fbpx
الرئيسية / آسيا / محمد الدالي يكتب عن مغامرة تركيا من التأشيرة حتى “بطاطا البوسفور”
تركيا من التأشيرة

محمد الدالي يكتب عن مغامرة تركيا من التأشيرة حتى “بطاطا البوسفور”

تركيا من التأشيرة | الرحالة | رحلة- محمد الدالي:

تركيا من البلدان الحلوة جدًا للزيارة، لو بتفكر تزورها لازم تقرأ الموضوع ده.

تركيا من التأشيرة

أولًا: لو انت موظف لازم تجيب Hr Letter من الشركة بتاعتك وكشف حساب بنكي آخر ٦ شهور. تدخل تملأ أبليكاشن من على النت أو أي حد في شركة سياحة يعملهولك، وبتاخد ميعاد من السفارة وبتروح عادي جدًا، وبعدها بيومين أو ثلاثة التأشيرة بتطلع بـ ٤٧٥ جنيه.

ثانيًا: بتاخد التأشيرة وتطلع علي مجمع التحرير الدور الأول غرفة ١٥، عشان التصريح الأمني ويكون معاك جواب من الشركة مكتوب بالعربي إنك لسة بتشتغل فيها. وبتملا أبليكاشن وبعدها بـ ٤ أيام عمل بتستلم التصريح الأمني.

ثالثًا: تحجز علي خطوط طيران النيل عشان دي تعتبر ارخص تذاكر طيران لتركيا، بس مواعيد الذهاب والعودة لازم تكون أيام الجمعة أو الأحد أو الأربعاء، وسعر التذكرة بيكون غالبًا في حدود ٢٦٠٠ ذهاب وعودة، وحاول تحجز قبل سفرك بشهر تقريبا عشان تضمن إن الأسعار تكون كويسة.

رابعًا: الفنادق في تركيا

لو انتوا شباب عندكم نزل شباب وفنادق في شارع الاستقلال من أول ٢٠ دولار في اليوم. لو انتوا couples يبقي عندكم فنادق في ميدان تقسيم بتبدأ من ٥٠ دولار لليلة وممكن تحجز من Booking.

خامساً:رحلة تركيا

أول حاجة تعملها تشتري “إسطنبول كارد“، ده كارت مواصلات بتشحنه وتستخدمه في أي مواصلة هناك. ثمنه حوالي ١٠ ليرة وبتشحنه بحوالي ٣٠ ليرة، يعني ١٠ دولار وتقريبا هتكفيك طول الأسبوع.

التسوق في تركيا

عاوز شوبينج تحفة عندك شارع استقلال فيه محلات wawoo زي كولتيزون وكولينز وU.S.Polo وZara وأسعارهم كويسة جدًا، وعندك منطقة إكساراي (لالالي) ودي بتروحها بالترام حوالي ٣ محطات من تقسيم. وشارع بيازيد وده فيه أسعار أرخص كتير وشارع عثمان بك وبرضه بتروحوا بالمترو.

بالنسبة للأكل في مطاعم كتير في شارع الاستقلال أحسنهم مطعم المدينة ومحلات الشاورما وماكدونالدز.

جزيرة الاميرات

الفسح بقى: جزيرة الأميرات ودي هتلاقي شركات سياحة بتقولك الفرد بـ ٤٠ دولار والكلام ده، فكك منهم، انت تركب الترام لحد محطة كاباتاش تنزل تعدي الناحية التانية تركب العبارة وتدفع ٢ دولار للفرد، حتوصلك لجزيرة الأميرات، حتلاقي ناس بتأجر عجل و حناطير، خد عجل بلاش حناطير عشان غالية. العجلة بـ ٢٠ ليرة اطلع أعلى قمه الجزيرة وانبسط بالمناظر وتتمتع بالفلل والقصور التحفة جوة الجزيزة، وحترجع تاني بعد ما تخلص تركب العبارة وترجع كاباتاش بـ ٢ دولار برضه، يعني الرحلة كلها مش هتكمل ١٠ دولار معاك مش ٤٠ دولار.

السلطان أحمد

يوم تاني بقى هتركب الترام، تروح محطة السلطان أحمد، وتتفرج على مسجد السلطان أحمد والآثار هناك، وبعدها محطة إيميجراند، ودي حديقة كبيرة ومنتزة روعة، والمحطة اللي بعدها أمينو، وده ميدان فيه بعض الآثار والشوبينج وحمام علي البحر مباشرة. كل محطة مش حتكلفك 2.5 ليرة يعني دولار تقريبا. وبعدهم محطة أيوب ودي هتروح تركب تليفريك بـ ١ دولار وتطلع أعلى نقطة في إسطنبول وتشوف مضيق البوسفور، وفي كافيهات فوق ومطاعم حلوة جدًا في التصوير.

البوسفور

رحلة مضيق البوسفور ودي بتتفق مع أي شركة سياحة وكبيرها ١٥ دولار عشان محدش ينصب عليك ودي جميلة جدا برضه. رحلة بورصة ودي يستحسن تطلعها في الشتاء عشان الثلج بيبقي مغطي الجبل كله والمنظر بيبقي أحسن ودي برضو شركات السياحة بيطلعوها بـ ٨٠ دولار بس انت تقدر تروحها لوحدك بـ ٣٠ دولار ويتركب التليفريك.

عندك بقى أكاتاي، ودي منطقة تحفة بالليل، تروح تأكل بطاطا وبطاطس بس بطريقة تحفة على مضيق البوسفور وجسر جالاتا، وفي مجمع كافيهات هناك وبازارات كتيرة. رحله سابانجا ودي مدينه زي بورصة كده، وحلوة جدا وفيها شوبينج حلو جدا، وثمنها برضه بحوالي ٥٠ دولار.

الصيف في تركيا شهرين هما شهر ٨ و٩ باقي السنة شتاء، بس الصيف عندهم تحفة وفيه مطرة برضه. لو عاوز شوبينج غالي في مول هيسترويا مول ومول أوليفيا ودوّل نروحلهم من خلال ميكروباصات هناك بـ ٣ ليرة، الميكروباصات هناك مرسيدس.. ورحلة سعيدة إن شاء الله.

تركيا من التأشيرة ، تركيا من التأشيرة

حجز فنادق تركيا من Booking

فنادق اسطنبولفنادق طرابزونفنادق فتحيةفنادق انطاليافنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

السياحة في أملج

السياحة في أملج السعودية : دليلك لأهم الأنشطة والمعالم السياحية

السياحة في أملج | الرحالة |   يقولون إن مكة المكرمة و المدينة المنورة هما …