save offline للغة الى انت عاوزها وتستخدمها وانت مسافر، أو انك ممكن تصور صورة ويترجمها لك، العيب الوحيد الى فيه انه بيترجم حرفي فممكن تبقى عقبة شوية.

لينك التحميل

http://adf.ly/1iIeKc

2- iTranslate Voice

برنامج مهمه برضه فى الترجمه الميزة الى فيه إنه ممكن تغير صوت الـ voice الي هيترجم

لينك التحميل

http://adf.ly/1iIeWC

3- Triplingo

تطبيق برضه مهم فى الترجمة بيجمع ما بين مميزات التطبيقين اللي فاتوا بالإضافة إنه بيكون أدق فى الترجمة عنهم يعني مش بيترجم حرفيا فهيبقى سهل شوية إنك توصل انت عاوز ايه من اللي قدامك وأيضا بتحدد انت هترجم لمين إذا كان حد كبير هيبقى هتكلمه باحترام، هيترجم لك باحترام شويه وإذا كنت هتكلم شاب عادي من سنك هيتكلم عادي وهتقوله بص يا زميل وكدا يعني 😀

لينك التحميل

http://adf.ly/1iIebR

 

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *