fbpx
الرئيسية / أفريقيا / طارق خليل يكتب من كينشاسا: 15 معلومة قد لا تعرفها عن الكونغو

طارق خليل يكتب من كينشاسا: 15 معلومة قد لا تعرفها عن الكونغو

الكونغو | الرحالة | رحلة- طارق خليل:

1- أولًا كده فى بلدين اسمهم الكونغو  🙂 . الكونغو الديموقراطية (اللي أنا موجود فيها) ودى بلد كبيره جدا مساحتها 2 ونص مليون كيلو متر مربع تقريبا، وعاصمتها كينشاسا. والتانية جمهورية الكونغو، ودى بلد صغيره على الحدود من الكونغو الديموقراطية وعاصمتها برازافيل.

الكونغو

2- الكونغو الديموقراطية هى تانى أكبر البلاد فى المساحه فى قاره أفريقيا بعد الجزائر ورقم 11 على العالم، وعدد السكان حوالى 85 مليون نسمة. ولها حدود مع 9 دول.

الكونغو
الكونغو

كينشاسا

3- كينشاسا هى تانى أكبر مدينة فى العالم متحدثة بالفرنسيه بعد باريس (10 مليون شخص).

4- نظرية (booz base) هي السائدة هنا فى السواقة وبجدارة. تحس إن الناس واخدة تدريب سواقه فى مصر. 🙂

5- أغرب حاجتين هنا، الأولى إن العربيات شمال ويمين (أقصد كرسى السواق) ودى جديدة الصراحة، المفروض إن كل بلد وليها نظامها الخاص، يا إما يمين يا إما شمال، أما الاتنين سوا دي غريبة قوي.

الدولار

6- التانية إن التعامل المادي هنا بالعملة المحلية والدولار مع بعض. يعنى تدخل السوبر ماركت تلاقى الكاشير وراه واحد قاعد لو عايز تدفع بالعمله المحليه ادفع للكاشير لو عايز تدفع بالدولار ادفع للشخص اللى وراه، اللي بيكون معاه آله حاسبة يحسب لك مشترياتك بكام دولار بالظبط وياخد منك دولار ويرجعلك الباقى بالدولار فيما فوق الـ 5 دولار، أقل من 5 دولار يرجعهالك عملة محلية.

7- على ناصية مكتب هواوى في موقف أتوبيسات. منظر محترم قوي كل يوم بالليل وانت شايف الناس واقفه طابور جوه الموقف.

لبنان

8- برضه المحلات والمطاعم اللبنانية منتشرة هنا في الكونغو كعادة البلاد الأفريقية.

9- البلاد الأفريقية دخلت فى طور تطور واضح جدا. وكمان عشان البلد هنا عدد سكانها كبير ف ده بيخلي سوق الاتصالات متقدم ومتطور بغض النظر عن البلد نفسها حتى.

10- فى تطور ملحوظ الصراحة فى مطارات الدول الأفريقية، خصوصا فى العواصم.

العاصمة كينشاسا
العاصمة كينشاسا

الكوسة

11- الخضراوات والفواكه هنا حلوة جدًا وبسم الله ما شاء الله أحجامها أكبر بكتير من مصر سواء الكوسة أو الفاصوليا الخضرا أو البامية أو الليمون. والبابايا طعمها حلوه قوي هنا. 🙂

12- البلد بصورة عامة هى أغلى البلاد اللي زرتها تقريبا.

13- نفس اللي شفته فى سيراليون، نفس المنتج يباع في كذا سوبر ماركت بسعر مختلف تمامًا، قد يصل للضعف أحيانًا، ومع الخبرة فى البلد تعرف تجيب كل حاجه من أي سوبر ماركت 🙂

بلاش تعصبهم

14- بصورة عامة التعامل مع الأفارقه ظريف جدًا، وهما محترمين للغاية، بس ابعد تماما عن إنك تفكر تعصبهم. 🙂

dr-congo-train-acc

15- أطول وأسخف فيزا احتجت أعملها. إجراءات الفيزا فى مصر خدت 5 أسابيع تقريبا.

شاهد أيضاً

مصر ام الدنيا

مصر ام الدنيا ؟.. شاب مغربي سافر إلى مصر بحثًا عن الإجابة.. وهذا ما قال!

مصر ام الدنيا | الرحالة | رحلة- فؤاد زويريق:   عندما كنت أسمع مصريا يقول …